الموضوع: كلاكيت تاني مره ترموثتات الاوكتافيا

حضرتك الحساس اللي بتتكلم عليه و راكب علي الرادياتير و اللي لما لمسته اشتغلت المراوح ده هو الثرموستات الكهربي المسئول عن تشغيل و فصل المراوح و المسئول ايضا عن سرعة تشغيل المراوح

ده هو اللي فيه العيب و من خلال كلامك شكله الفيشة بتاعته معلقه او مش راكبه كويس او مجنزرة او ه نفسه بايظ شوف ايه المشكلة اللي فيه و صلحها و رجع الثرموستات الميكانيكال اللي بيفتح الدورة و يقفلها حسب درجة الحرارة كما كان لأنك في الشتاء هتلاقي درجة الحرارة عندك بتنزل جامد و خاصة مع السرعات العالية و الطرق المفتوحة وده غلط جدا علي المحرك

اللي حضرتك هتعمله في خطوتين :-
1- البحث عن مشكلة الثرموستات الكهربي اللي راكب في الرادياتير (سواء كانت فيشته مكسورة او هو بايظ او اطرافه مجنزرة او .... ) و تحل مشكلته
2- اعادة تركيب قلب الثرموستات الميكانيكال اللي راكب في شجرة المياة كما كان او تغييره ان كان اتكسر ولا حاجه المهم متلغيهوش ابدا

و بالتوفيق ان شاء الله

المشاركة الأصلية كتبت بواسطة ahmedfarou2

شكراا ليك جداااا استاذ ايهاب كلام منطقي ومترتب اقرب فرصه ان شاء الله هعمل الكلام ده بس لما الاقي حد محترم عشان الفتي كتيرررررررررررر حتي عند المهندسين الي شغالين فيها

أخي الفاضل حضرتك الصح انك تكون عارف كويس بعربيتك و فاهم فيها قدر المستطاع و تروح لأي حد تقله فك كذا و ركب كذا و تشوف بنفسك و تتأكد و تقتنع ان اللي بيتعمل صح حتي لو لقيت شيء مختلف هو اكتشفه بعد الفك غير كلامك مافيش مشكلة شوف بعينك و اقتنع و خلي اي حد ينفذ

يعني من الأخر اي ميكانيكي بيفهم هيعملك اللي انت عاوزه ولكن المهم انك متسيبهوش يعمل شيء انت غير مقتنع بيه او يشتغل بدماغه هي في الأخر عربيتك انت فتعمل اللي انت عاوزه فقط

كمثال انا مثلا في عربيتي بحدد انا محتاج ايه و بنزل اشتري قطع الغيار و اللي اعرف اركبه و اظبطه بعمله بنفسي و الحاجات المتعبه و اللي فيها عك بروح لناس انا اعرفهم بقله فك كذا و غيره و بس

ولو لك في الصيانة شوية هتقدر تعمل كل ده لأنها حاجات بسيطة و مش محتاجه عده كتير
و بالتوفيق ان شاء الله

المشاركة الأصلية كتبت بواسطة ahmedfarou2

كل الي انا عايز اعرفه هل ده عيب في الموديلات دي عمتا ولا لا عشان المكنه الي فيها مش sr الباقي بازن الله ساهل المشكله بس ان العربيه لسا جيبها قريب مع احتكتش معاها في حاجه هيا بس القصه دي بس و شكراا استاز ايهاب

يا أفندم باختصار الميكانيكية عندنا في مصر المحروسه لما يلاقو عطل في عربية و ميعرفوش يصلحوه يقوم يقلك ده عيب في العربية يا أستاذ و تعايش معاه كده !!!!!!!!

لا توجد مشكلة في اي منظومة ملهاش حل طالما كانت في وقت ما و هي زيرو تعمل بكفاءه دون مشاكل ولكن مين اللي يعرف يصل للحل هي دي اساس الموضوع

والله الموفق للجميع