الموضوع: هي ليه اسكندريه علي طول فيها عقارات بتنهار

فعلا البحر بيسبب رطوبة عالية جدا ودا بيضر جدا المباني الساحلية علي المدي البعيد بسبب نسبة الاملاح العالية, والمفروض المدن الساحلية بيلتزموا بمعايير محددة في البناء ونوع مختلف من الاسمنت عكس المباني في المدن الاخري وبتهيئلي مع قلة الضمير في الزمن دا محدش بيلتزم بحاجة ولا في حكومة بتسئل .

معلش مع احترامى ولا بحر ولا اى حاجه من دى اسكندريه مدينه غربيه بجد فى موضوع العمارات السكنيه بتلاقى شارع ضيق جدا يادوب عربيه تركن فيه وعربيه تمشى فيه اتجاه واحد طالع فيه العماير كلها 16 دور
انا مشفتش هناك عماره لسه بتبنى واقل من 14 دور و المشكله ولا الشارع يسمح بده ولا اكيد ابن الحرامى صاحب العماره عامل حساب لده ولا الحى بيراقب عليه علشان اللى اعرفه تقريبا ان اقصى ارتفاع لاى عماره فى اسكندريه هى 13 دور فوق كده يبقى مخالف
احنا معلش فى عز المخالفات والبنى فى القاهره مشفتش الارتفاعات الوهميه دى
دى بقت بلد نطحات سحاب ياراجل

16 ايه فى شارع عرضه 6 متر فى سيدى جابر ممبنى فيه 3 عمارات جداد 36 دور الكلام ده من سنتين