مشكلة فى الفرامل بعد صيانة الـ 40000

**mezo_1978** · 12-07-2012 02:09 PM

السلام عليكم
انا معايا كيا سيراتو 2010 وعند دخول الصيانة من ضمن المشاكل التى ذكرتها ضعف الفرامل و عملت صيانة 40000 فى تكنووان وغيرت تيل امامى والمفروض انه تم الكشف على تيل الفرامل الخلفى وزيت الفرامل
بعد ما خرجت من التوكيل حسيت ان الفرامل فرقت شوية بس مش اليى كنت متوقعة وخصوصا انى غير تيل امامى . العربية لما بدوس فرامل وانا على سرعة 40 او 50 احس انها بتسحف ولازم ادوس على الدواسة جامد علشان تقف وفى مرة من المرات سحفت منى والكبوت اتخبط فى باجيرو من الخلف فى الاستبن والكابوت عندى اتخبط المهم الحمد لله على كل شيئ
روحت لتوكيل تانى فى العبور مشهور وقلت اكشف على الفرامل وبعد المعاينة تبين ان التيل الخلفى محتاج انه يتعمل له رجلاش وان الزيت متغيرش خالص وان التيل الامامى متركب بدون تنظيف الديسك
دلوقتى انا بحس بحاجة تانية خالص الن العربية الصبح اول ما اركبها اجى ادوس فرامل لازم ادوس على الدواسة لللاخر علشان العربية تقف حتى لو على سرعة بطيئة وبعد شوية الموضع يتحسن شوية بشوية مش عارف ده عيب ان لازم اغير التيل الخلفى ولا الزيت كله لازم يتغير
مع العلم ان السيارة وهى لسه جديدة لما كنت ادوس على الفرامل والعربية مبطلة دواسة الفرامل كانت بتتملى هواء وتترفع للاخر وتنزل لما العربية تدور
دلوقتى فى فرق كبير لما تكون مبطلة مهما ادوس على الدواسة مش ببترفع للاخر
ارجو الافادة من الاخوة الزملاء

**MITSUKERO** · 12-07-2012 05:19 PM

بص انا معرفشي عندك ايه بس كل اللي اعرفه ان كان في واحد صاحبي معاه زميلته في الشغل معاها سيراتو و كان فيها مشكلة ان الفرامل بتحجر و طلعت مشكلة سيرفو و بعد ما اتغير ظبطت شوية و باظ تاني و الموضوع دخل في شكوي لجهاز حماية المستهلك بقي و قلبان بس مش عارف رسيت علي ايه فخلي بالك بس مش شرط خالص الموضوع عندك يطلع كده

**mezo_1978** · 14-07-2012 01:10 AM

انا متشكر جدا على الرد وانا شكلى حروح تانى للتوكيل اشوف الموضوع ده

**Dr_Smart** · 15-07-2012 10:28 AM

مش عارف ليه شاكك في الكاوتش

**M.Akef** · 15-07-2012 07:17 PM

انا كان عندي مشكله شبيهه بدي انا عندي سكاكين ورا و ادام و abs السبب اني غيرت زيت الفرامل علي30 الف لاني كنت خلط بين كزا نوع و الفرامل ظبطت شويه و بعد كدا لما اكبس فرامل كانت بتشغل الabs و متقفشي !!
رحت لواحد تاني فك المكان الي بيوزع الزيت و غسله بالميه و الهواء و حط زيت جديد بقت احسن بكتير و قال السبب اني غيرت زيت علي زيت كان محش اصلا كان لازم اغسل الجزء ده الاول دا الي جصل لي ممكن تكون نفس المشكله عندك