برجاء المساعدة: لو مضيت عقد التسجيل ومرخصتش خلال شهر المهلة هيحصل ايه

**aallmix** · 15-07-2012 06:34 PM

لو مضيت عقد البيع المسجل في الشهر العقاري وبقت العربية ملكي
والعربية فاضل على رخصتها القديمة شهر وتخلص
لو مرحتش اصلا ولا دلوقتي ولا كمان شهر -المهلة اللي مديهاني في العقد-
هيحصل ايه بظبط وايه المشاكل ؟

**kaza** · 15-07-2012 08:07 PM

ولا حاجة غير انك بالاضافة للفحص هتدفع الضريبة مرة وتلت فقط دة مع الوضع في الاعتبار ان مافيش مخالفات جدت علي العربية في الفترة دي

**aallmix** · 15-07-2012 08:12 PM

امال ليه اتقالي ان العقد كأن لم يكن ويكون كده العقد اتلغى لأني خالفت بنوده

منتظر الرد بسرعة

**drmagieed** · 15-07-2012 08:28 PM

لاء لو العقد المسجل في الشهر العقاري عدي علي شهر هتدفع الضريبة مرة وتلت زي ماقال الأستاذ كذا ... ولو الرخصة إنتهت هتضطر تجيب شهادة بيانات للترخيص ... والحل في الموضوع دة حاجتين:
1- في حالة عمل عقد بيع يمتنع المشتري عن التوقيع ويوقع المالك بس ... وبيكتبوا في العقد تحت توقيع المشتري إمتنع عن التوقيع ودة معناه إنك تقدر ترخص العربية بالعقد في أي وقت.
2- ما يتعملش عقد بيع ويتعمل توكيل لإدارة وبيع السيارة والتعامل مع المرور تقدر تنقل ملكيتها ليك وترخصها بنفسك في أي وقت مع دفع الضريبة بردة مرة وتلت وشهادة البيانات.