فلتر تكييف اوكتافيا a5

**cvt2008** · 07-07-2012 12:45 PM

ممكن حد يقولى فلتر تكييف الأوكتافيا a5 فين ؟
بصيت علية تحت التابلوة ومعرفتش أوصلة ؟

أفادكم الله

**ehab_mansour** · 07-07-2012 01:55 PM

كل الألماني فلتر تكييفه موجوده بره العربية أسفل البربيز الأمامي تحت الجزء الفبر اللي بين الزجاج و كابوت العربية

انا عندي في الكوردوبا موجود جهة اليمين في الناحية اللي امام الكرسي اللي جنب السواق و أعتقد عندك هيكون في نفس المكان بالضبط

الموضوع بسيط فقط هتفك الفبرة اللي قلتلك عليها تحت الزجاج الأمامي عند تثبيت دراعات المساحات هتلاقي الفلتر موجود و طبعا حوله كمية ورق شجر و أتربه و وسخ رهيبة ياريت تبقي تنظف الدنيا هناك كويس قبل ما تشيل الفلتر من مكانه عشان مافيش حاجه تسقط داخل فتحة دخول الهواء بعد الفلتر و عشان الفلتر الجديد يركب علي نضافه

و بالتوفيق ان شاء الله

**mezo73** · 07-07-2012 03:44 PM

اخواني الكرام
بالنسبة لفلتر التكييف
للعربية الاية 4 تحت المساحات من الناحية الشمال تفتح الكابوت وتشد الطوربيدو الاسود من الشمال الفلتر تحتية

اما بالنسبة للاية 5 الموضوع مختلف فلتر التكييف تحت درج التابلوة بتفتح الدرج وبعدين الريش اللي بتمسكة وتنزلة تحت للاخر هاتلاقي الفلتر امامك ولا يمكن تفيير الفلتر والدرج راكب يعني من تحت التابلوة مباشرة

يارب اكون عرفت اشرحلكم

**cvt2008** · 10-07-2012 02:24 PM

مش عارف أشكركم إزاى
شكرا ليكم جميعا
وجزاكم الله خير الجزاء

**alu** · 10-07-2012 08:26 PM

فعلا الفلتر خلف درج التابلوه

**Astra200** · 13-07-2012 04:08 PM

الفلتر ورا التابلوه -- مش محتاج تفك التابلوه-- بش حتفك الفرش اللي مغطي الفلتر -وبعدين جتلاقي بلاستيك الفلتر تحركه يمين أو شمال وتسحبه لتحت --- العملية صعبة شوية علشان حتحتاج تنام تحت التابلوه وده وضع صعب