المشاركة الأصلية كتبت بواسطة Screenplays
العربيه فئه اس اكس بفتحه سقف و جنط 17 و ماشيه 30 الف كيلو تقريبا
انا عارف ان العربيه دي اتهرت مواضيع و تجارب قياده
بس احب اقول رأيي الشخصي
مهياش بي ام ... مهياش مرسيدس ... مهياش عربيه سباق
دي عربيه مدينه من الدرجه الاولي ... ليها مميزاتها و عيوبها
اهم و ابرز عيب فيها نشوفيه العفشه
و كمان مبتخدش ثبات زياده علي سبيل المثال بسبب النشوفيه دي
الميزه في النشوفيه هي المطبات
لما بتيجي تاكل مطب زي الزبون ... العفشه بتسعفك
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟ ازاى العفشه بتسعفك ممكن توضح ؟؟ غير كده العفشه دي عيب جوهري في العربيه
العفشه نشفه فقط .و اى عربيه سبور بتبقى نشفه او اى عربيه متعدله عفشه اسبور بتبقى نشفه جدا جدا .و اللى منشف عفشة السيراتو ان المساعدين بتوعها غاز و ليس زيت العيب التاني اللي هو الحدفه الشمال
فعلا الموضوع ده موجود و ليه حل طبعا .و انا زكرته فى كذا موضوع قبل كده و عملت موضوع مخصوص بيه .و على فكره العربيه دى لما بتظبط زواياها و ضغط كوتشها زى مقاسات اللى التوكيل فى كيا كوريا نزلها اخر 2011 بتبقى ثابته جدا جدا جدا .غير كده متجريش اصلا لانها مش هتكون ثابته باى مقاسات زوايا تانيه فى اى حته و عند اى حد .و 99%من الناس معندهاش المقاسات الجديده دى و عشان كده لما بتروح تظبطها زوايا .بيظبطها على مقاسات 2004 بتاع السيراتو الشكل القديم .و احدث برنامج شفته عند اشهرهم هو بتاع 2009 بتاع الشكل الجديد و لسه جايبه كمان .و بردوا المقاسات مش مظبوطه مع بتاعه 2011 اللى انا جبتها من موقع التوكيل بتاع كوريا . و عشان كده العربيه بتحدف من اغلب الناس .انا عندى مبتحدفش الحمد لله . و كمان ضغط كوتش العربيه دى بيفرق جامد جدا فى ثبات العربيه .للاسف اغلب انواع مقاييس الضغط للكاتوش فى محلات الكوتش و البنزينات بيبوظو بسرعه .و جربت كتتتتتتتتتتتييييير عند ناس كتير . و فهمت بعد من تجارب و قرايات كتير و نصايح ناس تانيه قديمه فى العربيات . و الله اعلم انا بحس ان شاسيه العربيه دي معووج كعيب صناعه
مش عارف ليه حاسس بكده
مع احترامى لحضرتك مفيش الكلام ده اصلا .و مفيش حاجه اتقالت و لا هتتقال عن عوجة الشاسيه اصلا . و ده مجرد احساس زائف . صرفت الكثير علي ظبط الزويا و ظبط ضغط الاطارات
و برضه العربيه مصممه تحدف شمال مش عارف ليه
عشان المقاسات اللى بتظبط عليها قديمه و متنفعش اصلا و غلط .+ان مقاسات السيدان غير الكوبيه خصوصا النصف الامامى من العفشه . محدش عنده مقاسات 11/2011 اصلا . هي الحدفه مقبوله و لكن مع غير المحترفين ممكن تبقي مشكله عويصه
هى ممكن تبقى مشكله مع حد جديد فى السواقه و بيتغابى فى الجرى و الغرز جامد بزياده و على سرعات عاليه و طرق غير مستويه .يعنى تحت ظروف معينه.مش فى اى وقت و مش مستديمه و لكن المشى العادى مفهوش مشاكل نهائى لاى نوع سواق . العربيه سحبها مش عاجبني اوي عشان متعود علي الفيرنا المانيوال
لا مش معاك .العربيه دى سحبها ممتاز .و انا معدى من فيرنا و النترا و اوبترا و حجات كتير جدا .ما عدا البى ام x3 و حاجه تانيه مش فاكرها فى البى ام .معرفتش اعمل معاهم حاجه .سحبهم اقوى على السرعات العاليه فوق ال 180 . و لكن بردوا العربيه دى حساسه جدا جدا جدا للنضافه و البنزين .لو حطيت بنزين مش تمام هتلاقيها سلحفه و لو مونت 95 هتلاقى كلام كبير جدا بس من بنزينات محترمه . و كلنا عارفين السحب العجيب بتاع الفيرنا
انا معرفش اللى عدات منهم قبل كده على طرق السفر كانوا مانيوال و الا اوتو .بس كانوا بيشدوا معايا لل 170 و بنعديها و كنت بعديهم .بس اعتقد انهم كانوا بيشدوا و الله اعلم . غير كده العربيه جيده من كل النواحي الباقيه
فعلا العربيه مريحانى فى حجات كتير .و لو عاوز تسافر بيها هى ممتازه فعلا فى السفر . حاجه اخيره
العزل الصوتي ممتاز
العزل الصوتى جيد جدا .و ليس ممتاز و ممكن بتعديل بسيط يكلف 300 ل 400 جنيه يبقى العزل فوق مستوى الممتاز بمراحل .لما نزود العزل بعزل تانى من نوع 3m بتحس انك من بنها لما بتقفل الازاز ههههههههههههه
هههههههههههههه مش فاهمك بس حلوه . في النهايه انا بنصح باي عربيه ياباني او الماني يوزد بتمنها
دا رايك و انت حر .بس اعتقد ان فى خلال 5 سنين باذن الله هتغير رايك بالعكس تماما باذن الله .
المفضلات