فيكترا 97 حتى 2000 ولا فيرنا 2009 او 2010 أو نيو اكسنت

**mohamedwasel** · 07-07-2012 11:14 PM

ياريت ياجماعة افادة كاملة للاهمية مع العلم ان ديه اول عربية انا اشتريها في حياتي

اتنين من اصحابي معاهم فيكترا بس موديلات قديمة شوية 95 96 يقولولي ماتجبش غير الالماني اي نعم قطع غيارغالية شوية بس مش زي زمان رخصت كتير دلوقتى انما عياشة و بباقي مميزات الاوبل اللي مافيش كلام عليها خالص

و جماعة تانية تقولي خليك في اللانوس والفيرنا والنيو اكسنت موديلات قريبة شوية علي الاقل مش عربية بقالها 12 و15 سنة متهانة و قطع غير عندي اي بقال و اي حد ممكن يصلحها .

ياريت يا اهل الخبرة الافادة الكاملة مع الاخذ في الاعتباااااااار الفرق الكبير بين الخياااااااارين

وشكرررررررررررررررررررررر ررررن

**amr_naser** · 08-07-2012 04:14 AM

طبعا الفيكترا تكسب بس بشرط تجيب عربية حالتة ممتازة جدا جدا لأن العربية مشاكلها رخمة اوى وحسسات وشغل كهرباء عالى معظم الصنايعية مش بيعرفوا فيه وبيلفوا حولين نفسهم وانصحك ميكنش معمول فيها تعديلات فى ضفيرة الكهرباء ثبات وقوة ومتانه حاجة ملهاش حل بصراحة
ولو عاوز عربية حلوة بعيد عن الالمانى هات كرولا عيوبها قليلة بس طبعا مش زى مميزات الفيكترا
ولو عاوز عربية رخيصة وفيها امكانيات ومستواها عالى عندك التمبرا و السيينا بس انا معنديش معلومات عن قطع غيارهم
وطبعا كل الحجات دى احسن من الكورى مليون مرة
ربنا يوفقك ان شاء الله

**lanos2004** · 08-07-2012 04:21 AM

نيو اكسنت-الفيكترا ممتازة وهيه جديدة-مستعمله هتتعبك

**Mohamed_Hamada** · 08-07-2012 11:25 PM

الفيكترا طبعا، شرط الحالة الجيدة

**ma7med** · 09-07-2012 02:21 AM

المشاركة الأصلية كتبت بواسطة mohamed_hamada

الفيكترا طبعا، شرط الحالة الجيدة

+111111111111

**M.Alaa92** · 09-07-2012 05:56 AM

بص الاوبل طبعااا عربية لا يعلى عليها ف االمقاارنة دى بس صعب انك تلاقى حااالة نضيفة بس لو لقيت اكشف ف التوكيل و ان شااء الله خير

بس .... دى اول عربية و معرضة انها تتخبط و تحتااج قطع غياار و تلاقيها بسرعة و كماان موديل عاالى و تلاقى حالات نضيفة كتير.

ف راى الشخصى خليك ف الفيرنا تتعلم فيها و تظبط نفسك و بعدين تنقل ع اوبل او سكودا :)

**lanos2004** · 09-07-2012 06:10 AM

اوبل-مشاكل فى السخونه-قطع غيار غاليه-حتى مقاس الكاوتش لما هتغيرة هيكلفك كتير-مش اقتصاديه فى البنزين
المميزات-فرامل -ثبات-راحه-ضيقه ههههههههه\
عاوزلك ميكانيكى مخصوص
العربيه دى اعطالها كتير حتى لو مركونه بتعطل واسأل مجرب
اهم ميزة بقه تكييف سىء جدااااااااااااااا

**HAITHAM1985** · 09-07-2012 10:38 AM

أنا هارد لمجرد العنوان ............. الفيكترا .......... خلص الكلام

وصحابك دوووول نــــــــــاس بتفهـــــــــــم

هاتها ومش هاتندم

Ehre sei Deutschland

**S O P H O S** · 09-07-2012 06:35 PM

فيرنا او نيو هتكون افضل اعتقد
والله اعلم

**amrelsaqqa** · 09-07-2012 06:40 PM

الكورى يكسب مش عشان افضل كعربية
بس هتبقى عملية اكتر عشان احدث ، ومش هيبقى فيها كمية المشاكل اللى هتلاقيها في الاوبل

الالمانى جامد اه ، بس اوعى تركبه وهو متبهدل ومتهان ، بيبقى ابن 60 تيت :d