عملية (الفتق الأربى)

**alfath8** · 03-07-2012 12:46 AM

السلام عليكم
محتاج نصياحكم فى العملية الجراحية دى وهل ليها اى اثار على القدرة على الانجاب بعد فترة والراحة المطلوبة للنقاهة التامة بعد العملية وهل هيا عملية صعبة ولا حاجة سهلة
ربنا يبعد عنا جميعا الاوجاع والامراض بفضله وبرحمته

**MASERATI** · 03-07-2012 01:00 AM

السلام عليكم و رحمة الله و بركاته

ألف حمدالله على سلامتك.

العملية سهلة جدا و ممكن تتعمل ببنج كلى أو نصفى و أحينا موضعى كمان, بس الغالب بيعمل ببنج نصفى.

غالبا اللى هيعملهالك, هيركبلك شبكة عشان ماترجعش تانى.

أهم حاجة تعملها فى مكان نظيف و يكون الجراح شاطر و بيفهم., عشان لا يتنقلك فيروسات -لا قدر الله- و لا يحصل التهاب فى مكان العملية و خاصة أنك هتركب شبكة.

أنت هتحتاج بتاع أسبوح مرتاح فى السرير و الأهم أنك تحاول لا تكح و لا يكون عندك امساك و لا حاجة, يعنى ابعد عن أى حاجة فيها حزق.

اقعد كمان 3 شهور, اعمل كووووووووول حاجة عادى جدا, بس ماتشيلش أى حاجة تقيلة و لا تعمل مجهود يحتاج أنك تحزق, غير كده عيش حياتك عادى جدا.

لا تأثير على الاطلاق على القدرة الجنسية أو الانجابية, هو صحيح الحبل المنوى بيمر فى المكان اللى فيه العملية, بس أدام الجراج شاطر و عارف بيعمل ايه, يبقى توكل على الله و ان شاء الله, مش هيحصل الا الخير.

و ألف حمدالله عالسلامة و ابقى طمننا عليك.

**Screenplays** · 03-07-2012 01:19 AM

سلامتك يا ريس

انا عملتها و انا في الاعداديه ... هي العمليه بسيطه مفيهاش مشاكل ... بس زي ما الدكتور مازيراتي ما قالك ... لازم دكتور محترف عشان موضوع الشبكه ده ... و عشان نضافه العمليه ... بعد العمليه هيفضل مكان الخياطه بيوجع ... و مش هينفع تمشي كتير ... انا كنت بمشي بعكاز ... و بعدها بفتره هتفك الخياطه ... هتسيب علامه مفيش مشكله ... بس قبل فك الخياطه ... ممنوع يجي ميه علي مكان الجرح نهائي ... انا كنت معفن و مبستحماش ههههههههه ... حاليا في الشتا بحس في وجع في مكان العمليه لما بمشي في البرد ... و ساعات رجلي الشمال بتشد عليا ... دي بقه الاعراض الجانبيه ... طبعا متشيلش اي حاجه تقيله خالص

عموما انصحك تعملها في مستشفي ال سليمان ... دي انضف حاجه في بورسعيد ... معلش هتصرف شويه بس كله يهون عشان خاطر صحتك ... و ابعتلي تليفونك علي الخاص ... عشان ابقي اطمن عليك ... و لو عوزت اي حاجه قولي ... انا تحت امرك

**ainshouka** · 03-07-2012 01:21 AM

لسه عاملها الاسبوع اللى قبل اللى فات

اتعملى فيها بنج كلى بعد ماكان الاتفاق على بنج نصفى وبصراحة كده احسن لانى مش مستعد اتخيل الدكتور وهو بفتح بالمشرط

الموضوع بسيط

بيبقى فيه شوية وجع بس بتستحمله عادى

فعلا مفيش اى كح خلى جبنك عصير اول كام يوم عشان تلطف فى الزور لو حسيت انك حتكح

اول يومين متاكلش اكل طبيعى (لو حتعمل بنج كلى ) عشان ميبقاش فيه اى نوع من (الحزق) عشان ميأثرش فى الجرح ممكن تستعمل لبوس ملين عشان تتفادى الامساك

بعدها بيومين بتحس انك استعدت 75% من نشاطك عادى والباقى بييجى بصورة تدريجية

ماتقلقش

مازلت حى ارزق :)

**Screenplays** · 03-07-2012 07:35 AM

ainshouka حمد لله علي السلامه يا فندم

**hany63** · 03-07-2012 10:14 AM

يجعلها سهله و تقوم بالسلامه

**ainshouka** · 03-07-2012 10:16 AM

المشاركة الأصلية كتبت بواسطة screenplays

ainshouka حمد لله علي السلامه يا فندم

الله يسلمك

ومتشكر اوي علي سؤالك

**SAMEH_FOUAD** · 03-07-2012 11:09 AM

الف حمد لله على سلامتكوا جميعا وان شاء الله تكون اخر العمليات وربنا ينعم عليكوا وعلينا بنعمة الصحة دائما بإذن الله

والف سلامة عليك ياستاذ alfath8 وان شاء الله تقوم على خير وانت بأكمل صحة وسلامة

بس اهم حاجة لازم تختار المكان النظيف حتى لو هتدفع زيادة بس عشان لاقدر الله مايحصلش اى مضاعفات قبلها

**alfath8** · 03-07-2012 09:10 PM

الف شكر على ردكم جميعا وبصراحة اطمنت شوية ربنا يسترها بقى انا هاعملها ان شاء الله الاسبوع الجاى
دعواتكم بقى

-

الموضوع: عملية (الفتق الأربى)

LinkBack

أدوات الموضوع

عرض

عملية (الفتق الأربى) - انشر الموضوع فى :

-

-

-

-

المواضيع المتشابهه

حد عمل عملية الفمتوليزك؟

حل مشكله ارتفاع الأربى ام فى الأفيو

عملية فحص

حد هنا عمل عملية الليزر قبل كدة

الكلمات الدلالية لهذا الموضوع

المفضلات

المفضلات

ضوابط المشاركة