صيانة ال في مركز العدوي10000

**drosamaragab** · 11-07-2012 11:29 PM

رحت الخميس اللي فات مركز العدوي في المنصوره علشان اعمل صيانة ال 10000
اول حاجه استلم العربيه المهندس اول ما شاف حوض العربيه استغرب على موضوع الارما فليكس بتاع عزل التكييف وعزل الصوت وقالي تكييفك هايل ما شاء الله وقالي فكره حلوه اللي انت عاملها
المهم انا قلتلهم ان فيه صوت خروشه في السماعه بيجي مع بعض الاغاني في السي دي وكنت عارف رقم الاغنيه اللي بيحصل معاها الصوت قلتلهم اني سامعه في السماعه اليمين والكلام ده انا كنت قلته لهم في صيانة ال 5000 المهم استلموا العربيه وغسلوا الموتور وحطو منظف دورة الوقود ولهفوا 515 ورحت استلم العربيه من المهندس
قالي كل حاجه اتظبطت
رحت مشغل السي دي قلتله اسف يا بشمهندس لسه الصوت موجود وسمعته الصوت بصراحه انا كنت بتلكك المهم اخد العربيه ودخلها الصيانه ورجع قالي الرخصه واخدو الرخصه وبعد شويه طلعت العربيه وقالولي السماعه الشمال هي اللي بايظه مش اليمين
انا بقيت هتجنن يا جماعه الصوت انا سامعه في اليمين قالوا هو عامل صدى صوت في اليمين لكن الشمال هي اللي بايظه
المهم قالولي هنتصل بيك لما تيجي السماعه
امبارح اتصلوا بي وانا رايح بكره انشاء الله اما اشوف هي اليمين ولا الشمال

حد ينصحني بحاجه

فيه كمان ملحوظه ليه بحس بدبه في المطبات بس مش في كل المطبات ومش عارف هي اييه قدام في العفشه اليمين

**star101** · 12-07-2012 08:10 AM

مركز العدوى سىء للاسف بس هو المتاح لمحافظات الدلتا ..ياريت يكون فيه مركز تانى بديل

**ابو علىوسما** · 13-07-2012 07:23 PM

ما هو الارما فليكس

**pharmacology** · 15-07-2012 11:35 PM

المشاركة الأصلية كتبت بواسطة star101

مركز العدوى سىء للاسف بس هو المتاح لمحافظات الدلتا ..ياريت يكون فيه مركز تانى بديل

+111111111

**Egyzizo** · 16-07-2012 03:18 AM

المشاركة الأصلية كتبت بواسطة star101

مركز العدوى سىء للاسف بس هو المتاح لمحافظات الدلتا ..ياريت يكون فيه مركز تانى بديل

ليه سئ؟
أنا معظم صياناتى معاهم ومافيش مشاكل.

**star101** · 16-07-2012 05:03 AM

بيقلبوا العميل وكل همهم الفلوس وبس

**Egyzizo** · 20-07-2012 02:22 AM

عملت الأسبوع ده صيانة 45 هناك ، كالعادة مافيش مشاكل ..
هى بس الملاحظة أن آخرهم على قد الشغل الروتينى فى العربية يعنى تغيير زيت وتيل وبوجيهات وفلاتر إلخ .. ا ، غير كده يتخاف منهم خصوصاً فى الميكانيكا ..

اتكلمت معاهم وأنا هناك على موضوع الغاء دورة المياه الساخنة لتحسين كفاءة التكييف ، كان الكلام غريب عليهم وبيسمعوه لأول مرة وأخدت الرد المتوقع بأنه ما ينفعش يعملوا تعديل فى العربية خصوصاً لو مايعرفوش هو ايه اصلاً.