هو انتوا ليه كدة؟! ليه مفيش تقدير !

**Ashraf_Ibrahim** · 04-07-2012 08:06 PM

ازيكم يا شباب عاملين ايه
طبعا العنوان صادم بس فعلا دا سؤال عندي !
هو انتو ليه كدة؟!
ليه مستهترين وليه مفيش تفكير ولا فهم ولا ادراك ؟!
السؤال دا للجنس اللطيف اللي بدأت أكره بسبب تصرفاته !
من فترة وانا عندي حكة في الرفرف الامامي وخبطة في الاكصدام اللخفي يمين
امبارح وديت العربية للسمكري عملهم وبقت العربية رائعة ما شاء الله عليها
النهردة ماشي في شارع جسر السويس
واحدة وبنتها واقفين على الرصيف
بيني وبينها مسافة كبيرة تتجاوز ال 50 متر !
ولما قربت منها وبقا بيني وبينها اقل من 2 متر قررت فجأة انها تعدي
حسبي الله ونعم الوكيل !
طبعا فرملت جامد ووقفت الحمد لله ومخبطتش ال ................ ولا هي ولا بنتها !
واذ بالراجل اللي ورايا معاه لانوس قام بوم خابط فيا
في نفس مكان الخبطة اللي انا لسة عامله امبارح !
وهي على الرغم من صوت الفرملة وصوت الخبطة عدت هي وبنتها ولا عملت حاجة ولا كأنها عملت مصيبة وجريت
نزلت للراجل بيقلي ايه حصل قلتله عدت من ادامي فجأة اعمل ايه
قلي وانا اعمل ايه انا كمان
قلتله خلاص انت عندك حاجة قلي لا بصيت على اكصدامي وانا يائس وحزين قلتله حصل خير !
طب يعني لو فرضنا اني مقدرتش اقف وقمت شايلها هي والمحروسة بتاعتها كان يبقا ايه العمل؟!
ليه التخلف دا ؟!

**Amr Axel** · 04-07-2012 08:32 PM

أشرف بيه اخبارك ايه عايش من شافك
و الله يا ريس مش عارف أقولك ايه ربنا يعوض عليك
نفس الموقف حصل معايا ماشيين ع سرعة حوالي 60 و اذا باللي قدامي ضربت فرامل فجأة لأنها حست ان اللي ع الرصيف هتنزل تعدي و اللي ع الرصيف واحدة برده نزلت نص نزلة و رجعت تاني معرفش ايه الغباء ده و الشارع زحمة خلقة مينفعش قطة تعدي حتي انا لحقت و دوست فرامل و كان بيني و بيناللي قدامي كام سم لكن وقفت لكن اللي ورا ملحقش و رشق في عربيتي و اللي قدامي طلعت تجري بالعربية بعد اللي حصل و هو نازل يشتم فيها و النتيجة خساير عندنا احنا الاتنين :(

**Elawany13** · 04-07-2012 08:33 PM

ربنا يرحمنا برحمته
هيه حاجه تنقط بصراحة
قدر الله وماشاء فعل

**mohammedabdallh** · 04-07-2012 09:40 PM

بسيطه يا اشرف بيه
والحمد لله
والى بيجى فى الفلوس يغور فى دايهه الفلوس بتروح وبتيجى المهم الانسان والصحه
ولو علمتم ما فى الغيب لخترتم الواقع

**kaza** · 04-07-2012 10:07 PM

مش الستات بس عندك النقل والميكروباص والتريسكل والتوكتوك والاوتوبيسات الصغيرة اللي بتشيل 29 راكب ومعظم اللي مركب نمر حرفين واربع ارقام بس والله فيهم محترمين