الموضوع: انا والشاهين

انا بجد العربيه دي بتربيني اقسم بالله ولدي كان عنده حق لما قالي انا هربيك بالعربيه دي
انا بعت عربيتي الفليشيا بعد ما كنت بعمل بيها الي محدش يتخيلو وكانت راضيه بقسمتها وبتمشي وعمرها ما زعلتني في يوم سواء شد او اعطال تكاد منعدمه الاعطال بالنسبة للشاهين اه وربنا
المهم فضلت اسبوع بدور علي سويفت ولقيت واحده بس الراجل كان طالب فيها كتير اوي
وبعد الاسبوع دا ولدي اتخنق مني واستغل ان انا بنام لحد العصر لان بسهر طول الليل بذاكر وكتب العقد بتعها وحط فيها شرط جزائي 5000 جنيه ومدنيش المفتاح غير بعد ما تم العقد سنه 24 ساعه بحيث يكون الشرط الجزائي اشتغل مفعوله
صرفت علي العربيه شوية والحمد لله بتمشي وتمام بس كانت خنقاني في السحب والغرز
بعد ما جبتها بـ 4 ايام خلصت بنزين وفي ازمة بنزين في مصر وكنت عند الدكتور وحاجه تخنق وفضلت ادور علي بنزين مش لقي وربنا كرمني بجركن 4 لتر حطيت فيه بنزين بعد صراع في بنزينه كان فيها بنزين
تاني يوم كنت روحت عملت تشك علي العافشه والحمد لله مش كانت محتاجه غير جلد شدادات وركبته وبعمل درفتايه والفرد فسسس
طلع الكوريك والاستبن مفيش كوريك
دور علي كوريك مش لقي فضلت اكتر من ساعتين قولت عادي وفي الاخر عملتها وقولت بتحصل

نيجي للنهاره اليوم التاريخي

طلعت من الزقازيق متجه لشمال سيناء
وواخد الطريق شد بقئ زي ما متعود وقبل الصلحيه بـمسافه محترمه الازاز يجيله سرطان ويتفتفت قولت البدايه مبشره
جبت الفوطه ونزلت الازاز كلها وفضلت ماشي والازاز الصغير يجي في وشي ورقبتي طبعا لابس نضاره شمس فالحمد لله مفيش حاجه جت في عنيه واي عربيه نقل معديه كانت بتنقطي بشوية رمل
دخلت الصلحيه والنهارده الجمعه طبعا مفيش حد فاتح لقيت محل اسمه الشربيني ورقم تليفونه كلمته يا عم علي انا كذا كذا قالي انا جيلك وخلاص نص ساعه الراجل عمل الواجب كله وركب ازاز طبعا ملقتش النضيف ركبت واحد عادي بـ 100 جنيه لحد لما ارجع الزقازيق طبعا بعد العزاب الي انا شوفته
طلعت من الصلحيه المغرب وخلاص بقئ ركبنا ازاز والنور كويس جدا قولت عادي نروح بليل مع ان الطريق دا خطر بليل
ومشيت 100-120 كيلو بعد الصلحيه وخلاص بقئ والعربيه فصلت خالص يا ستي اشتغلي ابوس كوتشك ولي الهوي لعبت شوية في الاعطال الوارده بالعربيه كتمت بنزين الي هيه بتوقف العربيه مفيش فايده (الله يرحمك يا عم الشباب سعد زغلول) طبعا كنت في نص الجبل
المهم فضلت نص ساعه اشوار لعربيات ولي حد معبرني وكل فين وفين لما بشوف عربيه وعربيات نقل تعدي تنقطي بشوية هوي ورمل
هعمل ايه طيب الجو ضلم والدنيا سواد بتشوف عربيات بنور جايه من بعيد وطايره مش بيحاول يبصلك اساسا قولت
هي كدا كدا خربانه وانا معايا خط اتصالات يعني مفيش شبكه في المنطقه دي وبعت رساله للحاج اني وصلت وان موبيلي مهييس مش هعرف ارد عليه عشان ميقلقش
الست الحاجه ربنا يبارك فيها كانت مدينا سندوتشات فضلت انقنق فيهم وطلعت الشيشه وشوية بنزين كان معايا في الجركن والحجاره وولعت وعملت حجر تفاح عظيم
وحطيت الشيشه علي شنطة العربيه وطلعت فوق الشنطه وقاعد بشرب
ومسكت الفلوس الي معايا حطتها في كيس ودفنتها في الرمل وسبت معايا 100 جنيه
وموبيلي خبيته في العربيه
واذا بواحد كان رايح في اتجاه شمال سيناء بعربيه مرسيدس قديمه وهو راجع تاني الصلحيه وقفلي شربنا سوه الحجر واحنا بنشرب بيقولي في ايه قولتله في كذا كذا قالي طيب بسيطه انا هشدك لحد الصلحيه قولتله كتر خيرك
والراجل شدني لحد الصلحيه انا فرحت جدا اخيرا شوفت بني ادمين وفضل ماسك فيه اقعد عنده لحد الصبح وانا قولتله تسلم وعزمت عليه بفلوس والراجل راسه والف سيف مش هياخد فلوس
في الصلحيه جبت عربيه نص نقل شدتني لحد البيت وانا لسه داخل من شوية بعد ما كفرتني طول الطريق الحبل يتقطع وربط تاني وحاجه تخلي الواحد يتخنق
ودي كانت حكاية النهارده قريبا هيحصلي حاجه تاني وهكلمكم عليها
علي فكرا انا طلعت شمال سيناء بالفليشيا قبل ما ابعها باسبوعين اقسم بالله حرق علي الغيارات وغرز وبهدله بجد كانت رجوله
الي معاه عربيه محترمه وبتصونه ميفكركش يبعها غير لما يشتري جديد بجد