لوجان 2013 اوتوماتك و سؤال صغير

**marwan123** · 03-07-2012 11:09 PM

السلام عليكم ازيكوا يا و حوش
انا الحمد لله استلمت اللوجان الاوتوماتك امبارح من سمير ريان هو مزود شويه فى سعره بس مش هوا ده الموضوع , انا لما رحت اتفجأت ان بيقولى انها 2013 مش 2012 فرحت الصراحه, بس انا عندى استفسار صغير انا لقيت لمبه مكتوب عليه abs هو العربيه فعلا فيهاabs و لا ايه ,و بعدين اللمبه بتاعت الحزام مش بتنور و دى انا مأخدتش باللى منها و انا بستلم و اخر حاجه الكاسيت بيعمل صفاره متقطعه زى صفاره حزام الامان كده ده عيب و لا حاجه ممن تتظبط
و شكرا

**ahmed_m_ashraf** · 04-07-2012 12:28 AM

ألف مبروك, دي الدفعة الجديدة ظهرت أهي, كذا واحد مستلم اليومين دول مشاء الله.

بالنسبة لل ٢٠١٣ هو مكتوب في الورق بتاعها ٢٠١٣ ولا الكلام ده من بق الراجل بس, الفيصل الورق, عشان لما تروح ترخص متتفاجئش إنها ٢٠١٢ وتفتكرها غلطة.ده لو الراجل بيهيس.

بالنسبة للمبه ال absهو بس مكان اللمبة إللي موجود لكنها مش شغالة وده عشان لوحة العدادات بتنزل ستاندرد بكل محتويتها لكل الموديلات, كنوع من تخفيض التكلفة. ولمبة الحزام فعلا ملهاش إستخدام في الفئه إللى بتنزل مصر, مكانها بس إللى موجود. متقلقش طبيعي.

الكاسيت بيصفر وبعدين؟ الصوت بيقطع أو بيطلب منك على الشاشة أربع أرقام مثلا؟ لو كده إنت نحتاج زيارة للتوكيل في ١٠ دقايق عشان يدولك كود الكاسيت, دخلة وإحتفظ بيه عشان لو فصلت البطارية مثلا الكاسيت هيطلبة تاني.

**YahiaAshraf** · 04-07-2012 12:38 AM

اولا الف مبروك يا باشا و ربنا يديك خيرها و يكفيك شرها
و هى سعرها اغلى علشان موديل 2013 مش 2012

بالنسبه للصفاره بتاعت الكاسيت فده طبيعى فى الاول فى اللوجان
لانك لازم تروح التوكيل علشان يجيبلك الكود بتاع الكاسيت و بتحطه و هتلاقى الكاسيت بقى تمام معاك
بالنسبه للصفاره بتاعت حزام الامان معنديش فكره عنها الصراحه

و بالنسبه للفرامل الايه بى اس
فهى بالفعل مافيهاش
و العدادات بتنزل ستاندرد

و مجددا الف الف مبروك و تقبلوا تحياتى