الموضوع: طلب من رجالة بورسعيد

انا النهارده روحت عملت فحص لعربيتي في مرور الشرقيه وبعدين المفروض اروح مرور بور سعيد اجيب مطابقه للفحص واسم النمر لان انا عربيتي لسه ملاكي بورسعيد فمينفعش اسلمها هنا
طيب انا هروح المرور دا ازاي يعني عنوان محدد
انا هروح مواصلات لان العربيه مدرمغه ومش نافع اسافر بيها
المفروض هجيب مطابقه وايه تاني؟؟
وانا هسافر يوم السبت المرور بيكون شغال هناك
والموضوع دا محتاج وسطه الحمد لله اناس كتيره هناك من العيله في مناصب محترمه جدا ولو كلمت حد مش هيتأخر بس في ناس بتقولي مش مستهله

المشاركة الأصلية كتبت بواسطة organic_magic

توكل علي الله اول متنزل بورسعيد خد تاكسي وقوله المرور (ابقي اديله 3 جنيه ) --- لو كنت فاضي ممكن اجيلك اخدك وواوصلك للمرور

ربنا يخليك يا غالي
مش مستهله اعطلك ولو حتي فاضي استريح في بيتك اصل الموضوع مش كبير ولي حاجه انا هنزل ان شاء الله السبت اجيب شهادة بيانات وبس
ويكون معايا الوحات المعدنيه
ورخصة العربيه
وبرائة الزمه
وهسلم التلت حجات دول هناك
واروح علي مهندس الفحص يطلع الملف بتاع العربيه ويشوف شهادة الفحص الي جبيها معايا مطبقه ولي لا وبعدين يعمل شهادة بيانات ان العربيه مطالبه بالوحات والمخالفات ورخصة التسيير واطالب فقط بمستندات الملكيه
وهروح اختمها من الظابط
واسجلها هنا
وربنا يصلح الامور
وشكرا لاهتمامك وردودكم الجميله يا رجاله