حابب ألفت نظر حضرتك لشوية نقط بخصوص إختيار عربية مستعملة اليومين دول ... أولا حضرتك بتتكلم عن مبلغ 50 ألف وبالتالي نصيحة لوجه الله تعالى بلاش تغلط وتجيب بالمبلغ كله عربية وبعد كده تتزنق فى صيانتها ومصاريفها ... الموقف ده حصل معايا قبل كده وكرهت العربية وبعتها بعد 5 شهور بالظبط عشان أتخنقت من المصاريف اللى مكنتش عامل حسابها ... وبالتالي لو حضرتك معاك 50 ألف فقط يبقى ياريت يكون أقصى مبلغ هتدفعه منهم فى حدود 47 ألف مثلا والباقي تحت حساب الصيانة وأي مصاريف إضافية من ترخيص ونقل ملكية وخلافه.
ثانيا بقى أغلب الناس دلوقتي مبقتش بتشتري عربية عشان تحتفظ بيها مدة طويلة - يعني ممكن بالكتير اوووي خلال 3 أو 5 سنين هتفكر تبيعها مهما كانت حالتها ... وعشان كده لازم الواحد يفكر فى سعر إعادة البيع وسهولة البيع كمان ... وبرضو توافر قطع الغيار وسهولة الصيانة.
أنا من وجهة نظري المتواضعة شايف إنك تقدر تفكر فى الدايو نوبيرا وهتلاقي فيها كل اللى بتتمناه بالسعر ده ( تكييف - جميع الكماليات - 1600 سي سي - ثبات ممتاز - قطع غيار رخيصة ومتوفرة - سعر إعادة بيع ممتاز - ممتازة للسفر والمسافات الطويلة - قليلة الأعطال) والكلام ده عن تجربة طبعاااااا.
وياريت باقى الأعضاء تشرفنا بالردود :)
المفضلات