لحظات من عدم التفكير

**AhMeD MeTwAlY** · 08-07-2012 03:13 PM

ازيكم يا جماعه
عملين ايه
واخبار الحر معاكم
النهارده وفي نص ساعه بس كنت هعمل اكتر من كارثه

انا من الصبح في منطقة التجنيد وبخلص ورق التأجيل بتاعي عشان اطلع شهاده ان انا حاصل علي تاجيل 3 سنين
وخلص ورجعت البيت بالسلامه واتخنقت مع ولدي علي سبب تافه زي العاده وطلبو مني اوصل اختي
وصلتها بالسلامه والحمد لله
وانا راجع ماشي عمال اتمرجح في الطريق ماشي بالعربيه 100 وبعدي عربيه وعارف ان في مطب وعمال ازود بنزين وعارف ان في ميكروباص قدامي وكنت هلبس فيه بس ضربت فرامل وعلي اخر لحظه شلت رجلي من علي الفرامل ولميت وش العربيه بعيد عن الميكروباص ودست فرامل تاني عشان مكلش المطب

تاني موقف معدي موكب للمساجين تقريبا بيترحلو فيه بتاع 5 عربيات شرطه نص نقل وعربيه افيو الي هي 7 راكب وعربيتين ترحيل مساجين وانا واقف في الشمس بقالي بتاع 5 دقائق عايز اعدي الطريق بالعربيه ولحظة الغباوه طلعت وبدون تفكير مريت بوز العربيه قدام موتسيكل كان ماشي جمب الموكب ولقيت البوكس جي رميت بوز العربيه قدامه وقفت الصف كله ووقفت مكاني مش زهول من الموكب انما عادي يعني هو فيه ايه

ومشيت بس الظابط الي راكب البوكس شوية وكان هيضربني بالنار

تالت مرحلة بقي النهارده انا ماشي عادي جدا وفاتح اشاره شمال من قبلها ببتاع 6 كيلو والشاهين مش زي الفليشيا الدراع بيرجع لوحده لا دا لازم دراعي يرجعه مكانه
المهم وجه في دماغي ان وسط البلد زحمه طحن انا لازم اخرم وهوووووب وبدون اي حاجه كاسر يمين كان جي في المقابل عربيه جمبو وكان ورايا عربيه نص نقل وصف عربيات هنا وصف هنا وسعمت احلي صوت زحف بس محدش خبط حد لان مسمعتش طاااااااااااااااخ
ودي كانت قصتي في نص ساعه
هو انا عملت حاجه غلط

المرحله القادمه اللعب مع التنين المجنح

**S O P H O S** · 08-07-2012 03:26 PM

الحمد الله انها عدت علي خير ..
وحمد الله علي سلامتك ..

**AhMeD MeTwAlY** · 08-07-2012 03:37 PM

المشاركة الأصلية كتبت بواسطة s o p h o s

الحمد الله انها عدت علي خير ..
وحمد الله علي سلامتك ..

الحمد لله انا بجد لما روحت البيت قولت انا المفروض بعد الي عملته مركبش عربيات تاني

**Bonanza** · 08-07-2012 03:52 PM

والله انت جبت المفيد

المفروض و انت في الحالة دي ماتركبش عربيات خالص

لان الناس مالهاش ذنب معاك

**semi** · 08-07-2012 04:08 PM

انت كنت عايز كاميرا تمشي معاك وتبقى كده عملت فيلم اكشن متكامل الاركان
انت ملكش تركب عربيات الصبح تاني على فكرة :)
بس بلوم عليك عشان انت بلطجت على الداخلية :)
على فكرة هما بيتلككوا دلوقت وشايفين ان الشعب بقى قليل الادب -يمكن فعلا-
ياريت ياجماعة كله يحتسبها لوجه الله ويحترم الناس دي بجد
لاني بدأت احس بالمعاناة بتاعتهم
اي نعم هما وصلوا لمرحلة بلطجة على الشعب وقلة ادب
بس مينفعش لازم تحترمه عشان يحترمك لان في ناس قليلة الاحترام
بتعاملهم بغطرسة عملوهم لوجه الله بشكل محترم لانهم بيتعبوا فعلا

**assaf** · 08-07-2012 04:12 PM

الحمد لله انا جت علي قد كدا
انا ساعات بتقفل معايا برضه
بس سيبك انت كان بكره حنلاقي خبر محاوله تهريب مساجين في الزقازيق

**HAITHAM1985** · 08-07-2012 04:39 PM

مليونية لإرجاع فيليشية الأخ أحمد لأن دى علاجه من كل الصدمات النفسية اللى بيمر بيها ....... أخرك عنبر السيارات فى مستشفى العباسية

**exact** · 08-07-2012 04:49 PM

اتقى الله ياعم

الدنيا مش ناقصه وزمانك اتشتمت لقدام 5 سنين

الحمد لله انها جت سليمة

**AhMeD MeTwAlY** · 08-07-2012 04:57 PM

المشاركة الأصلية كتبت بواسطة Bonanza

والله انت جبت المفيد

المفروض و انت في الحالة دي ماتركبش عربيات خالص

لان الناس مالهاش ذنب معاك

ما هو فعلا دا الي هعمله سحب الرخصه لمدة اربع ايام عشان انا مسافر وهسيب العربيه في البيت

المشاركة الأصلية كتبت بواسطة semi

انت كنت عايز كاميرا تمشي معاك وتبقى كده عملت فيلم اكشن متكامل الاركان
انت ملكش تركب عربيات الصبح تاني على فكرة :)
بس بلوم عليك عشان انت بلطجت على الداخلية :)
على فكرة هما بيتلككوا دلوقت وشايفين ان الشعب بقى قليل الادب -يمكن فعلا-
ياريت ياجماعة كله يحتسبها لوجه الله ويحترم الناس دي بجد
لاني بدأت احس بالمعاناة بتاعتهم
اي نعم هما وصلوا لمرحلة بلطجة على الشعب وقلة ادب
بس مينفعش لازم تحترمه عشان يحترمك لان في ناس قليلة الاحترام
بتعاملهم بغطرسة عملوهم لوجه الله بشكل محترم لانهم بيتعبوا فعلا

المره الجايه هنجيب كاميرا
يا باشا مش بلطجه وبعدين هبلطج ع مين دا الدخليه تبعنا العيله في شوية ظباط شرطه وحربيه ووكلاء نيابه فاضل لينا اتنين مخبرين يمسكو البوابه ونعمل جمهوريه لوحدينا

المشاركة الأصلية كتبت بواسطة assaf

الحمد لله انا جت علي قد كدا
انا ساعات بتقفل معايا برضه
بس سيبك انت كان بكره حنلاقي خبر محاوله تهريب مساجين في الزقازيق

ههههههههههههههههههههههههه ههههههههههههه
هتابع الاخبار بكره وانا ههرب اوعي تتدل علي مكاني

المشاركة الأصلية كتبت بواسطة HAITHAM1985

مليونية لإرجاع فيليشية الأخ أحمد لأن دى علاجه من كل الصدمات النفسية اللى بيمر بيها ....... أخرك عنبر السيارات فى مستشفى العباسية

لا يا باشا الموضوع مش موضوع فليشيا الموضوع ان انا دماغي هربت كهربه وفعلا انا رايح جمب العباسيه

**MohammedAladel** · 08-07-2012 05:33 PM

إنسان لذيذ والله ههههههههههههههههههههههههه هههه

الموضوع: لحظات من عدم التفكير

LinkBack

أدوات الموضوع

عرض

-

-

-

-

المواضيع المتشابهه

هل عشت لحظات حادث من قبل؟؟......

لحظات الوداع ؟؟؟

اصعب لحظات حياتك

لحظات طفوليه

الكلمات الدلالية لهذا الموضوع

المفضلات

المفضلات

ضوابط المشاركة