الموضوع: عايز أمزكها

سيبك من تامر خلينا فى عمرو مصطفى الفكرة كلها إنى بحب الموسيقى قوى وعايز أتعلمها صح وعايز حد يساعدنى وأبقى أحسن من تامر وغير تامر بعد ما أتقنها تبتدى الموهبة بتاعتى تظهر

متهيالي الموهبة لازم تبقي موجودة الاول...وبعدين تنميها بالتعليم والتمرين....

أنا حاسس إنها موجودة أنا سميع مية مية ويعنى هى موجودة بالعافية يعنى واحد عمره ما مسك جيتار ولا بيانو هتظهر إزاى موهبته والنبى ؟

مافيش حد بيتعلم يبقي ملحن
ممكن تتعلم تغني او تعزف او توزع
لكن تتعلم تلحن دي ماحصلتش ولا تحصل
التلحين بيكون موهبه بنسبه 100 %

المشاركة الأصلية كتبت بواسطة friendship7897

يعني الموهبة موجودة ولا مش موجودة ولا حاسس بيها ولا أيه بالظبط .
عموماً مش مهم تكون أنت اللي حاسس إنها موجودة - المهم الناس اللي حواليك تحسها .
وبعدين أنت عايز تتعلم التلحين علشان سميع مية مية ، ولا علشان تبقى ملحن ، ولا علشان تعزف بيانو ، وجيتار ، وكمان .
* لو علشان سميع مية مية ، فعايز تتعلم التلحين ليه ( هو فيه أكتر من 100 100 )
* ولو علشان تبقى ملحن ويبقى معاك فلوس ( مش مهم تتعلم التلحين - لحن أي حاجة من إنتاج السبكي ) ، أو أعمل لك أغنية شعبية هابطة .
* ولو علشان تعزف بيانو أو جيتار أو كمان - إشتيرها الأول وممكن تاخد درس خصوصي على إيد أي عازف للآلة اللي انت هتخترها .

أنا مين !!!
تحياتي للفنان محمد العدل

مبدئيا أنا أسمى محمد العادل وليس محمد العدل العدل هو الله عز حضرتك مش فاهمانى أنا بحب أعرف كل جديد كل حاجة تقابلنى فى الحياة لازم أتعلمها وأعرف عنها كل حاجة ومقتنع بإنى أمشى فى أى حاجة وإن قدراتى لا حدود لها جايز يكون فيه أعلى منى بس مفيش زييى 2 هو دا مبدئى فى الحياة لذلك أنا عايز أتعلم الموسيقى بصفة عامة لأنى بسمعها كتير وبركز قوى فى الأجهزة الموسيقية وهى بترن فى ودانى عايز أتعلم الموسيقى موهبة شخصية أمتع بيها نفسى فقط أنا عمرى ما أنزل بمستوى فكرى أنى ألحن عشان آخد فلوس لو بقيت ملحن يعنى وهى فعلا موهبة بس مينفعش واحد ميكونش بيعرف يعزف ولا دارس حتى موسيقى وقوافى وبحور وكدا وتظهر عنده الموهبة لكن وارد جدا واحد بيعرف يعزف آلات موسيقية ودارس موسيقى إنه يبقى ملحن لكن أنا مقتنع إن التوزيع الموسيقى عايز دراسة أكتر من موهبة بس طبعا لازم يبقى دماغه فنان برضه أقولك عايز أتعلم موسيقى وكدا تقوليلى أعمل أغنية هابطة وكمان السبكى
أنا عايز أتعلم فن لإشباع رغبة ذاتية من مبدأ معرفة كل شئ عن كل شئ

المشاركة الأصلية كتبت بواسطة amr5500

مافيش حد بيتعلم يبقي ملحن
ممكن تتعلم تغني او تعزف او توزع
لكن تتعلم تلحن دي ماحصلتش ولا تحصل
التلحين بيكون موهبه بنسبه 100 %

لما أتعلم الموسيقى فى الأول لو عندى موهبة أكيد هتظهر لو معنديش أهو يبقى أتعلمت العب جيتار وبيانو وكامان خصوصا الكمان دا بسمعه بيهز الأغنية هز وبعدين الملحن برضه بيبقى دارس قوافى وأوزان مش وبس العملية لكن أزاى يوظف ويشكل القوافى دى ويختار مايروق له سمعه دى حاجة حسية سمعية بحتة اللى هى الموهبة