| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 1 من 13 1 2 3 4 5 6 11 ... الأخيرةالأخيرة
النتائج 1 إلى 10 من 121

  1. #1

    الصورة الرمزية Ahmed A Rahman

    رقم العضوية : 13961

    تاريخ التسجيل : 01Jul2008

    المشاركات : 4,984

    النوع : ذكر

    الاقامة : Rehab city

    السيارة: Nissan Sunny 2014

    السيارة[2]: RENAULT LOGAN 2010

    دراجة بخارية: agala

    الحالة : Ahmed A Rahman غير متواجد حالياً

    افتراضي التقرير المصور لتنظيف البوابة وفصل السخن عن التكييف - Facebook Twitter whatsapp انشر الموضوع فى :

    hasad">

    السلام عليكم ورحمة الله

    من فترة ونحن في جدال لرفع كفاءة التكييف والغاء سخونية (او بمعنى اصح) مجرد دفء الكونسول من النص او من ناحية الاقدام

    انا عمري ما اشتكيت من سخونية الاقدام ولا حسيت بيها وركبت العازل في التوكيل من زمان بس ساعات كنت بحس بحاجتين:

    1. كنت بحس ان فيه مقاومة دائما امام التكييف: وانه يتميز باندفاع هوا شديد ولكن نسبة برودة الهواء مش فائقة

    2. الكونسول بعد رحلة طويلة او سفر بيكون دافيء شوية خصوصا من عند حامل الاكواب في الاسفل , بحسها لو حطيت حاجه ساقعه فيها انها بتدفى اسرع من العادي


    لذلك بالبحث وجدت ان تكييف اللوجان معمول بطريقة ان مواسير السخن خارجه من الموتور بتلف في التابلوه بالكامل , لان العربية بتنزل في بلاد درجة الحرارة فيها تحت الصفر زي رومانيا وبولندا وحتى موسكو

    وبما اني لم استخدم التكييف السخن الا مرتين تلاتة في خلال سنتين ونص او 80 الف كيلو فلذلك في بلدنا مش محتاجينه

    ذهبت الى فرنش موتورز الرحاب
    بسؤالي عن امكانية فصل السخن ودارت مناقشات بيني وبين المهندس/ خالد الزيني عن كيفية فصل السخن
    * ممكن فصله عن طريق قطع الخراطيم وسدها ودي انا كنت رافضها
    * ممكن فصله عن طريق ازالة الخراطيم وتركيب خراطيم اخرى من اي قطع غيار بس دي هو كان رافضها
    * ممكن تحويل الخراطيم بتاعة العربية نفسها وبكده نستخدم نفس خراطيم الفابريقة ومنقطعش في حته جلده

    تم الاتفاق على الحل الثالث خصوصا انه يخليني ارجع في كلامي في اي وقت ووممكن اعملها انا بنفسي مجرد فك للافيزات ( او الكوليهات) واعادة الخراطيم وخلاص

    وتم الاتفاق ايضا على تنظيف البوابة بما اننا كده كده داخلين العمليات وحنفتح بطن المريض


    تم فك غطا الموتور بفلتر الهوا شيلة واحدة فظهرت البوابة

    البوابة ظاهرة وظاهر فيها الفيشة الاولى التي تم فصلها من بعض


    منظر من فوق وباين فيه الفيشتين اللي بيتم فصلهم من البوابة واحدة من الامام والاخرى من الخلف

    بدأ الفني الاسطى أحمد بفرع فرنش موتورز فك مسامير البوابة

    بعد فك البوابة وطبعا باين الزفت اللي حواليها والهباب اللي جواها
    بالمناسبة البوابة دي متغيرة في الضمان على 50000 يعني ماشية 25000 بس

    البدء بفك مسامير الايدل لفصلة عن البوابة عشان يستحموا


    واخيرا تم فصل الايدل تماما عن البوابة
    وبدأنا في عملية التنظيف


    الايدل بعد ما استحمى باستخدام Carb Medic
    طالع بيبرق

    اعادة تركيب الايدل في البوابة بعد تنظيف الاثنين
    اعادة تركيب البوابة نرجع كل شيء لما كان



    النتيجة:
    السحب رجع ثاني كأن العربية جديدة او يوم تغيير البوابة
    اقل دوسة بنزين بتنطط العربية وعايزه تجري من على الارض
    بفكر اعمل الموضوع ده كل 10 او 15 الف
    الايدل هو هو نفس بتاع اللانوس يعني حتى لو باظ حيستبدل في ثواني
    استهلاك بنزين رائع وكفاءة في احتراق البنزين

    بالمناسبة كان عندي عضة في بداية الدوس على دواسة البنزين
    كنت فاكر انها سلك البنزين عايز يتزيت وكل شوية اروح اقولهم زيتوا السلك
    اتضح ان فيه مسمار بيتهوا في البوابة عشان يظبط قفلتها لانها بتبقى مش مقفولة كويس
    بعد ظبطه بقى مجرد وضع القدم على دواسة البنزين بتتحرك وقبل كده كان فيه مقاومة في البداية وبعدين الرجل تتزحلق من على العضة دي وينداس جامد على البوابة بدون لازمة , مش عارف قادر افسرها ولا لأ
    المهم انها راحت بتظبيط المسمار ده
    كده احنا خلصنا تنظيف البوابة والايدل وباقي الموضوع المنتظر بمناسبة الصيف ورمضان


    فصل التكييف السخن




    فصل الافيز الحديد حول اول خرطوم في صدر العربية
    الافيز ده بيبقى صعب تركيبه ثاني بعد خلعه
    بالتالي حنستخدم افيز حديد وخلاص زي العادي

    بدأت مياه التبريد تخرج من الماسورة
    المياه خرجت مولعه رغم اننا سايبين السيارة اكتر من ساعة عشان تبرد وكمان اثناء تنظيف البوابة

    انتظار عشان نتأكد ان المياه كلها خرجت

    نحط الخرطوم على جنب عشان نعرف نشتغل

    الانتهاء من فك طرف الماسورة الاولى والبدء في فك التانية

    بدء فك طرف الماسورة الثانية
    المرة دي من عند الموتور نفسه
    راجل جامد كان نفسه يوصل واحدة بالثانية وخلاص بس طبعا على الطبيعة لقينا ده صعب لاننا مش حنقدر ندكك واحدة في الثانية لانهم تقريبا نفس القطر

    مياه التبريد نازله مولعة وصعبان عليا العربية اللي بتتحرق من تحت دي
    الصهد كان رهيب
    ازاي كنا مستحملين الميا السخنة دي طول الوقت اللي فات ده ؟؟؟
    ويا عيني على التكييف اللي عاش معايا 3 سنين في الحر مقالش لأ
    كان بيقاوم كل ده ازاي ؟؟؟


    واضح ان تكييف اللوجان حيطلع اشد من اي عربية وشكلنا حيجيلنا التهاب رئوي قريب

    لحظات تأمل في كيفية توصيل الخراطيم

    لحظات التأمل مستمرة !!!!

    ضخ الهواء في الخرطوم الثاني لطرد اي مياه متبقية جوا مواسير التابلوه ولازم نتأكد من ضخها كلها عشان الميا دي حتبقى راكده ومش حتتجدد





    في النهاية بعد تجارب عديدة:
    تم فصل الخرطومين رقم 1 و2 تماما
    استخدام الخرطوم الاطول رقم 2 رغم انه سرب شوية بعد التركيب بس مع التقريط على الافيز اكتر بقى محكم
    الخرطوم رقم 1 مناسب برضه و(محندق) شوية بس يا دوب وعشان قصير فكان فيه نوع من التنية في المجرى بتاع الميا لانه مشدود ومتني اكتر من الاطول





    الصورة النهائية للوصلة المتبقية بعد الانتهاء من فصل دورة السخن للتكييف
    واضح في الصورة 2 كولية تم تركيبهم مختلفين عن باقي كوليهات السيارة



    [sor2]http://img819.imageshack.us/img819/6089/999ka.jpg[/sor2]

    يبقى في النهاية الماسورة دي مش عارف تعمل بيها ايه !!!

    الاحسن تربطها على المخرجين بتوع التكييف في صدر العربية عشان مفيش تراب يخش فيهم








    كده انا خلصت الموضوع بالكامل وعذرا على التاخير عشان العربية كانت عامله حادثة والحمد لله





    تم تزويد مياه بدل اللي راحت
    تدوير العربية ونستنى لحد ما المياه تبدا ترجع في الاربة من الخرطوم الجانبي عشان نتأكد ان الهوا كله خرج من الخراطيم
    تزويد ميا ثاني

    كل يوم تشيك على المياه للتأكد ان الدورة كلها مافيهاش تسريب وده اللي خلاني استنى الشهر ده لاني عايز اتأكد من نجاح التجربة قبل الاعلان عنها

    الحساب
    دا بقى زعلني شوية لانهم حاسبوني على 300 جنيه
    الفاتورة مش موضحة التفاصيل
    تقريبا على حسب كلامهم تنظيف الايدل ب 100 جنيه
    كاتبين في الفاتورة تنظيف دورة التبريد
    مع 2 افيز حديد كبير مع 50 جنيه جركن تبريد الحساب كله كان 370 جنيه
    الفاتورة مش قليلة لكن انا عملتها عندهم لهدف واحد :
    مكتوب في الفاتورة تم فصل دائرة التكييف السخن وهو ده اللي انا عايزه




    التكييف بقى عامل ازاي

    [sor2]http://img27.imageshack.us/img27/9201/79299334.png[/sor2]

    بصوا يا جماعة بجد:
    * اللي بيجيله برد او انفلوانزا بسهولة ميعملش الموضوع ده !!!
    * اللي مبيخليش تكييفات الشقة تلاجة ميعملش الموضوع ده !!!
    * الي عظمه بيوجعه او عنده روماتيزم ميعملش الموضوع ده !!!


    حتلاقي نفسك ساكن في العصر الجليدي ICE AGE
    درجة برودة الهوا اللي خارجه من التكييف لا تصدق
    كأنك واقف امام الفريزر وسايب الباب مفتوح

    طبعا زرار درجة التبريد مبقاش له لزمه يعني تحطها على الازرق تحطها على الاحمر كده كده الهوا طالع متلج لانك فضيت المواسير اللي كانت (بتخلط) البرودة على الحرارة

    من حوالي اسبوعين رحت اسكندرية بقيت بعاني انا والاسرة اني على طريق الاسكندرية الصحراوي وماشي تحت الشمس الحارقة بتاعة الاسبوع اللي فات ومشغل المروحة على 1 ومش عارف اوطي التكييف !!!!!

    بيصرخوا من ورا مراتي وبنتي انهم ساقعانين لدرجة خليتني اجيب الهوا على الازاز راح الازاز مشبر

    خليت الهوا نصه على رجلي ونصه على وشي, برضه لسه بردانين

    وانا داخل على العامرية خليت كل الهوا على رجلي من ادام الحمد لله الشكوى بتاعتهم راحت بس انا اللي حسيت بالدورة الدموية بتاعة القدم حتقف
    كنت حاطط شنطة على ارضية العربية امام كرسي الراكب الامامي لانه كان فاضي لقيت الشنطة في المكان ده متلجة وانا بفضي العربية

    لدرجة اني لما جيت ارجع القاهرة بالليل كنت بقفل التكييف من شدة البرودة شوية وبعدين ارجع اشغله ثاني واخدت قرار بالسفر بعد كده في الشمس بس !!!

    [sor2]http://img140.imageshack.us/img140/8483/59041188.png[/sor2]

    من كام يوم رحت وسط البلد والجامعة الامريكية وميدان التحرير وكل الحتت الزحمة في القاهرة وطبعا الناس مش طايقة نفسها وانا في جزيرة ثانية


    للمرة الاولى في حياتي احس بوجع في كتفي اليمين من البرد لدرجة بقيت اخلي الهوايات بعيد عني انا اللي كنت بقفل الهواية البعيدة واخلي الثلاثة متصوبين عليا


    وقد اعذر من انذر لو انت مش بتاع تلج وصقيع يبقى ملوش لزمة
    واضح اني حقضي رمضان الجاي كله في العربية

    واي اسئلة تحت امركو

    والسلام عليكم ورحمة الله وبركاته






    تم جمع المشاركات والصور الجديدة في اول الموضوع بناء على طلب صاحب الموضوع
    مشرف رينو
    ب10

    د. أحمد عبد الرحمن
    ونرجع ثاني: نفسي الناس تبطل تقول الحشيش مفيهوش ادمان


  2. #2

    الصورة الرمزية Ahmed A Rahman

    رقم العضوية : 13961

    تاريخ التسجيل : 01Jul2008

    المشاركات : 4,984

    النوع : ذكر

    الاقامة : Rehab city

    السيارة: Nissan Sunny 2014

    السيارة[2]: RENAULT LOGAN 2010

    دراجة بخارية: agala

    الحالة : Ahmed A Rahman غير متواجد حالياً

    افتراضي -

    في بعض الصور ناقصة ححاول اصورها ثاني خصوصا الصورة النهائية للخرطوم

    والمكان اللي كان بيسرب منه اول يوم بس

    د. أحمد عبد الرحمن
    ونرجع ثاني: نفسي الناس تبطل تقول الحشيش مفيهوش ادمان


  3. #3

    الصورة الرمزية samomodrek

    رقم العضوية : 57155

    تاريخ التسجيل : 27Dec2009

    المشاركات : 59

    النوع : ذكر

    الاقامة : el ma'ady

    السيارة: nissan sunny 07

    السيارة[2]: suzuki swift 97

    دراجة بخارية: none

    الحالة : samomodrek غير متواجد حالياً

    افتراضي -

    موضوع جميل جدا


  4. #4

    الصورة الرمزية ibn_seena

    رقم العضوية : 119254

    تاريخ التسجيل : 17Jan2012

    المشاركات : 402

    النوع : ذكر

    الاقامة : cairo

    السيارة: ......

    السيارة[2]: corsa 2012

    دراجة بخارية: لا

    الحالة : ibn_seena غير متواجد حالياً

    افتراضي -

    موضوع فوق رائع وتجربه جديده وتقرير جميل جدا
    بس البرد دا هيكسر عضمك خد بالك.
    وعلي فكرة انا حسيت اني قاعد معاكم في العربيه وبتكتك
    ررررررررررررررررررررر


  5. #5

    الصورة الرمزية Egyzizo

    رقم العضوية : 442

    تاريخ التسجيل : 03May2007

    المشاركات : 3,648

    النوع : ذكر

    الاقامة : Egypt

    السيارة: 127 & 128

    السيارة[2]: Logan 2010 FO

    دراجة بخارية: none

    الحالة : Egyzizo غير متواجد حالياً

    افتراضي -

    عظيم جداً ..
    وكما عودتنا يا دكتور ..

    طيب الفتحتين اللى كان راكب فيهم الخراطيم على مدخل التابلوه ، اتسابوا مفتوحين واللا الراجل سدهم بحاجة؟

    The only alternative to coexistence is codestruction - Nehru



  6. #6

    الصورة الرمزية Ahmed A Rahman

    رقم العضوية : 13961

    تاريخ التسجيل : 01Jul2008

    المشاركات : 4,984

    النوع : ذكر

    الاقامة : Rehab city

    السيارة: Nissan Sunny 2014

    السيارة[2]: RENAULT LOGAN 2010

    دراجة بخارية: agala

    الحالة : Ahmed A Rahman غير متواجد حالياً

    افتراضي -

    اقتباس المشاركة الأصلية كتبت بواسطة samomodrek مشاهدة المشاركة
    موضوع جميل جدا
    شكرا جدا

    اقتباس المشاركة الأصلية كتبت بواسطة ibn_seena مشاهدة المشاركة
    موضوع فوق رائع وتجربه جديده وتقرير جميل جدا
    بس البرد دا هيكسر عضمك خد بالك.
    وعلي فكرة انا حسيت اني قاعد معاكم في العربيه وبتكتك
    ررررررررررررررررررررر
    شكرا جدا بس انا بحب التلج

    اقتباس المشاركة الأصلية كتبت بواسطة egyzizo مشاهدة المشاركة
    عظيم جداً ..
    وكما عودتنا يا دكتور ..

    طيب الفتحتين اللى كان راكب فيهم الخراطيم على مدخل التابلوه ، اتسابوا مفتوحين واللا الراجل سدهم بحاجة؟

    سؤال ذكي جدا يا دكتور
    انا سايبهم بقالي فترة وبعدين حروح اقفلهم
    انا عامل كده عشان اتأكد تماما ان المواسير جوا التابلوه مفيهاش ميا عشان ميحصلش صدأ من المياه الراكدة
    وبالتالي حستخدم الخرطوم الصغير اللي معايا ويبقى زيتنا في دقيقينا

    د. أحمد عبد الرحمن
    ونرجع ثاني: نفسي الناس تبطل تقول الحشيش مفيهوش ادمان


  7. #7

    الصورة الرمزية windofchange

    رقم العضوية : 22731

    تاريخ التسجيل : 20Oct2008

    المشاركات : 3,291

    النوع : ذكر

    الاقامة : القاهرة

    السيارة: الحمدلله حمداطيبا كثيرا مباركا فيه

    السيارة[2]: Seat IBIZA 99 6K 1.6

    دراجة بخارية: لا

    الحالة : windofchange غير متواجد حالياً

    افتراضي -

    الله ينور يا دكتوراحمد بجد حاجة ماشاء الله جامدة جدي بس الجزئية الاخيرة مفهتمش انت قفلت الشغل ازاي يعني انا فهمي وصل لغاية فصل الخرطومين من التابلوه ومن الموتور *)

    " اللهم إنا نجعلك في نحورهم ، ونعوذ بك اللهم من شرورهم "


  8. #8

    الصورة الرمزية S O P H O S

    رقم العضوية : 71514

    تاريخ التسجيل : 25May2010

    المشاركات : 26,773

    النوع : ذكر

    الاقامة : EgYpT-ⵍⵎⵖⵔⵉⴱ-

    السيارة: -- -- all FiaT ---

    السيارة[2]: ToYoTa CorOllA ---

    دراجة بخارية: - - - - - - -

    الحالة : S O P H O S غير متواجد حالياً

    افتراضي -

    ما شاء الله
    موضوع رائع ..


  9. #9

    الصورة الرمزية ahmedeg1

    رقم العضوية : 72357

    تاريخ التسجيل : 06Jun2010

    المشاركات : 1,226

    النوع : ذكر

    الاقامة : egypt

    السيارة: رينو لوجان 2012

    السيارة[2]: 128&رينو1987&لانوس2010

    دراجة بخارية: .3.

    الحالة : ahmedeg1 غير متواجد حالياً

    افتراضي -

    أسلوب رائع فى الشرح احييك عليه
    و مبروك عليك العزل
    بس ليا سؤال انتا فى الضمان و لا لأ لأن شغل عزل دورة المياه بيتعمل فى الضمان عادى
    الحاجه التانيه ليه مخلعتش الخرطومين من صدر العربيه و وصلتهم ببعض هيبقا أسهل ليك لو حبيت ترجع السخن تانى
    و مش هتلاقى فى إلتواءات أو غيره لأنك حططها على الوضع الطبيعى بتاعها زى الصوره دى





    و خللى بالك انك لازم تقفل الماسورتين بتوع التكييف زى الصوره بالضبط علشان تحافظ سربنتينة السخن

    و فى الأخر ألف مبروك على الحاجات الجميله دى كلها و حاول بعد كده توفر الفلوس دى لأن المبلغ كبير و ممكن تعمل كل حاجه انتا بنفسك و بإيدك
    انا بنظف البوابه و الأيدل كل 5000 بنفسى و العمليه سهله جدا
    الى الأمام دائما

    لا تكن أحادي الرأي فمن الجميل أن تؤثر وتتاثر


  10. #10

    الصورة الرمزية hamadaghfar

    رقم العضوية : 45908

    تاريخ التسجيل : 01Sep2009

    المشاركات : 140

    النوع : ذكر

    الاقامة : cairo

    السيارة: بيرسونا 2009

    السيارة[2]: speranza a516 2010

    دراجة بخارية: no

    الحالة : hamadaghfar غير متواجد حالياً

    افتراضي -

    hasad">

    الله ينور يا دكتوراحمد بجد حاجة ماشاء الله جامدة

    http://img210.imageshack.us/img210/4517/zamalek2010.gif


    محمــــــــد رشـــــــــــدي



 
صفحة 1 من 13 1 2 3 4 5 6 11 ... الأخيرةالأخيرة

المواضيع المتشابهه

  1. التقرير المصور النهائي في زيادة عزل الماروتي
    بواسطة eiad_naser في المنتدى ::: أهـــم مـوضـوعــات القســـم :::
    مشاركات: 31
    آخر مشاركة: 28-10-2014, 01:35 AM
  2. حصرياً : التقرير المفصل المصور للابيزا 2010
    بواسطة hatemahmed75 في المنتدى ســـيات
    مشاركات: 135
    آخر مشاركة: 31-07-2013, 12:47 AM
  3. حصريا التقرير الكامل المصور للابيزا 2009 !!!!
    بواسطة mr_shims_49 في المنتدى ::: أهـــم مـوضـوعــات القســـم :::
    مشاركات: 67
    آخر مشاركة: 30-07-2013, 07:31 AM
  4. التقرير المصور عن لقاء صقور النيسان مع نسور السوزوكي
    بواسطة Amr Axel في المنتدى نيـــــــــسان
    مشاركات: 0
    آخر مشاركة: 25-02-2012, 03:19 AM
  5. مشاركات: 179
    آخر مشاركة: 18-02-2011, 06:54 PM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2