الموضوع: فيه ناس بتقول ............. ، يا ترى أنت بتقول أيه !!!

• الناس بتقول : -" يا ميشو يا حبيبي اللي يشتمك إشتمه" - ساعات تبقى " خد حقك بدراعك" أو "ماهو أصلك لو سكت له..هيفتكرك هفأ" .
o قول الله و رسوله: ( "وَلْيَعْفُوا وَلْيَصْفَحُوا أَلَا تُحِبُّونَ أَنْ يَغْفِرَ اللَّهُ لَكُمْ وَاللَّهُ غَفُورٌ رَحِيمٌ" "فَمَنْ عَفَا وَأَصْلَحَ فَأَجْرُهُ عَلَى اللَّهِ إِنَّهُ لَا يُحِبُّ الظَّالِمِينَ" قال رسول الله صلى الله عليه وسلم: وما زاد الله عبدا بعفوا إلا عزا ... الحديث " رواه مسلم) .

• الناس بتقول : - "متحبكهاش كده يا فتحي.. ساعة لقلبك و ساعة لربك".
o قول الله و رسوله: ( "قُلْ إِنَّ صَلاتِي وَنُسُكِي وَمَحْيَايَ وَمَمَاتِي لِلَّهِ رَبِّ الْعَالَمِينَ").

• الناس بتقول : - "شوف يا سامي يابني.. مش هينفعك غير قرشك"....- ساعات تبقى: "شهادتك" أو "شغلك".
o قول الله و رسوله: ( قال رسول الله صلى الله عليه وسلم: "...واعلم أن الأمة لو اجتمعت على أن ينفعوك بشيء ، لم ينفعوك إلا بشيء قد كتبه الله لك...." رواه الترمذي - صحيح).

• الناس بتقول : - "يا محسن متقلقش خالص… لازم تبقى واثق في قدراتك".
o قول الله و رسوله: ( قال رسول الله صلى الله عليه وسلم: "...إذا سألت فاسأل الله... وإذا استعنت فاستعن بالله" رواه الترمذي - صحيح).

• الناس بتقول : -لما حد يقوله " ربنا بيقول…." أو "الرسول قال…." يكون الرد: أيوه أنا عارف طبعا…..لكن الزمن اتغير يأخي!! .
o قول الله و رسوله: ( " أَلَا يَعْلَمُ مَنْ خَلَقَ وَهُوَ اللَّطِيفُ الْخَبِيرُ").

• الناس بتقول : - "آآآآآه .. أنا و اخويا على ابن عمي و أنا و ابن عمي على الغريب" مفهوم: الجدعنة إنك تبقى مع صاحبك حتى لو كان غلطان طالما الطرف التاني مش "تبعنا" .
o قول الله و رسوله: ( قال رسول الله صلى الله عليه وسلم: "انصر أخاك ظالما أو مظلوما . فقال رجل : يا رسول الله ، أنصره إذا كان مظلوما ، أفرأيت إذا كان ظالما كيف أنصره ؟ قال : تحجزه ، أو تمنعه ، من الظلم فإن ذلك نصره" صحيح البخاري وقال" والذي نفس محمد بيده ، لو أن فاطمة بنت محمد سرقت لقطعت يدها" صحيح البخاري) .

• الناس بتقول : - "لا يا هيما معلش… أنا اللي يبقى كويس معايا أشيلو فوق راسي واللي يدايقني أوريله "الوش التاني".
o قول الله و رسوله: ( "وَلاَ يَجْرِمَنَّكُمْ شَنَآنُ قَوْمٍ عَلَى أَلاَّ تَعْدِلُواْ اعْدِلُواْ هُوَ أَقْرَبُ لِلتَّقْوَى" قال رسول الله صلى الله عليه وسلم: "لا تكونوا إمعة تقولون إن أحسن الناس أحسنا وإن ظلموا ظلمنا ولكن وطنوا أنفسكم إن أحسن الناس أن تحسنوا وإن أساءوا فلا تظلموا" رواه الترمذي – حسن غريب.

• الناس بتقول : - "مبرووك يا عريس..الجواز شر لابد منه"أو تقرأ لكاتب صحفي "مثقف" ساخر: "يولد الناس أحرارا… ثم يتزوجون"
o قول الله و رسوله: "وَمِنْ آيَاتِهِ أَنْ خَلَقَ لَكُم مِّنْ أَنفُسِكُمْ أَزْوَاجًا لِّتَسْكُنُوا إِلَيْهَا وَجَعَلَ بَيْنَكُم مَّوَدَّةً وَرَحْمَةً إِنَّ فِي ذَلِكَ لَآيَاتٍ لِّقَوْمٍ يَتَفَكَّرُونَ").

• الناس بتقول : -" أنت يامان فاهم غلط.. الزمن ده مش عايز واحد طيب" .
o قول الله و رسوله: ( قال رسول الله صلى الله عليه وسلم: "أكمل المؤمنين إيمانا أحسنهم خلقا ، الموطؤون أكنافا ، الذين يألفون و يؤلفون ، و لا خير فيمن لا يألف و لا يؤلف" الألباني- حسن وقال:" رحم الله رجلا ، سمحا إذا باع ، وإذا اشترى ، وإذا اقتضى" صحيح البخاري).

• الناس بتقول : - "أنا أبويا قالهالي كلمة…إللي معاه قرش يساوي قرش"غالبا بيكون نفس الأب قال لبنته بردو.."لازم تشتغلي عشان يبقى ليكي كيان"
o قول الله و رسوله: ( "إِنَّ أَكْرَمَكُمْ عِنْدَ اللَّهِ أَتْقَاكُمْ").

• الناس بتقول : - "ما هي الدنيا كده يا عبده ياخويا…إللي مالوش ضهر بيضرب على بطنه "– الضهر هنا معناه زي ما أنتم عارفين و احد له منصب .
o قول الله و رسوله: ( "وَمَن يَتَّقِ اللَّهَ يَجْعَل لَّهُ مَخْرَجاً وَيَرْزُقْهُ مِنْ حَيْثُ لَا يَحْتَسِبُ وَمَن يَتَوَكَّلْ عَلَى اللَّهِ فَهُوَ حَسْبُهُ").

• الناس بتقول : - أنا بنيت نفسي بنفسي يا نجيب أفندي!.
o قول الله و رسوله: ( "وَمَا بِكُم مِّن نِّعْمَةٍ فَمِنَ اللّهِ").

• الناس بتقول : - "يا شاهندة إنتي فهمتي غلط…. ده شادي زي أخويا…إحنا "just friends" بنستريح في الكلام مع بعض!!" أو بقى الأدهى: لو سمحت يا عمرو…أنا و ريهام مش متصاحبين إحنا"مرتبطين" و بعد منخلص كليه هروح أتقدملها.
o قول الله و رسوله: ( "فَلا تَخْضَعْنَ بِالْقَوْلِ فَيَطْمَعَ الَّذِي فِي قَلْبِهِ مَرَضٌ وَقُلْنَ قَوْلا مَّعْرُوفًا" "وَإِذَا سَأَلْتُمُوهُنَّ مَتَاعًا فَاسْأَلُوهُنَّ مِن وَرَاء حِجَابٍ ذَلِكُمْ أَطْهَرُ لِقُلُوبِكُمْ وَقُلُوبِهِنَّ" قال رسول الله صلى الله عليه وسلم: "ما تركت بعدي فتنة أضر على الرجال من النساء" صحيح البخاري).

• الناس بتقول : - يا عبيطة ما هو إنتي لو مجتيش فرح ناني هتفضلي كده مش هتتجوزي. أو "لو محطتيش ميك إب" أو.. أو …أو .
o قول الله و رسوله: ( قال رسول الله صلى الله عليه وسلم: "إن روح القدس نفث في روعي ، أن نفسا لن تموت حتى تستكمل أجلها ، وتستوعب رزقها ، فاتقوا الله ، وأجملوا في الطلب ، ولا يحملن أحدكم استبطاء الرزق أن يطلبه بمعصية الله ، فإن الله تعالى لا ينال ما عنده إلا بطاعته" الألباني- صحيح).

• الناس بتقول : - إعلان: "إبهريهم بجمال شعرك" – شامبو ودن القطة... أو "إحوليهم بلون بشرتك" – كريم الفيل الأحمر. من إنتاج شركة : كل إللي يعجبك و إلبس إللي يعجب الناس.
• قول الله و رسوله: (قال رسول الله صلى الله عليه وسلم:" من أرضى الله بسخط الناس ، كفاه الله الناس ، و من أسخط الله برضى الناس ، وكله الله إلى الناس" الألباني- صحيح).

• الناس بتقول : - "يا سيدي….. اعمل الخير و ارميه البحر"
o قول الله و رسوله: ( "فَمَنْ يَعْمَلْ مِثْقَالَ ذَرَّةٍ خَيْرًا يَرَهُ وَمَنْ يَعْمَلْ مِثْقَالَ ذَرَّةٍ شَرًّا يَرَهُ") .

• الناس بتقول : - "السلام عليكم..." - الرد يكون:" ايه يا مان انت مش كنت لسه هنا ..ده حتى كتر السلام يقل المعرفة"
o قول الله و رسوله: ( قال رسول الله صلى الله عليه وسلم: "لا تدخلون الجنة حتى تؤمنوا . ولا تؤمنوا حتى تحابوا . أولا أدلكم على شيء إذا فعلتموه تحاببتم ؟ أفشوا السلام بينكم" رواه مسلم)

المطلوب إننا نفكر في أي مفهوم من المفاهيم اللي في حياتنا و نشوفها مطابقة لمراد ربنا مننا ولا لأ