لقى أحمد حسين البالغ من العمر 20 عاما طالبة بكلية الهندسة مصرعه منذ قليل بمستشفى الجامعة بالإسماعيلية متأثرا بجراحه بعد أن تعدى عليه ثلاثة ملتحين يرتدون جلابيب بيضاء قصيرة مساء أمس والذى قدم والده بلاغا للمحامى العام لنيابات ضد هؤلاء يحمل رقم 2577 لسنة 2012 السويس .
تعود الواقعة عندما كان يسير أحمد حسين البالغ من العمر 20 عاما، الطالب بكلية الهندسة، بتوصيل خطيبته وابنة خالته إلى موقف السيارات فى الثامنة مساء بشارع الجيش بحى الأربعين ، واستوقفه ثلاثة يركبون دراجة نارية ويرتدون جلباب بيضاء قصيرة وسألوه عن سبب سيره مع هذه الشابة فأبلغهم أنها خطيبته، وقاله له بصوت عالى ” ملكوش دعوه انتوا مالكم .. أمش برحتى مع خطبتى ” فقام هؤلاء الثلاثة الملتحين بطعنه فى منطقة حساسة من جسده بسلاح أبيض ” سكينه “.
كان والد أحمد أكد فى وقت سابق أثناء تحرير البلاغ للمحامى العام أنه لا يعرف هؤلاء الذين تعدوا على نجله ولا يوجد أى خلاف سابق معهم، مُطالبا بسرعة القبض عليهم والتحقيق فى البلاغ الذى تقدم به، هذا وبعد علم الأب خبر مصرعه نجله حدثت له حالة من الانهيار العصبى وحالية بمستشفى الجامعة بالإسماعيلية .


أخبارك.نت - تغطية: «شيرين الجيزاوي»: أخي انتقل إلى عنبر الإعدام.. ومرسي خذلنا


ده حقيقي و لا شغل امن دوله ؟ ربنا يرحم الطالب و يلهم اهله الصبر و السلوان

امن دوله طبعا وكل الحرميه والنصابين اللي تبع شفيق ما كل الشباب ماشين مع بنات كل يوم

بس يقتلوه ؟ وسعت منهم اوي

يعني هو القتل غريب علي امن الدوله ماقتلوا نص الشعب فيها ايه يعني دول شويه كلاب شوارع عاوزين ضرب الجزم

انا ساكن فى السويس
و بصراحه لم اسمع عن هذا الخبر الا من على النت و الله اعلم بصحته

و لكن استوقفتنى بعض الملاحظات

1- الشاب مات فى مستشفى اسماعيليه الجامعى و لم يرد اى ذكر عن تحويله للعام مع انها تبعد خطوات عن مكان الحادث المفترض

2- هما اللى عندهم دقون ماشيين فى الشارع يسألوا الناس انت مين اللى ماشة معاك

3- المنطقه اللى وارده فى الخبر اشبه ما تكون بميدان رمسيس يعنى هتلاقى امة لا اله الا الله ملمومه على الناس دى و خاصه انهم لم يكن معهم الا سكينه اللى ضربوه بيها و المنطقه دى بالذات سهل اوى تلاقى اسلحه فيها يعنى ماحدش كان هيخاف منهم

4- طول عمر السويس بها اكبر نسبه من الملتحين و المنتقبات و هى المحافظه الوحيده (على ما اذكر ) الذى جاء بها حزب النور فى المركز الاول و لم نسمع ابدا بها عن مثل هذا التصرف و لا حتى نهر بالكلمه (بقالى فيها اكتر من 30 سنه )

5- اذا تم فعلا قتل الشاب ( اذا كان حصل ) فتحليلى لهذا لا يعدو كما ذكر بعض الاخوه ...شغل من جهه اخرى

او ان الشاب ده لا كان فى الاربعين و لا حاجه و كان فى منطقه متطرفه و حصل اللى حصل ( و هذا ليس افتراء عليه و لكنى صادفت ناس بيقولوا انهم كانوا ماشيين فى شارع كذا و حد حدف طوب على الزجاج الامامى للسياره علشان يقف انما هو جرى و بعد السؤال الدقيق تعرف انه كان مع خطيبته فى مكان تخاف تروحه قبل الثوره اصلا - بتكون اماكن متطرفه يقصدها من يريد المزاج بانواعه)

ربنا يظهر الحق و يعافى الناس من شرور الناس

لو الخبر ده صح ... لازم يقبض على الجناه باسرع وقت ويتم اعدامهم في ميدان عام

و هانفضل نسمع و نشوف في كتير من ده طول ما البعدا ماسكين البلد

و واجب كل واحد مننا انه يوعي اهله و كل معارفه لأن مش احنا الفئة المستهدفة بالكلام ده

وبعدين فى الملتحين اللى عاملين مشاكل دول لسه بردو عندنا واحد ملتحى فجر 5 ابراج ودبح 50 واحد فى عيله واحده وحرق قسم اول وتانى ومجمع المحاكم والمستشفى العام وضرب مدير الامن فى صدره من العماره اللى قدام مديرية الامن واهو قاعد بيضرب نار عندنا فى الشارع وبرضو لسه الجلابيه بيضه وقصيره وراكب فيسبا صينى اوتوماتيك 8 سرعات 3 سليندر

+1111111111111111111
الراجل ده عفرييييييييييت.

ياااااااه ديه نفس مواصفات الراجل اللي قدامي في الشارع اللي ماسك في زمارة عمود النور ومش راضي يسيبهه