تطبيق ساسية الاستخدام العادل ... (للشكاوى في المنتدى ) !

**me_medoo** · 06-07-2012 10:41 PM

بسم الله الرحمن الرحيم

حبايب قلبي جميعاً ... لمن بتخش على الموبايل بتاعك على النيت يقوم يخصموا منك جنيه ويقلك أي ميجا تانية سيتم خصم 5 جنية من رصيدك .

طيب بلاحظ ان في بعض الاعضاء طول ماهيا قاعده عمالة تبعت شكاوى للادراة ... فلان زغزغني وفلان قرصني ... وفلان قلي كذا وفلان عملي كزا ...

فليه مايكنش في الاستخدام أو الاستهلاك العادل لأرسال مشاركة سيئة للأدارة بدل مافي ناس عمالة تبعتها عمال على بطال !!! وتدوش الادارة ... بنقشات طفولية شوية .

مثلاً يكون لكل عـــضو 12 شكوى في السنة اكتر من كده يتم خصم من رصيدوا 5 جنيه ولا هيا شركة موبنيل واتصلات احسن مننا !!! ...

@@@@@@@@@

وتحياتي (مجردأقتراح )

**naser_56** · 06-07-2012 10:50 PM

ههههههه طيب حتي نطبقها علي الديسلايك ونخلي كل واحد ليه ١٠٠ ديسلايك في السنه مثلا ونخليها سياسه الديسلايك العادل

**Screenplays** · 06-07-2012 10:54 PM

و الله يا ميدو المنتدي بقي صعب اوي
شخصنه و تريقه و تهكم و الفاظ متتشافش و حاجه عجيبه
غير الاعضاء اللي شغاله ديسلايكات
كل شغلها في الحياه ديسلايكات
و اعضاء كل كلامها عن الحلال و الحرام
و ناس كتير ملاحظه و مطنشه زيي
و اللي قاعد يعمل فيا شكاوي و اللي يشتم
بقت مولد ههههههههههههههههههه

موقف لسه طازه

خش علي قسم الشكاوي
عضو ما انا معرفش مين هو اصلا عامل شكوي فيا بخصوص ازدواج العضويه
مع ان العضويه دي اتوقفت من شهور و الاداره شاكره مرضتش توقف العضويه دي كمان
عشان كنت ساعتها موقوف ههههههههههههههههه بس استاهل صراحه لاني حطيت نفسي في موقع شك يعني تم تطبيق قواعد المنتدي عليا و برضه في ناس زعلانه و مقهوره بسببي مش عارف ليه مع ان عمري ما اتعاملت الا بالحسني مع كل الاعضاء

حاجه غريبه اوي

**me_medoo** · 06-07-2012 10:54 PM

القصـد من الموضوع : ياحبايب قلبي أني بقيت ألاحظ بالفترة الاخيـرة من بعد الثورة الناس كلها بقت على أعصابها ومبقاش حد طايق كلمة من التاني ...

أنتا ممكن تبقى ماشي في شارع زحمة وفي النهاية تكتشف أن الزحمـة دي سببها اتنين بيتخانقوا ولييييييه ولييييييييه كسر عليا بعربيتو ... هههههههه طيب ماخلاص كسر عليك بعربيتوا هتنزل تقتلوا يعني ...

فين يا جماعـــــــــــة الموده والرحمـة ... فين التسامح ... فين أخلاق أولاد البلد ... فين التسامح الي دينا أمرنا بيه ... ليه بلاقي مشاكرات او نقاشات بين الاعضاء بتقلب لخناقه في النهاية ... واللهِ العظيم بحزن وقلبي بيتقطع ... وبقول أيه ده ليه كده ... وياعيني بيصعب عليا المشرفين ... الي رايحين جيين من موضوع لموضوع ... ومن خناقه لخناقة ... الهدف من أقامة منتدى مش المشجارات ... لالالالالا ابداً الهدف هو التسلية والافاده ... وخاصية الابلاغ عن مشاركة سيئة دي مش علشان لو واحد أختلف معاك بالرأي أو حب يهزرمعاك تقوم فاقعوو أسفين عن الادارة ...

دي خاصية موجوده عندك ... بس مع الاسف بلاحظ أعضاء عمالين يستخدموها عمال على بطال ... وكأنهم بيهددوو هقوول لبابا ... ياجماعه من السهل أنك تكسب عداوة الناس وكرههم ... (أنك تفقعهم ديس لايك ) أو مشاركة سيئة ... وكمان مش صعب أنك تكسب حـــــــــــــب الناس وأحترامهم ... ياخي (كلمة ربنا يسامحك ) كلمة جميلة ... واكثر من رائعه ... أحب أقولهالكم وأذكركم بيها ... (ربنا يسامحك ) .فياريت يا أصدقائي ويا أحبائي ... تعرفوا وتعوا الهدف الحقيق من وجودنا هنا وهو تبادل الأراء والخبرات والتسلية المفيدة المثمرة ....

وتقبلوا الرأي والرأي الاخـــــــر ...

@@@@@@@@@
وتقبلو تحياتي

ومحدش يقول انتا قصدك على فلان أو قصدك على علان انا مش قاصدي على حـد أن بوجه الكلام لخواتي وحبايبي
جميعااااااااااااااااااااً

وتحياتي

**Screenplays** · 06-07-2012 10:56 PM

اسكت يا ميدو انا هطق

**Screenplays** · 06-07-2012 10:59 PM

http://www.nilemotors.net/Nile/297345-a-7.html

بص هنا برضه يا ميدو و شوف الكلام

لا و ايه الناس زعلانه هههههههههههههههه

**me_medoo** · 06-07-2012 11:03 PM

المشاركة الأصلية كتبت بواسطة naser_56

ههههههه طيب حتي نطبقها علي الديسلايك ونخلي كل واحد ليه ١٠٠ ديسلايك في السنه مثلا ونخليها سياسه الديسلايك العادل

1111+

فعلاً ضروري تطبيق الديسك لايك العادل في السنه
هههههههههههه
دي في ناس بسم الله مشاء الله والله اكبر
قدرو يجمعو 2000 ديس لايك في خلال شهرين ههههههه هيبقة اعضاء بلاتينين ولا برنزيين من الديس لايك .

@@@@@@

المشاركة الأصلية كتبت بواسطة screenplays

و الله يا ميدو المنتدي بقي صعب اوي
شخصنه و تريقه و تهكم و الفاظ متتشافش و حاجه عجيبه
غير الاعضاء اللي شغاله ديسلايكات
كل شغلها في الحياه ديسلايكات
و اعضاء كل كلامها عن الحلال و الحرام
و ناس كتير ملاحظه و مطنشه زيي
و اللي قاعد يعمل فيا شكاوي و اللي يشتم
بقت مولد ههههههههههههههههههه
خش علي قسم الشكاوي
عضو ما انا معرفش مين ده اصلا عامل شكوي فيا بخصوص ازدواج العضويه مع ان العضويه دي اتوقفت من شهور و الاداره شاكره مرضتش توقف العضويه دي كمان عشان كنت ساعتها موقوف ههههههههههههههههه بس استاهل صراحه لاني حطيت نفسي في موقع شك يعني تم تطبيق قواعد المنتدي عليا و برضه في ناس زعلانه و مقهوره بسببي مش عارف ليه مع ان عمري ما اتعاملت الا بالحسني مع كل الاعضاء

حاجه غريبه اوي

ماهو ده الي بنقولوا يا أسكرين يا حبيبي
الشكاوي مفيش اسهل منها بس الحب بين الاعضاء مش صعب
ودايماً أختلاف الرأي لا يفسد من الود قضية ...
أو أختلاف البط لايفسد للوز صنية ....

فكلمة (ربنا يسامحك ) كلمة جميلة ... التسامح هو أروع شيء في الوجود ... وأحسـن ، وكسب الصداقه أحسن من كسب العداوة ... واي أنسان يسيء لك فأفرح لأنك بتكسب حسنات ... وعمر مالكلام بيلزق يا صاحبي ... ولا بيعيب غير الي قالوا ... فلا تدع للشيطان يلعب دور بينا يا غالي

@@@@@@@

فلا تنسـو جميع أحنا داخلين نتسلى ونستفيـد
مش داخلين نتخانق يا غالين ويا حبابيبي
جربوا النهرده كده حتى ولو يوم واحد أي حد يغلط فيك قول ربنا يسامحك وشوف أحساسك الداخلي هيبقى عامل أيه !

وتحياتي ... وشكراً لتفاعلكم مع الموضوع .

@@@@@@@@@@@

**Screenplays** · 06-07-2012 11:05 PM

يا ريت الناس تشوف كلامك ده و تفهمه و تطبقه

**zangry** · 06-07-2012 11:40 PM

حلو الاقتراح ده ياميييييدووووووو

اخبار بلطين اية :d

مشوفتش صباحي هناك ههههه

**M.ABDOU** · 06-07-2012 11:50 PM

المشاركة الأصلية كتبت بواسطة Screenplays

و الله يا ميدو المنتدي بقي صعب اوي
شخصنه و تريقه و تهكم و الفاظ متتشافش و حاجه عجيبه
غير الاعضاء اللي شغاله ديسلايكات
كل شغلها في الحياه ديسلايكات
و اعضاء كل كلامها عن الحلال و الحرام
و ناس كتير ملاحظه و مطنشه زيي
و اللي قاعد يعمل فيا شكاوي و اللي يشتم
بقت مولد ههههههههههههههههههه

موقف لسه طازه

خش علي قسم الشكاوي
عضو ما انا معرفش مين هو اصلا عامل شكوي فيا بخصوص ازدواج العضويه
مع ان العضويه دي اتوقفت من شهور و الاداره شاكره مرضتش توقف العضويه دي كمان
عشان كنت ساعتها موقوف ههههههههههههههههه بس استاهل صراحه لاني حطيت نفسي في موقع شك يعني تم تطبيق قواعد المنتدي عليا و برضه في ناس زعلانه و مقهوره بسببي مش عارف ليه مع ان عمري ما اتعاملت الا بالحسني مع كل الاعضاء

حاجه غريبه اوي

الغريب فعلا اننا كنا بنتكلم امبارح عن عضو اتوقف ودخل بعضويه جديده وده مخالف طبعا ومعروف لقوانين المنتدى ودخل معانا الاستاذ اسكرين بيسأل زينا زيه بالظبط عن الشخص ده ومش عااارف ده مين ؟؟؟؟؟؟!!!!!!!!!!!!!!!!!!!1
وده لينك الموضوع للى لم يشاهده
http://www.nilemotors.net/Nile/297999-a.html

فأحنا حلينا المشكله ليه وقدمنا للاداره تنبيه بتعدد العضويه مع اثبات لا يقبل الشك والاحق للاستاذ اسكرين يراجع نفسه وطريقه تعامله واراءه فى المنتدى ولا يلومن الا نفسه ولا يرمى الاتهامات جزافا فلا انا ولا احد من اعضاء المشتركين فى الموضوع امس نعرفه ولم نراه ولكن قلمك يدل عنك

وشكرا