الموضوع: سؤال للناس اللي كتبت قايمة قبل الجواز

المشاركة الأصلية كتبت بواسطة شريف

السلام عليكم

سؤال للناس اللي كتبت قايمة قبل الجواز او بالاصح كام سؤال
1- انت كتبتها برغبتك ولا مجبر

هيا تقاليد وعاده موجوده فى المجتمع المصرى ولازم تتعمل


2- ايه اللي مكنتش عايزة يتكتب فيها

الدهب مكتبتوش فيها خالص ولا جرامات ولا حتى قيمه بس فى ناس بتعمل كدا عادى


3- ايه المشاكل اللي عملتها القايمه قبل و بعد الجواز

قبل الزواج كان فى بند رافضه وفعلا اتشال بس مشاكل بسيطه لازم تحصل فى اى موضوع قايمه لانه موضوع بيكون تقيل جدا على الراجل نفسيا وعصبيا وبياخده على اعصابه اوى


4- هل المرأة بتغتر بموضوع القايمه و ان الراجل ميعرفش يفرفص و مربوط و الكلام دة

مفيش اى فرق اطلاقا والبنت ال تتغير علشان الموضوع دا يبق بنت مش اصيله اساسا وتغور افضل


5- هل ندمت علي كتابتها

عاده لازم تتعمل ذى ما هعمل لاختى


6- اي تفاصيل قد تأتي ببالك

عاده رخمه بس لازم منها ومتشلش هم وتوكل على الله ومتخليش الشيطان يسيطر عليك وربنا يعملك ال فى الخير يا باشا


مهم يا رجاله نايل موتورز المتجوزين تجاوبوني علي الاسئلة دي و من خبراتكم نستفيد
لان اسمع ان في عرسان بيقبلوا حتي انهم يمضوا علي ورقه بيضاء و في من يرفض الفكرة من اساسها

و دمتم زخرا لعزاب نايل موتووز
و الله الموفق و المستعان

ربنا معاك ان شاء الله

انا في عيلتنا لا بنكتب قوايم و لا بنخلي حد يكتب لنا قوايم


القايمة حبل مشنقة بتلفه حوالين رقبتك


لو حصل مشاكل اول حاجة هتخرج بالدهب (لابساه او في شنطتها) و تتهمك بتبديده

العفش هينزل و انت في شغلك و هتتهم بتبديده


القايمة اصلا مكتوب فيها انك استلمت الحاجة و مسؤول تردها بحالتها (انسى بقى الاهلاك و الاستعمال)


الفواتير بتاعة الحاجات ممكن يتقدم اي فواتير لاي حاجة تخلي صاحبتها او قريبتها تشتريها و انت تلبس لو المحامي بتاعك ما عملش جحد




من الاخر البنات على قفا من يشيل و هيموتوا و يتجوزوا و مش لاقيين عرسان ...... اللي مش عاجبه ....... Next !


كلامي ممكن ما يعجبش حد بس للاسف ما ينفعش تربط حبل مشنقة حوالين رقبتك


و قبل ما حد يقول لي داين تدان و بتاع ....... انا عمري ما هاستعمل قايمة بنتي او اختي اني اذل جوزها و اسحله ....... لو هو اذاها يغور شوية الخشب في داهية ............