شواية الفحم

**م/محمد صلاح** · 17-07-2012 06:25 PM

السلام عليكم يا رجاله

اخوكوا مزنووووق ... عايز اجيب شواية فحم يتشوى عليها فراخ ولحمه واللذى منه كل سنه وانتوا طيبين

من شهر روحت كارفور لقيتها هناك ب 800 جنيه ... طبعا صباح الهبل ... الخامه رديئه جدا جدا جدا وماتستحملش حاجه ... يعنى القعده بتاعتها هاتشوى عليها شهرين تلاته وهاتدوب من السخونه وهاتقع

ماحدش يعرف مكان اعملها عنده او اشتريها منه ؟؟

المطلوب شوايه كبيره برجلين طويله عشان اللى هايقف يشوى مايتعبش من الوقفه وكمان يبقى جمبها زى استاند يتحط عليه الحاجه قبل ماتتشوى ... يعنى اللى شاف بتاعة كارفور انا عايز زيها بس خامه اقوى واحسن

وجزاكم الله خير

**Ghosts** · 17-07-2012 06:53 PM

مفيش أطعم من الأكل وهو مشوى على الفحم ....
بس يا خسارة أخطر حاجة على الصحة هو الأكل المشوى على الفحم ...

روما - يعتبر شوي اللحم الأحمر على الفحم أسوء عدو للمعدة لا بل أنه العامل الرئيسي في خطر تطوير سرطان المعدة. ويشير الباحثون الإيطاليون الى أن المتهم الأول في ذلك هو القسم "المحروق" الموجود على شريحة اللحم المشوي كونه يحوي مواد الهيدروكربون الخطرة على الصحة. وينصح الباحثون اقتطاع الجزء المحروق من اللحم المشوي وعدم المبالغة في أكله.

فالإفراط في استهلاك اللحم الأحمر(بخاصة المشوي) وعدم أكل كمية كافية من الخضار والفواكه يقف وراء خطر تطوير سرطان المعدة.

منقووووووووول ....

**م/محمد صلاح** · 17-07-2012 07:06 PM

المشاركة الأصلية كتبت بواسطة ghosts

مفيش أطعم من الأكل وهو مشوى على الفحم ....
بس يا خسارة أخطر حاجة على الصحة هو الأكل المشوى على الفحم ...

روما - يعتبر شوي اللحم الأحمر على الفحم أسوء عدو للمعدة لا بل أنه العامل الرئيسي في خطر تطوير سرطان المعدة. ويشير الباحثون الإيطاليون الى أن المتهم الأول في ذلك هو القسم "المحروق" الموجود على شريحة اللحم المشوي كونه يحوي مواد الهيدروكربون الخطرة على الصحة. وينصح الباحثون اقتطاع الجزء المحروق من اللحم المشوي وعدم المبالغة في أكله.

فالإفراط في استهلاك اللحم الأحمر(بخاصة المشوي) وعدم أكل كمية كافية من الخضار والفواكه يقف وراء خطر تطوير سرطان المعدة.

منقووووووووول ....

اشكرك على المعلومه بس بره بيشوو اللحمه تخينه قوى وبتفضل من جوه حمرا فعلا انما احنا بنعملها شرايح رقيقه جدا او كفته وبنسويها كويس ومابنحرقهاش كمان زيهم هما بيضطروا يحرقوها عشان تستوى

**SHNORY** · 17-07-2012 07:44 PM

ممكن تروح لحداد يعملهالك زي ما انت عاوز
او تجيب شوايه من الصاج العاديه وتحطها علي حاجه رجليها عاليه
وفي كل الاحوال لازم تحط طبقه رمل الاول تحت الفحم
اولا علشان تحمي قاعده الشوايه
ثانيا علشان تشرب الدهون اللي بتنزل في عمليه الشوي

**ibn_seena** · 17-07-2012 07:49 PM

اي حد بيشتغل في الكريتال ممكن يعملك واحده استانلس. .. لا هتصدي ولا هتتاثر بالحراره

**A7MED_PHARMA** · 18-07-2012 12:27 AM

المشاركة الأصلية كتبت بواسطة shnory

ممكن تروح لحداد يعملهالك زي ما انت عاوز
او تجيب شوايه من الصاج العاديه وتحطها علي حاجه رجليها عاليه
وفي كل الاحوال لازم تحط طبقه رمل الاول تحت الفحم
اولا علشان تحمي قاعده الشوايه
ثانيا علشان تشرب الدهون اللي بتنزل في عمليه الشوي

او يشتري الشواية بتاعت المنتدى بــ 500 ج بسسسسسس

**chicobon** · 18-07-2012 12:51 AM

ممكن تشتريها من عند اي محل بيبيع فحم بس هيكون عادي شويه و بس من غير الي انت بتقول عليها

**Bonanza** · 18-07-2012 12:58 AM

الشوايات المحترمة اسعارها غالية اوي

لو دخلت الفا ماركت هاتلاقي حاجات بألف و اتنين

من ييجي اكتر من 6 سنين مثلا كنت في سوق الجمعة و لقيت شواية من النوع المحترم و اشتريتها كانت تقريبا بـ 100 جنيه

بس حاجة محترمة و بعجل و كام دور و كده

فكرة انك تعملها عند حداد دي احسن و اقوي حاجة و هي اللي هاتعيش

ممكن تشتري ( اصعة ) اللي هي الفواعليه بيشيلوا فيها الاسمنت و تلحم عليها رجلين عند الحداد هاتستحمل كتير و مش مكلفة خالص

و اهم حاجة شوية الرمل اللي بيتحطوا في ارضية الشواية هايوفر عليك نضافة الشواية و يحافظ علي الارضية