الموضوع: كورولا 2012 و سيراتو 2010 و سيتى 2006

اولا كده عشان الناس تكون عارفة انا من كارهى ماركة تويوتا و مكنتش عايز نجبها و لما كنا بنجيب السيراتو كنت مبهور بيها بس كنت بفضل الكروز و السيتى كنت كارها و لكن بعد التجربة الأراء اختلف و المقارنة دى من وجهة نظرى و كل واحد عربيته غزال بالنسباله بس نبدأ بقى

الموضوع دا هيتناول اداء الثلاث عربيات بحكم انهم عندنا من الزيرو و تجربة من مدينة نصر لحد مارينا
الكورولا 2012 اتوماتيك اول فئة عاملة 15 الف كيلو متر اول مرة تسلفر المشوار دا
السيراتو 2010 SX سافرت المشوار دا 6 مرات 70 الف
السيتى 2006 فول اوبشن اوتوماتيك 1500 سافرت المشوار دا 6 مرات 65 الف

أولا :
الموتور:
الكورولا: من أول ضغطة على دواسة البنزين تحس ان الموتور قوى و استجابته سريعة احساس كويس (8 من 10)
السيراتو: تحس انو بطئ بس بعد ال 40 بيفوق شوية (7 من 10)
السيتى: نفس انطباع الكورولا بس اقل بحكم ان الموتور اصغر ( 7 من 10)

الفتيس:
الكورولا: استجابته كويسة و مرضية فى الهادئ و الحرق ( 7 من 10 )
السيراتو: استجابته بطيئة على الهادئ و الحرق معقول ( 6 من 10)
السيتى: استجابته هايلة خصوصا انو CVT + 7 speed mode و السفن سبيد بيشتغل على ال D و S ( 8 من 10 )

الفرامل:
الكورولا: كويسة الى حد ما مش عجبانى بصراحة بس هى وقت متكون عايز توقف العربية اكيد هتوقفها (6 من 10)
السيراتو: انا بعتبرها من اكتر مميزات العربية دى فراملها هايلة جدا جدا (8 من 10 )
السيتى: رغم انها سكاكين قدام بس مش زى الكورولا و السيراتو الى انها كويسة جدا (7من 10)

الثبات:
الكورولا: بجد ما شاء الله الطبيعى فى السفر بمشى 140 لكن ماشى 170 و فعلا ثبات هايل ( 8 من 10)
السيراتو: بعد ال 140 بيظهر انها مش قد العفشة الناشفة و الجنط ال 17 (6 من 10 )
السيتى: تقريبا زى السيراتو مع ان العفشة ناعمة جدا و جنط 15 (6 من 10) فعلا محستش بفرق
السيراتو و السيتى حكمت عليهم لما وصلت بالأثنين لحد 180

العفشة:
الكورولا: بجد عفشى مرضية جدا ناعمة و ثابتة مفيش دب ( 9 من 10) مش هتكلم كتير على عفشة الكورولا هى بتتكلم عن نفسها
االسيراتو: بجد اسوأ عفشة ناشفة اوى و على السرعات لو فى مطب هوا من ورا بتنطط و محدش يقولى ضبط هوا كولوا متظبط و نيتروجين (5 من 10)
السيتى : عفشة مريحة و ناعمة جدا بس دا مخليها مش ثابتة قوى فوق ال 140 (7 من 10)

الراحة فى الفر 300 كم متواصل:
الكورولا: الكرسى بصراحة و جعلى ظهرى اول مرة تحصل معايا (6 من 10)
السيراتو: انا شايف انها معقولة نوعا ما (7 من 10 )
السيتى: كراسى مريحة جدا و عمرى مانزلت وانا مضايق انى سقت مسافة كبيرة بيها (8 من 10 )

العلامة النهائية:
الكورولا: 74%
السيراتو: 70%
السيتى: 71%

انا عارف هتهاجم و ناس هتقول مش بعرف اقارن و مش بعرف اسوق بس انا هقول و الله دا الى انا شايفوا صح و الحمد لله كفاية ان اصحابى و الناس فى العيلة بيخدوا برأى قبل ما بيشتروا اى عربية عشان فعلا الحمد لله رأى بيكون صح فى 90% من آراى

و يارب اكون افدت ناس كتير بالموضوع دا
و النهاية سيظل اليابانى رغم فق تصميماته و بطئ تطويره فى ال 5 سنوات الأخيرة الا انه مازال هو افضل من الكورى بمراحل و سنين كثيرة

شكرا استاذ محمد