أنا هبدأ بنفسى ....
من أسوء التوكيلات اللى أتعاملت معاها كان توكيل يونيون أير ....
التكييف بقالة معانا 5 سنين و كل سنة فى مصيبة شكل ....
بعد سنة من تركيب الجهاز لاقيناة فجأة بااااااااظ خااااااااالص ....
بعتنا الفنيين معرفوش يعملوا فى حاجة راحوا خدوة على المصنع ....
تانى سنة البوردة أتحرقت ....
عرفت من واحد فنى شغال هناك أن الراجل صاحب المصنع بعد أنتشار التكييف فى البلد قرر أنة يجيب مكونات الجهاز من الصين عشان كدة أعطالة بقت كتير ....
أخر حاجة بقى الجهاز كان محتاج شحن فريون ....
كلمت الخط الساخن بتاع يونيون أير محدش عبرنى لمدة أسبوع ....
رحت بنصاحتى المعتادة كتبت على Google مراكز صيانة يونيون أير ....
لاقيت أرقام موبايلات كتيييير أوى فأفتكرت أن دى أرقام الفنيين اللى شغالين فى التوكيل نفسة ....
أتصلت الصبح جالى فنى بعد ساعتين بس ....
شحن الجهاز فى 5 دقايق و بعدين بقولة كام يا عم؟؟!!
لاقيتة بيقولى 320 جنية ....
كاااااااااااااااام؟! لية؟؟!!
قال لى شحن الفريون ب 220 و الزيارة ب 100 ....
زيارة أية دى اللى ب 100 جنية؟؟!!
أنت جاى فى ليموزين؟؟!!
دفعت الفلوس و بعدين أدانى وصل غريب لا مكتوب علية يونيون أير ولا تليفون ولا أى حاجة خااااالص؟؟!!
فسألتة هو أنت جاى من يونيون أير نفسة؟؟!!
قال لى أيوة طبعآ يا باشا و خد بعضة وجرى ....
كلمت الراجل اللى كلمتة الصبح فسئلتة هو هنا توكيل يونيون أير قال لى لأ أحنا بنصلح غسالات و مكانس و تكييفات و كل حاااااااااااجة ....
يعنى من الأخر طلعت ورشة ....
أرجوكم يا جماعة ماتتصلوش بأى رقم موجود على النت لأن معظم الأرقام دى بتبقى بتاعت ناس نصابين ....
المفضلات