الموضوع: النيو اكسنت ار بى اول فئة و الاوبترا

انا هاقول لحضرتك على الفروق لانى اتسألت السؤال دا قبل كدا

اهم مميزات الاكسنت ان موتورها اقوى ( مع ان موتور الاوبترا مش ضعيف ) بس الاكسنت طبعا اقوى , فتيسها ستبترونيك , تصميم وشكل احدث واحلى

الاوبترا قديمه لكن , تعليق خلفى Dual Link - فرامل خلفيه Disc - مساحه داخليه اوسع - شنطه اوسع - اعلى عن الارض - سنتر لوك وانذار جاى من كوريا مش متركب فى مصر زى الاكسنت - جنوط عاديه 15 وكاوتش 195/55 - فوج لايت - عازل كبوت - قطع الغيار الاصليه وغيرها متوفره ورخيصه

المشاركة الأصلية كتبت بواسطة waterpolotemo

أولا أنا شاكر جدا لإهتمامك و مشاركتك.. ثانيا أنا تقريبا عايز نفس الحاجات اللى سعدتك اتفضلت و قولتها عربية واسعه و عالية و زى ما بيقولوا حمارة شغل و قطع غيار كويسه وأهم حاجه موتورها يستحمل التكييف لأنى بشغلة على طول حتى فى الشتا كمان.. و يكون ثباتها محترم مع العلم انى مبزودش عن 100.. اللى أنا فاهمه ان المواصفات اللى انا عايزه دى متوافره فى الاوبترا خصوصا موضوع التكييف.. فهل انا فاهم كده صح ولا حضرتك ليك تعليق تانى؟؟

العفو , هى بالفعل فيها كل احتياجاتك وهاتتبسط منها ان شاء الله , خصوصا التكييف انا عمرى ماشتكيت منه ماشاء الله تلاجه , بس من فتره كان عندى مشكله فى خرطوم السربنتينه وغيرته فى التوكيل وشحنت فريون وغيرت فلتر تكييف ورجع زى الاول واحسن الحمد لله

بس فى شوية عيوب لازم تعرفها لانها ممكن تضايقك , اولا صاج السقف والكبوت ضعيف وطرى جدا وبيتطبق و يتكرمش بسهوله بالتالى شكل العربيه بعد فتره بيبقى مش حلو , فى حاجه كمان بس لسه محصلتش معايا لانى لسه مكملتش 40 الف كم , فى بعض الاعضاء حصل ان المساعدين تعبت بعد 50 الف او 60 كم وجابوا زيت وغيروهم , دى يمكن اقرب حاجه ممكن تضطر لتغييرها لحد ال 60 الف ومش شرط تتعب معاك زيهم , باقى الحاجات عاديه تيل فرامل حسب الاستخدام زيت وفلتر كل 10 الاف فلتر هوا وبنزين وبوجيهات كل 30 الف كدا يعنى