الحقيقة انا تعبت ومش عارف اشتري عربية مستعمله .... ممكن مساعدة

**t_kha83** · 17-07-2012 12:07 AM

الحقيقة انا تعبت ومش عارف اشتري عربية مستعملة ... بقالي فترة عمال ادور ....... الحقيقة انا معنديش خبرة في شراء السيارات ....... او يمكن انا معايري عالية شوية و بدور علي عربيات لقط (زي مثلاً تكون عداد الكيلومتر بتاعها قليل وفابريكة بالكامل و...و... ) وبخاف من العربيات اللي ماشية كتير لان ممكن تتطلع فيها مشكلة بعد كدا والتوكيل ميعرفش يكتشفها (حدثت مع بعض الاصدقاء) والمستعمل فيه لعب كتير قوي قوي يعني ...... و معيش ميزانية اشتري عربية جديدة للاسف وحرام اشتري عربية جديدة في شوارع القاهرة (عندي ماضي أليم . عربيتي اللي معايا دلوقتي اتخبطت 4 مرات تحت البيت) . الحقيقة الموضع كابوس ومأساة

انا الميزانية اللي معايا 60-70 ألف .... فكرت في حاجات كتير واستقريت علي نيسان صني وبرضه مش عارف الاقي حاجه كويسه تكون ماشية كيلومترات قليلة او مش متهانة ...........

بعد كدا فكرت اجيب لانسر واحاول اشوف معرض يقسطلي الباقي من الفلوس وبرضه مش لاقي لان النضيف منها بره الميزانية بتاعتي يعني حوالي من 80 الي 90 ألف

في حد ممكن يساعدني لو يعرف حد مضمون بيعرف يجيب عربيات مستعملة لقطة ، او يدلني اعمل ايه ........ جزاكم الله خيراً

**Hobgoblin** · 17-07-2012 12:54 AM

ZERO

Hyundai Verna
Renault Logan
Renault Sandero

**K_E** · 17-07-2012 01:18 AM

رينو لوجان الكل بيشكر فيها وسانديرو كمان هي هي بس هاتش باك وشكلها شبابي اكتر
بس لو عاوز حاجه فيها كل الكماليات وبالسعر ده في بريليانس frv وبجد عربية ممتازة وسيبك من موضوع دي صيني والجو ده

**a4_han** · 17-07-2012 01:26 AM

ford
bmw
vw

**magic girl** · 17-07-2012 01:52 AM

طيب انا حما اخويا عايز يبيع عربيته. هيا ميتسوبيشى لانسر موديل 2008, ماشية 68 الف كيلو عشان هو عايش بره اساساً, فابريكة جوا و برا و جميع الكماليات..انا ركبتها معاه قبل كده و ما شاء الله بجد محافظ عليها.. هو طالب فيها 75000, ممكن لو حضرتك مهتم هابعتلك رقمه..

**Mohab.Nabil** · 17-07-2012 02:38 AM

ممكن تتنازل عن شوية حاجات من متطلباتك

زى مثلا موضوع الفابريكة بالكامل .. حضرتك بنفسك قولت العربية مخبوطة تحت البيت 4 مرات و الطرق فى مصر اصلا زبالة و نص الناس اللى بتسوق ميصلحوش انهم يسوقوا اصلا فطبيعى ان العربية تبقى مخبوطة خبطات عادية يعنى و لو سلم الامر من الخبطات ديه .. ممكن حد ظريف ياخدلك العربية خرابيش فى كل حتة

بس طبعا متبقاش راشة دواخل مثلا لا يعنى راشة حاجات بسيطة مفيش مشاكل

و كشف التوكيل اهم حاجة .. العربية مش مهم فيها الصاج المهم الموتور و الميكانيكا ديه اللى بتتعب و لما بتفتح مش بتتلم بسهولة .. بس الصاج دايما امره اسهل كتير

و بالتوفيق ان شاء الله

**shaaban2008** · 17-07-2012 04:07 AM

فيه معرض في ش كابول - مدينه نصر بيبيع مستعمل وبيبقي عنه حاجات تقريبا بالمواصفات اللي حضرتك ببتتكلم فيها وبرضه بيقسط

**mada_diab** · 17-07-2012 04:15 AM

المشاركة الأصلية كتبت بواسطة mohab.nabil

ممكن تتنازل عن شوية حاجات من متطلباتك

زى مثلا موضوع الفابريكة بالكامل .. حضرتك بنفسك قولت العربية مخبوطة تحت البيت 4 مرات و الطرق فى مصر اصلا زبالة و نص الناس اللى بتسوق ميصلحوش انهم يسوقوا اصلا فطبيعى ان العربية تبقى مخبوطة خبطات عادية يعنى و لو سلم الامر من الخبطات ديه .. ممكن حد ظريف ياخدلك العربية خرابيش فى كل حتة

بس طبعا متبقاش راشة دواخل مثلا لا يعنى راشة حاجات بسيطة مفيش مشاكل

و كشف التوكيل اهم حاجة .. العربية مش مهم فيها الصاج المهم الموتور و الميكانيكا ديه اللى بتتعب و لما بتفتح مش بتتلم بسهولة .. بس الصاج دايما امره اسهل كتير

و بالتوفيق ان شاء الله

+1111 كلام الاستاذ مظبوط تمام شوف عربية تكون حالتها حلو ومش مهم راشة برة ولا لآ اهم حاجة الحالة الموتور والعفشة والكهربا وطالما هتجيب موديل عالى شوية يستحسن تكشف فى التوكيل طالما انت مش خبير اوى هو مكلف شوية بس اماان

**semi** · 17-07-2012 05:12 AM

الدوامة دي الكل بيقع فيها لما يجي يشتري عربية
مستعمل ولا جديد طيب لو جديد اشتري ايه
ولو مستعمل تحفة بس مشكلته مش مضمون
من وجهة نظري ارجحلك المستعمل
والموضوع بسيط نقي عربية غالبا من اعلانات النت يكون الكيلومتر بتاعها قليل
يكون باين عليها النظافة من الداخل لان ده بيعكس مدى اهتمام صاحب العربية بعربيته
وفي الاخر هاتلك حد شاطر في موضوع المستعمل يمسكلك العربية يفرها من كبوتها لباب شنطتها
ولو مش عارف حد انا اعرف واحد كويس لو محتاجه كلمني على الخاص واقولك رقمه
المهم في الاخر تستخير ربنا وتتوكل على الله
ولو عايز جديد عندك اللوجان او الفيرنا والجديد مضمون طبعا بس انا مش بعترف بالعربيات دي اصلا

**t_kha83** · 17-07-2012 09:34 AM

جزاكم الله خيراً علي ردكم وتشجيعكم ونصائحكم

الحقيقة انا نسيت اقول اني بدور علي اتوماتيك لان مشوار الشغل الجديد طويل جداً للاسف الشديد ، وبالنسبة للفيرنا و الرينو .......... المراجعات عليهم في المنتدي للاسف برضه سيئة جدا جدا .......... انا ميزانيتي ممكن تجيب كسر زيرو فيرنا او افيو ......... بس من كتر ما سمعت عن مشاكلهم بئا صعب افكر فيهم ........ مع انهم هيحلولي مشكلة الموديل وانها ماشيه كتير ....... لاني باتكلم عن عربيات 2011 ........... لو حد يعرف معرض او شخص متخصص ومجربه قبل كدا يقولي ........ لاني واضح اني مش عارف انجز الموضوع دا بنفسي

ربنا يكرمك ........ و شكراً جدا علي المعلومات العايلة دي