الموضوع: انتى واحده مش محترمه

مالاخر فى ستات كتير ممشية بيوتها وفى وكسه عند بعض الناس ان عندهم اعتقاد اللى هتخرج كده هتجيلهم بعريس وفى بنات كتيرة فى مناطق شعبية لما بيروحوا سيتى ستارز بيلبسوا كده برضه من باب انها بنت ستايل ومش عايشة عيشة اهلها النهاردة الاخ لما بيكلم اخته فى حاجه الام بتقف له وبتقوله انت هتعمل عليها راجل هههههههههه بجد ربنا يسترها علينا وعلى بيوتنا

المشاركة الأصلية كتبت بواسطة syd

كلها تبعات

لما الموضوع يبتدي بانحلال اخلاقي وتعليمي وديني لازم تلاقي انحرافات

مافيش وعي
مفيش وعي بكل حاجة
يمكن الأب في البيت مش واخد باله ان بنته كبرت ولو اتجوزت هتجيبله حفيد
والأخ مايقدرش يكلم اخته لحسن مامته تضربه أأه علي ايده ولا علي قفاه
والبنت من وجهة نظرها ان ليها حرية شخصية في لبسها طالما هي مقتنعة انها مش بتعمل حاجة غلط

قاعدة مع شوية عيال صيع علي قهوة (كافيه) وبتشرب شيشة وشايفة انها مش بتعمل حاجة غلط

كلام مظبوط وأكتر جملة على لسان أى بنت اليومين دول أنا مش بعمل حاجة غلط حلوة دى إذا كانت هى نفسها غلط يبقى إزاى مبتعملش حاجة غلط بس يا جماعة سن المراهقة وكدا والبنت عايزة واحد يقولها بحبك وهتجوزك هو دا الهدف السامى ليهم لكنه بيتحول بطريقتهم الغير لائقة أخلاقيا لإنها تبقى بنت منحلة وذات علاقات مختلفة تتعرف بواحد ويضحك عليها واللى بعده تضحك عليه وهكذا وتعيش دور العاشقة الولهانة وتسمع أسامة منير الشاب فى النهاية مش هيتجوزها وبيعمل كدا إرضاء لنقص عنده ودا سببه قلة الوعى والانحلال الأخلاقى وفى الآخر يطنش لها وميردش عليها فى التليفون وحورات فاضية بتاع ناس مش عاقلين خالص واللى ثبت كدا فى دماغ الشباب عامة التليفزيون الفاسد اللى بيقدملنا الدعارة ومعلش فى اللفظ ولكنها هى الحقيقة والله على أساس أنها فن وبيقدملنا الخيانة على أساس أنها حب تانى وحرية !!!!!!!!!!!!!!! نرجع للبيت مش عارف ليه مش بلوم على الأب قوى قدر ما بلوم على الأم لأنها هى اللى بتسمح لبنتها بكدا آه خايفة عليها وعايزاها تتجوز لكن مش دى الطريقة النصيب مش بيشتروه ولا القدر بنحدده لكن إحنا ممكن نختار إننا نعيش شرفاء وذوى مبدأ ووارد جدا إن البنت تكون بتكرر تجارب أمها كررتها فى الماضى عشان كدا أنا بركز على دور الأم فى توعية البنت بالإلتزام بلبس أخلاقى عادى تلبس لبس شيك وكل حاجة لكن ما تبقاش مستفزة قوى مشكلتنا كلنا عايزين نوصل لحاجة إحنا عايزينها فى ميعاد شايفينه مناسب من وجهة نظر ولكن يجب أن نسعى بإننا نمشى فى طريق صح والباقى على ربنا أنا بقول الكلام دا ومش بطبقه على نفسى للعلم ولكن اعتراف بالحقيقة مش أكتر وربنا يسامحنى