ازاى بالوزن ده و عملت كل ده !!

**modiabbas** · 07-07-2012 01:39 AM

انهارده كنت فى الريف الاوروبى ... اللى مش عارفه ديه كيلو 58 و انت داخل على كارته القاهره
طريق اسكندريه الصحراوى

هناك مساحات واسعه كتيييير اووى و كلها رمله و تراب !

كنت امبارح متفرج على فيديوهات دريفتات و سخنت اوى الصراحه انهارده اما شفت المساحات ديه !

المهم قفلت ال ASR و جبت ال S و عيناك متشوفش غير تررااااااااااااب

كان نفسى كان يكون حد معايا يصور

بس انا مذهول

انا محستش بفرق المانوال عن الاوتو كتير مع ال S و قافل ال ASR

( المنوال فالدريفت و اللعب اقوى طبعا ) انا اوتو و محستش بفرق جامد

العربيه مكانتش بتهدا اكن كان راكبها 100 عفريت و الله ...

ان شاء الله الزياره اللى جايا بكون معايا صديق و اخليه يصورنى فيديو ان شاء الله :)))

**yasserelsayad** · 07-07-2012 01:42 AM

الرمله والتراب بيعملوا اكتر من كدا

**AhMeD MeTwAlY** · 07-07-2012 02:25 AM

يا باشا الرمله تخليك تعمل اي حاجه
دا الشاهين الي هيه شاهين كانت بتعمل درفتات علي التاني

**mazher_m** · 07-07-2012 03:42 AM

اولا حمد لله علي السلامه
بصراحه قسم سكودا كان مفتقدك
ويا ريت متغيبش تاني
علي فكره موضوعك تقريرى الشامل عن عربيتى اوكتافيا a5 بالتفصيل ..
في مواقع تانيه نقلته حرفيا وبصراحه هو مغري جدا ودقيق جدا
ويمكن اقولك انه كان ليه دور كبير اني اركب الاوكتافيا
وتعيش وتعمل دريفتات يا معلم مودي
وتقبل مروري
مظهر

**modiabbas** · 07-07-2012 03:46 AM

المشاركة الأصلية كتبت بواسطة mazher_m

اولا حمد لله علي السلامه
بصراحه قسم سكودا كان مفتقدك
ويا ريت متغيبش تاني
علي فكره موضوعك تقريرى الشامل عن عربيتى اوكتافيا a5 بالتفصيل ..
في مواقع تانيه نقلته حرفيا وبصراحه هو مغري جدا ودقيق جدا
ويمكن اقولك انه كان ليه دور كبير اني اركب الاوكتافيا
وتعيش وتعمل دريفتات يا معلم مودي
وتقبل مروري
مظهر

الله يسلمك يا باشا معلش تغيبت فتره كده امتحانات و اتخرجنا و الحمد لله و بقيت عاطل اهو

و بالنسبه للموضوع بتاع التقرير انا لمحته فى منتدى واحد بس ياريت تبعتلى لينكات الموضوع فى المنتديات التانيه عشان محتاج اشوف الردود و التعليقات بس يا ريت على الخاص عشان قوانين المنتدى لا تسمح بوضه لينكات منتديات اخرى على الملآ

هى متعه الدريفتات اوووى و ربنا يسترها على الكاوتش