استفسار عن ترخيص ونقل ملكيه عربيه اونو 2006

**engcosta** · 09-07-2012 03:33 PM

السلام عليكم.
انا بجدد رخصه 3 سنين وبعمل نقل ملكيه لعربيه فيات اونو فاير موديل 2006 سعه 1300 سي سي
الرخصه القديمه ملاكي اسكندريه مرور محرم بيك وانا عايز انقلها مرور طنطا
انا عامل توكيل في الشهر العقاري لما اشترتها بيع لي و للغير و المشكله ان الرخصه انتهت بقالها يومين و انا عايز اعرف اعمل ايه وايه الغرامه الي علي بالاضافه الي الفلوس الي حدفعها في نقل الملكيه والترخيص وايه الورق المطلوب عشان انا سمعت اني حسافر اسكندريه واجي 100 مره فا مش عايز الف حوالين نفسي و في المرور مش بيقولوا الي عايزنه كله مره واحده
من فضلكم الي يعرف يساعدني ابقي شاكر ليه جداً
شكراً

**ziohausam** · 10-07-2012 03:44 PM

اللي اعرفه ان معاك مهلة شهر من انتهاء الرخصة.. لو خلصت تضطر تروح مرور اسكندرية عشان تطلع شهادة بيانات... قبل كده محتاج بس العقد اللي هتبيع بيه لنفسك ومعاك توكيلك طبعا والرخصة وشهادة مخالفات ممرش عليها شهر... المفروض كده متحتجش تروح مرور اسكندرية

بس سمعت مؤخرا, انهم بيجبرو الناس تروح تعمل مطابقة في مرورها الأصلي... مش عارف دي كانت حالة فردية للي حكالي.. ولا عموما... هعمل موضوع أسأل على الحكاية دي هنا.

**engcosta** · 17-07-2012 02:45 PM

انا رحت وطلع ملفي محروق وعملت ملف جديد وعملت تجديد 3 سنين وخدوا من ضمن الورق شهاده المخلفات الي كنت مطلعها قبل كده وطلعت 2 شهاده بيانات واحده للشهر العقاري وواحده للمرور و عملت مطابقه بصمه
السؤال دلوقتي
هل هحتاج اعمل شهاده مخلفات تاني عشان وانا بنقل الترخيص لطنطا ؟؟ ولا ممكن يكتفوا بشهاده البيانات ؟
وهل هدفع فلوس ترخيص تاني ولا كده خلاص؟؟
وهل ممكن انقل ملكيه في اي شهر عقاري في طنطا ولا لازم في اسكندريه و ياريت اعرف ايه الورق المطلوب والتكاليف لنقل الملكيه قد ايه ؟

وشكرا

**ziohausam** · 24-07-2012 06:20 PM

ليه عملت تجديد فمرورها الأصلي؟ كان المفروض تجيب شهادة البيانات والمخالفات والمطابقة وتروح ع المرور الجديد من غير متجدد عشان ف المرور الجديد هتفحص وترخص

قوللي.. وانت بتطابق وبتطلع شهادة المخالفات.. كنت محتاج العربية معاك؟ ولا المطابقة بتبقى مطابقة على ورق البصمات اللي في الورق وخلاص؟

**engcosta** · 27-07-2012 03:03 PM

ماهو ماكنش في ورق اصلا الملف كان محروق وعملت ملف جديد وكان لازم ادفع تأمين .وفحصت بالعربيه تاني وانا في اسكندريه
المهم دلوقتي انا عملت مطابقه البصمه خلاص وطلعت شهادتين بيانات وحده للشهر العقاري وواحده للمرور
السؤال بقي هو حدفع كام وانا بنقل ملكيه في الشهر العقاري لفيات اونو 2006 ؟؟
وكمان دلوقتي الرخصه حيعدي عليها الشهر السماح كده حدفع حاجه تانيه ولا ايه ؟؟