الموضوع: حسبي الله و نعم الوكيل في الي كان السبب

السلام عليكم يا شباب
انا النهارده مريت بيوم جميل جميل جدا
البدايه وانا راجع البيت علي الطريق الدائري بتاع كرفور وقبل النقطه بتاعة المرور وانت رايح السلام
نقلت رمل واحد حيوان نازلها في الحاره الي في اقصي اليمين متعرفش السبب ايه لقيت عربيه شاهين الله يرحمها دخلت في الرمل انا واقفت ونزلت اطمنت علي الناس الي في العربيه كانوا اتنين رجاله و مرات واحد فيهم المهم العربيه مش راضيه تتحرك سئلته علي حبل و اشد العربيه من ورا و ننزلها اول مره الحبل اتقطع تاني مره الحبل اتقطع لانه حبل غسيل و مش مستحمل المهم قمت راجع بالعربيه و ركنتها جنب الصور و قلتله خاليها لبنت تنزل من العربيه و تقعد عندي و فعلا تم و في الحظه ديه عربيتين نقل بمقطوره ورا بعض الاول فادا العربيه التاني مسك فرامل وطلع علي العربيه انا كنت متنح و حمدت ربنا اني مكنتش ليسه وقف ورا الشاهين ولا البنت كانت قاعده في الجنب الشمال الي النقل دخلت في لغيت نص السقف
حمدا ربنا ان محدش حاصله حاجه
كلمنا النجده علشان نثبت حاله او نعمل محضر
اتكلمنا كذا مره وفضلنا من 3.30 لغيت 5.30 و محدش عبرنا المهم خد الراجل و مراته للنقطه الي بعدينا بس في الاتجاه التاني دخلنا عندهم لاقيناهم مريحين وكان ناقص نعملهم حمام سباحه علشان يخدوا تان
خدنا بوكس و امين شرطه ورحنا لي مكان الحادث المهم خلصت ان صاحب العربيه النقل هيدفع للراجل مبلغ وصاحب الشاهين هيدفع الباقي واحنا و قفين و اتفقوا و جابوا عربيه طبليه و شلنا الشاهين ووقفين حصلت حدثه اوسخ عربيه سوزوكي الفان كانت دخله في الرمل و بيدفداه كسر شمال و مع الرمل العربيه لفت بضهرها جامد قام شاطه عربيه نقل تلاجه جي شماله السوزوكي الفان طارت في الهواء و الله العظيم زي مابقولكم كده بزبط ونزلت علي السواق او بمعنا ادق نص السواق لانه في الطيره ديه السواق نصه طلع بره و العربيه نزلت عليه الناس جريت رفعت العربيه و السواق كان عايش بص انا مقدرتش اروح او اعمل حاجه لاني اتسمرت من مشهد الحادثه لاني شايفها قدام عيني و هي بتحصل وكنت حاسس ان الموت كان بيطردني لان الحدثه قبل ماتحصل بعدنا عن الرمل شويه لان كنا حاسيين ان في حد هايلبس فينا وفعلا حصل المهم
من كل ده عايز اعرف مين المسؤال عن ان الناس ترمي مخلفات او اي حاجه علي جنب الطريق و مفيش رادع للناس بنت ستين ------- ----- لان عرفت ان الناس المسؤله عن الطرق نايمه في بيوتها و مفيش عقاب رادع للناس الي بترمي الكلام ده في الطرق ولو مش رامي وكان ناتيجة حادثه قديمه ليه متتزلش من الطريق ويكون في كاميرات تصور الطرق وتشوف المخلفين الي بيعملوا كده و يتجازا وليه النجده مش بتتحرك او مش بتتحرك لا لما حد يشدهم علشان يشوفوا شغلهم و ليه الانسان رخيص في البلد ديه
وعايز اقول لكل الموجدين في المنتد ي ابوس ايدكم محدش يجري ويلتزم بالسرعات بتاعة الطرق وركزوا في الطريق و متخليش حاجه تلهيك عن الطريق وربنا يكفيني و يكفيكوا شر الطريق

يرجى مرعاة الاداب العامة
مشرف 4ب
12.54 am
11/7/2012

الحمد لله ان حضرتك بخير والله انا مش قادر اكتب حاجة من الزعل