الموضوع: بنزين 80 للبومه 2007 اتوماتبك 1600

ممكن عادى تستخدم 80 او حتى 70 مفيش مشاكل نهائى
بس اهم حاجة تظبط Ignition timing
عشان فرق الانضغاط للــ Piston
ودة بيتم على كمبيوتر
طبعا لازم يتم تاخير الاشتعال لاقصى ضغط ممكن فى حالة 80
اما ال 90 او الاعلى كل رقم اوكتان له ضغط خاص بة

بس طبعا الفرق واضح جدا فى الاداء والسحب

وحكاية ان دورة البنزين يحصل فيها خلل دة ممكن يحصل عن طريق بنزين 95 او 98 او اى بنزين
وهذا يرجع لنضافة التنك الارضى لمحطة البنزين

هي القصه كلها انا لما ركبت العربيه عنده بالعكس حسيت صوت الماتور اهدي كتير من عندي مع العلم اني عامل كل الصيانات والفلاتر وانا كان معايا نوبيرا 2006 لسه بايعها من شهر عملت بيها بحدود 170 الف كيلو مرات معدوده اللي كنت بحط فيها ال 92 بس لاحظت حاجتين ان الاستهلاك علي ال92 اقل كتير من الاستهلاك علي ال80 الاداء واحد الدواره كانت بتاخر سنه وبصراحه انا مش حابب اجربك الا لو كان حد بالفعل جرب وقال اللي هو حسه وفي واحد تاني معاه بومه 1300 موديل 2008 منيوال بيقولي انه جايبها من سنه ومقضها 80 من ساعتها بس غير الرشاشات الكلام ده برده بسبب ال80 ؟

المشاركة الأصلية كتبت بواسطة pro_samir

المشكله في 80 هو نسبة الاوكتان اللي بتخلي العربيه تصقف ، وكل الضرر من التصقيف أو الكركره يعني لو اتظبطت ومحصلش تصقيف خلاص مفيش ضرر ، السحب طبعا هيكون أقل شويه

غير كده بنزين مش نضيف والرشاشات معرفش بيحصلها ايه كل ده كلام وال80 زيه زي ال92 لو حطيته مش نضيف هيعمل نفس المشاكل

العربيات الانجكشن اللي كنت بحط فيها 80 لانوس و بي ام 91 ، وفي واحد صاحبنا معانا هنا بيحطه في نوبيرا و النترا 2006 و صني 2009

في ناس من هنا برضو كانو بيقولو ان لو حط 90 بدل 92 في البومه كانت بتتبرجل وتلخبط ، معرفش هتظبط مع الوقت زي ما صاحبك بيقول ولا لأ

وفي النهايه عايز تجرب جرب علي مسؤليتك علشان متصادفش ان حاجه تبوظ تقول بوظولي العربيه .. ده لو لاقيته يعني :))

ملحوظه : لو حسبت فرق التكلفه هتلاقيه موفر حوالي 10000 ج في ال130000 ك

شكرااا جزاك الله خير علي التعليق هي القصه كلها فعلا بفرق التكلفه لاني طبيعه شغلي بعمل حوالي 1000 كيلو في الاسبوع يعني متوسط 50 الف في السنه

المشاركة الأصلية كتبت بواسطة port_smoker

ممكن عادى تستخدم 80 او حتى 70 مفيش مشاكل نهائى
بس اهم حاجة تظبط ignition timing
عشان فرق الانضغاط للــ piston
ودة بيتم على كمبيوتر
طبعا لازم يتم تاخير الاشتعال لاقصى ضغط ممكن فى حالة 80
اما ال 90 او الاعلى كل رقم اوكتان له ضغط خاص بة

بس طبعا الفرق واضح جدا فى الاداء والسحب

وحكاية ان دورة البنزين يحصل فيها خلل دة ممكن يحصل عن طريق بنزين 95 او 98 او اى بنزين
وهذا يرجع لنضافة التنك الارضى لمحطة البنزين

شكرااا لحضرتك عالرد طيب حضرتك بتقول لازم يتم ظبط تاخير الشراره وجه يتم علي الكبيوتر يعني المقصود الينوت كنترول بتاع العربيه هو اللي بيحس بالكلام ده وبيظبط الشراره من نفسه زي النوبيرا الخليجي بتحس بكلام ده عن طريق حساس وبتعت امر للكنترول انه ياخر الاشاره ولا لازم احط العربيه علي جهاز واخلي الفني يأخر الشرره بالاسكنر وهو داخل علي الينوت كنترول

walidadel81
حبيب قلبى لازم كمبيوتر يدخل علية احداثيات جديدة
لانها افتراضيا بتكون اما 90 او 92 او اعلى
ولازم تجرب العربية بعديها وتشوف هل المكنة بتسقف ولا لا وهلى السحب قل بنسبة كبيرة ولا لا
لانة ممكن يخلى مفيش تسقيف وكمان السحب معقول ودة يرجع للصنايعى

وخلى بالك اهم حاجة ميكونش فية تسقيف عشان تسقيف المكنة بيبوظ الــ Pistons بعد فترة