الموضوع: ارجو المساعدة ضروووري حالاً عشان انا شاكك اني اشتريت موتور مياه صيني مش ايطالي

السلام عليكم و رحمة الله و بركاته ..
مساء الخير

من كذا شهر كده حسيت ان ضغط الميا عندي ضعف جداً و الميا مش بقت زي الاول و بقت تقطع تقريباً كل يوم و لمدة 16 ساعة :( .. ف قررت اني اجيب ماتور مياه عشان يحللي الازمة دي .. لكن انا عرفت ان افضل حاجة هو الماتور الايطالي و بالتحديد ماركة كالبيدا .. ف بعد ما رحت و سألت عليه لقيته غالي حبتين .. لكن الراجل الي واقف ف المحل قالي في واحد ايطالي برده و حلو و زي الفل و بنفس الكفاءة و بربع السعر كمان .. قولتله يا راجل ؟؟ و ده اسمه ايه ؟؟ قالي : سرمان O.o .. بعدين جابلي الكرتونة بتاعته لقيت مكتوب عليه 3MAN .. ف المهم اشتريته دلوقتي حالاً اهو .. لكن بعد ما جبته لقيت مكتوب ع الكرتونة بتاعته MADE INITALY مش MADE IN ITALY .. ملاحظين المسافة الي مش موجودة بين IN و ITALY ؟؟ ف ده سبب خلاني اشك فيه انه صيني .. و السبب التاني ان قوته 1 حصان و تقريباً ب 500 جنيه بس .. و السبب التالت اني عمري ما سمعت عن حاجة اسمها 3MAN .. ف يا ريت تساعدوني و تنصحوني اذا كنت اخليه او ارجعه قبل ما يتركب و اتدبس فيه و الاقيه باظ بعد شهرين و لا حاجة .. ملحوظة :: السباك الي جاي يركبه جاي يركبه بعد ربع ساعة او نص ساعة كده .. مستني ردودكم =)