الموضوع: ❤❤ اوعه تروح على كــارفور ❤❤ ! !

مولد الفجع بتاع رمضان بعيد عنك

عادي تفكير الناس فيه اجماع فبتحصل زحمة

و الله كارفور لما بدخله ( اسكندرية ) متتخيلش ببقى مخنوق اد ايه ؟

تخيل تصرفات الشارع بالعربيات بتحصل جوا
لما تبقى ماشي بالكارت و تلاقي الناس واقفة قافلين الممرات بعربياتهم و تلاقي مثلا واحد ماشي قدامك و يقوم مرة واحدة وقف جنب ناس واقفين اصلا على الشمال
و تلاقي كل واحد عايز يسبق و ياخد الجايزة و محدش بيستناك تعدي بعربيتك و لازم تطبق البوز بيز

يا راجل

المشاركة الأصلية كتبت بواسطة Dr_Mido

مولد الفجع بتاع رمضان بعيد عنك

أه واللهِ يا دكتور ميدو ..
فعلاً مولد سيدنا الفجعان ... الغريب ان يقلك الناس ممعاهش فلوس ... وتبص تلاقيهم يشتروا الي عاوزينو والي مش عاوزينوا وياريت الحاجة ربنا طارح فيها البركة الا هتلاقيها خلصت في ظرف يومين ... وبعد ما تدفع شيء وشويات تكتشف انك اتشريت شوية هجايص وان التلاجة مازالت فاضية ... فليه الناس بتتخانق وبتشتم بعض على شوية هجايص انا هتجنن ...

المشاركة الأصلية كتبت بواسطة AHMED1718

يافندم الناس مش اتسعرت على الاكل بس

اتسعرو على اى حاجة مع التحفظ على بعض الناس المحترمة بلاشك

بقا فيه انعدام للاخلاق والنفوس بقت ضعيفة لدرجة تخلى الواحد لو ركز يبكى

بالنسبة لكارفور ده بالزات انا بكره اروحه ايام اجازات

بفضل اروحه بالنهار

لو جيت تبص للموضوع نظرة عامة

القاهرة بها سم قاتل

الدايرى كابوس
حوادث كابوس
بلطجة ف كل حتة وعربجية كابوس
زبالة ف كل حتة كابوس
نقص بنزين كابوس بس القاهرة الدنيا استقرت دلوقتى
ستات ورجالة عندهم لامبالة ف السواقة كوابيس
اخطاء سائقين تودى بحياة البعض
اوففففففففففففففففففففففف فففففف

انا اتنقلت كايرو بقالى اسبوعين ومش قادر استجمع قوايا الفكرية وبقيت بتخانق ف البيت ومش طايق حد يكلمنى رغم انى كنت بقضى اسبوع كل شهر ف كايرو صاحبة الجلالة بس كنت بستحمل لانى عارف انى ضيف ولما بطلع على الطريق خروجا منها بنسي كل اللى كان بيحصل
دلوقتى مش عارف اضرب مسكنات ولا اعمل ايه
بجد انا مش عارف اتأقلم وبقيت بتخانق كل مانزل من البيت بالعربية
ومش عارف اكبر دماغى من البهايم لازم اخد حقى بحس ان فيه ناس قاصدة تعمل كده علشان فاكرين نفسهم فزاليك

لو جت على كارفور رغم انى ساكن وراه ممكن مدخلوش
بس احنا عندنا ف القاهرة هنا مشاكل لا تحل ولا تحصى

لو عندك حل ياريت تقولى

1111111+
مشكلة اختلاط الحابل بالنابل فعلاً مشكلة القاهرة عمالة تتفاقم وتتفاقم ... وابسط مثال ... كارفور كان زمان موجود للطبقه الراقية والمتوسطة والاسر المحترمة ... النهردة ممكن تلاقي واحد داخلك عازب بجلبية وبشبشب زنوبة هههههههههه ... وتلاقيه ماسك الحجات الي شاريها في ايدو ... وعمال يبص على الستات الاجانب الي بتمشي هناك وهتلاقيه يكولها كده بعنيها ... مره لقيت واحد من العينات دي عمال يبص على وحده لابسه كات ويقول ياخبر أبيض اللهم صلي على النبي قشطة قشطة أيه المهلبية دي كلها بصيت كده لقيتو بيبص على وحده خواجيه عندها 80 سنة هههههههههههه

@@@@@@@@

ده غير الناس بقه الي جيالك من عشوائيات العشوئيات
وجيه كارفور وجايبين القبيلة بتاعتهم ... لدرجة مرة كنت واقف في طابور الكاشير وبدردش مع واحد بقولوا مشاء الله كل دول عيالك قالي لا انا عندي الاربعة دول ...ودول ولاد أختي والاتنين دول ولاد الحج منصور جرنا ههههههههههههههه.

لا واللهي فيه الخير واخد ولاد الجيران معاه يتفسحو في كارفور ... مره كنت بدردش مع واحد مسؤول في مطار القاهرة وبقلوا ميصحش حكاية التذكرة امو 5 جنية دي علشان تخش تودع ولا تستقبل راكب ... وعطلة في عطلة ..

قام رد عليا وقالي يا محمد لو معملناش كده هتلاقي كل واحد مسافر ولا جي هتلاقي جين معاه 2 بيجو سبعة راكب وميكروباصين علشان يودعوه ولا يستقبلوه

المهم نرجع لموضوعنا نفس الحكاية مع الاسف بقت عشوائيات مصـر كلها عرفت طريق كارفور ومحدش يقدر يمنعهم أنهم يجو لأنهم مواطنين زيهم زينا وبشر زينا ... ومن حقهم انهم يشتروا ... بس مشكلتهم انهم فاكرين كارفور عبارة عن كشك سجاير ... بس كبير شوية هههههههه
وكل واحد عاوز ياخود حقو بدراعو وشتايم أجارك الله وتبقى واقف جي تاخود حاجة من على الارفف ... تبص تلاقي واحد من ورى قفاك راح مادد ايدو فوق كتفك ويقوم هابش كده علبة تونة من على الرف ... هههههههههه ولا حتى علبة سردين ... طيب براحه يا أستاذي مالخير كتير بس ميصحش كده تمد أيدك جمب راس واحد وهتطرف عينوا علشان علبة تونة ... وتلاقيهم موقفين التورولي في نص الطريق ... وطول ما انتا ماشي لو سمحت بعد ئزنك سكة ياجماعه ... يامادم بعد ئزنك ... على جنب لوسمحتيي هههههههههههه

@@@@@@@@

وانا معاك يا أستاذ أحمد أن القاهرة بقت طبق سلطة كبيررر
وهرتله في هرتلة ... ولولا الناس المحترمة الي فيها كنا قلنا على الدنيا السلام واعلنا القاهرة منطقة موبؤة
مشكلة القاهرة الرئيسية المركزية (كل حاجة فيها )
وَ زحــــــف جميع الاقاليم عليها . وعمل العشوائيات جمب الاماكن الراقية وبقت خلطبيسااااااااا ... زي الدائري كده بالزبط الملاكي جمب النقل جمب الاتوبيس جمب عربيات الترامكو وحالياً تكاتك وموتسيكلات وناس بتعدي شارع الدائري على رجليها ... ده غير الحوادث والعربيات العطلانه وجديد 2012 عربيات بتمشي عكس على الدائري ... يعني كل سنة وانتا طيـب هههههههههههه فعلاً (هيا فوضـــى ) .أو هيا سلطة ...

@@@@@@@

ده كفاية التلوث السمعي الي بقى الواحد يسمعو ليل نهار
من صوت الموتسيكلات والبياعين الجائلين والخبط على الانابيب الغاز ... وميكروفونات بتوع الروبابكيا
ولا الشحاتيين الي تخلص من واحد يجيلك التاني تخلص من التاني يجيلك التالت ... تخلص من التالت تجيلك أختهم خلصت من اختهم تخش عليك أمهم ... خلصت من أمهم وأختهم يخش عليك أبوهم برجلو المقطوعة . ومنظر أجارك الله يجبلك أكتئاب وش كده .... الناس بره بيتصبحوا على مناظر الورد والزهور والاشجار ... أو منظر التلوج وتساقط الامطار ... وزقزقت العصافير واحنا هنا في القاهرة بنصحى على صوت بتوع الربابكيا وبياعين الغاز ... وبننزل الشارع نتصبح بوشوش الشحاتين والبلطجية والي وشو محروق والي رجلو مقطوعه والي شايلة عيل على كتفها بربووروا نازل ههههههههه ومناظر تخلي الواحد يقول يارب خدني وريحني بقه ... ده حتى علبة السجاير الي الواحد بينفخ فيها ويصب فيها غضبوا بصيت لقيتهم حطيلنا حبت صور تخلي الواحد يبقى عاوز يرجع كده ، فيها ايه لو رسمولي على علبة السجاير صورة وردة حلوة أو نبته خضرة ... وكتبوا عليها من أجل سلامتك صحتك تهمنا
او مثلاً صورة زي كده

وتحتها مثلاً : وفـر فلوسك وأكسب صحتك .
مين يا جماعـــــــة مســـؤول عن أنهيار الذوق العام وابادت الاحساس عند الناس ... شوف حتى ذوق الاغاني (سمكة على بلطية على وش المية ) ... وأغنية تانية ( لأه ... لأه .. الشبشب ضاع ) الناس دي تتوقع منها لمن تروح مكان راقي ولا راحت كارفور هتعمل هناك أيه هتخش عند قسم الفاكهة وتغني يالله يالله يالله العنب العنب العنب بيطلع في شتى او صيف هو أيه العنب ... الذوق العام اذا انهار يا جماعة ... فبالتالي الاخلاق هتنهااااااااار يا جماعة ...
ولمن الاخلاق تنهار ... تتجرد الناس من أداميتها ومن أنسانيتها وتتلاشى الرحمة من قلوبهم والجدعنة ...
وتعــــــــــم الفوضـــــــــى زي الي شفتها أمبارح كده في كارفور .

@@@@@@@

وتحياتي وأسف على الاطالة

@@@@@
وتحياتي

المشاركة الأصلية كتبت بواسطة hossam_elwani

الى يروح كارفور ويشوف الجراج مليان على اخره والعربيات طالعه فوق النجيله عشان مش لقيه مكان للركن تقول ان مصر مفيهاش غلابه ولا فقراء

الناس مسروعه على الاكل ليه

على فكره كارفور اسكندرريه كده برضه

1111111111
11111111
111111
++
100%

المشاركة الأصلية كتبت بواسطة waelfarid

عادي تفكير الناس فيه اجماع فبتحصل زحمة

طيب مثلا حضرتك مقيم في السعودية
عمرك شوفت هوشة ولا خناقه في كارفور السعودية
ولا حتى في المخازن الكبرى بالشكل ده
ولا حتى في اسواق بندى او العزيزة حتى لو كان في زحمة !

المشاركة الأصلية كتبت بواسطة Mzeid

و الله كارفور لما بدخله ( اسكندرية ) متتخيلش ببقى مخنوق اد ايه ؟

تخيل تصرفات الشارع بالعربيات بتحصل جوا
لما تبقى ماشي بالكارت و تلاقي الناس واقفة قافلين الممرات بعربياتهم و تلاقي مثلا واحد ماشي قدامك و يقوم مرة واحدة وقف جنب ناس واقفين اصلا على الشمال
و تلاقي كل واحد عايز يسبق و ياخد الجايزة و محدش بيستناك تعدي بعربيتك و لازم تطبق البوز بيز

يا راجل

111111111+
أه واللهِ خدت الكلمة من على طرف لساني

بس انتو عارفين ياشباب ... من الحجات الي بتحصل دي وانعدم التسامح لدى الناس وعموم الفوضى ... والي يخلي راجل يهزء ويشتم راجل قدام بنوتوا وزوجتوا دون أدنى أحساس أو تقدير انوا معليش خلاص خليني اسامحو المره دي علشان معاه بنتو وزجتوا ميصحش ... ابهدل الراجل قدام مراتو وبنتو الي شايلها على كتفوا ... فخلاص فيه ايه لمن اسامحوا فيها ايه لمن نتسامح ونعفوووووووو عن بعض ... فيه ايه لمن نحترم بعض ونحب بعض ... شوف ربنا بسبب الحجات دي وغيرها كتير نزع البركة من كل شيء ... زمان كنت افتكر ان كنا بنرمي الحاجة مش لأنها خلصت لالالالالا
كنا بنرميها لأن تاريخ الصلاحية بتعها انتها ولسه متكلتش
كان كل شيء فيه بركة وبطرمان العسل الكيلو كان يقعد معانا سنه وزيادة كمان ... النهردة بلاقي ابني فتح باب التلاجة ويكون عطشان بيوقف قدام باب التلاجة ويمسك بطرمان العسل وزيووو زيوو زيووو كانوا بيشرب كوبايت ميه (بسم الله مشاء الله ) واقولا يابني حرام عليك (بسم الله مشاء الله ) مش كده أرررررررررحمني شوية ده عسل مش كوباية ميه ساقعه بتشربها ... قزازة الكتشب دي كانت لسه طالعه جديد من عشر سنين كانت بتقعد في التلاجة بالشهر والشهرين النهرده بلاقيها خلصت في يوم او يومين ... وبقيت اتخانق مع العيال واقولهم فييييييييه ايه انا مخلف يأجووج ومؤجووج ... أكتبلكم على باب التلاجه يعني ورقه مكتوب عليها تطبق سياسة الاستهلاك العادل للكاتشب والعسل .

سبحان الله فين الحاجة بتاعت زمان وبركة زمان ... أقسم بالله كانت قزازة الحاجة الساقعه الصاروخ كانت لسه طالعه جديد ب .75 قرش كنت بشربها ومبقدرش اكملها ... وايدوبك أقدر أشرب نصها ...

النهردة تيجي تفتح قزازة اللتر ونص تبص تلاقيها اتشفطط كده ولا كأنها معلق بيبسي ... انا شايف ان بقه في لعنة على مصـر بسبب الاسراف بالذنوب ... وعدم التسامح وعدم تقبل الاخـر وأنتزاع الرحمة من قلوب الناس ... ومقدرش اقول غير رحمــــتك يــــــــــــــارب

@@@@@@@@@@@@@



@@@@@@@

وتحياتي