باركولى جبت شارك 2012 (عيوب البومة)

**heka_m_y** · 20-07-2012 03:58 AM

باركولى الحمد لله جبت لانسر شارك 2012 زيرو الفئة الثالثة اللى موجود فيها جنوط وشبورة وكونسولة ومخادع خلفية وaux مع السى دى وأبنوس .

على فكرة انا بقالى 6 سنوات راكب لانسر 3 سنوات مكواة مستعملة وبعدين جبت بومة زيرو وقعدت 3 سنوات لحد ما بعتها وجبت الشارك .

الفوارق اللى لاحظتها بين البومة والشارك لصالح الشارك مع احترامى وحبى للبومة فالشارك اثبت على الطريق ماتورها اقوى يمكن علشان انا كانت البومة حبيبتى 1300 سى سى . صالون الشارك واسع عن البومة جدا وأشيك بكتير قوى مع انى زعلت لما اكتشفت ان تابلوها فايبر مش جلد زى البومة . عدادات الشارك شيك قوى وفى لوحة ديجيتال فيها كل المعلومات المطلوبة وكأنى أتعامل مع كمبيوتر .جنوطها كبيره وده بيديها ثبات رائع على الطريق . باختصار انا حاسس وانا راكبها انى راكب عربية محترمة زى العربيات الالمانى أو اليبانى الغالية . اد ايه عرفت ان العربية دى مظلومة فى السوق المصرى جدا ولو حبيت ابيعها مع انى حاسس ان عمرى ما هافكر فى ده انا شاء الله هفضل ماسك على السعر العالى ومش هابيعها بالبخس اللى بنشوفه فى سوق السيارات .

ولو سمحتوللى احب أن أضيف بعض المشاكل اللى قابلتنى مع البومة وأستطعت بفضل الله حلها وهى :

أولا : مشكلى ضعف إضاءة التابلوه ودى حلتها باستخدام اللون الاحمر والتكييف كمان ولى موضوع بالمنتدى شرحت فى ازاى عملت كده وكانت الاضاءة شيك وقوية جدا فى نفس الوقت .

ثانيا : مشكلة النأرزة أو صوت النخبيط اللى بنسعمه فى الدريكسيون أثناء المطبات بالاخص واحنا كاسرين شمال ودى حلتها عن طريق استبدال بستم حديد موجود فى علبة الدريكسيون ببستم فايبر ومن غير ما نفك العلبة ولا العفشة خالص وده بيمنع الصوت بنسبة 90% وانا كاتب تفاصيل الموضوع ده فى إضافة لى بالمنتدى .

ثالثا : البارومة اللى بتيجى فى الجزء الخلفى من الاعتاب الجانبية أمام الكاوتش الخلفى ودى حلتها عن طريق ملىء هذا التجويف بعد تنظيفه طبعا بسيليكون عضم وده بيعمل عازل قوى جدا ولا تأتى بارومة فى العربية خالص بعد وضع هذا السيليكون وبردو انا عملت موضوع بالتفصيل عن هذا الحل .

ايه ده ماحدش قاللى مبروك ...............................

**dona_2004** · 20-07-2012 04:21 AM

الف الف مبروووووووووووووك ياباشا وربن يباركلك فيها ويكفيك شر عيون الناس
بس جيبتها منين وبكام؟؟؟ لانى بصراحه عاوز اجيب بومه 2012 هاف سبورت وفتحه سقف س مش عارف هى احسن ولا الشارك

**Mido Khaled** · 20-07-2012 04:36 AM

الف مبررروك ياباشا انا واللة بقالي شهرين محتاااار شارك ولا بومة فياااريت تنصحناااا وجبتهااا بكام وفي خصم ولا كلام وخلاص

**S O P H O S** · 20-07-2012 04:47 AM

الف مبروك يا باشا
ربنا يباركلك فيها ..

**Ramy_2R** · 20-07-2012 05:01 AM

مبروك :)
ربنا يباركلك فيها

**fighter128** · 20-07-2012 05:32 AM

ممكن اطلب من حضرتك طلب صغير

لو حبيت اقارن مبين البوما والشرك من ناحية العفشة مين فيهم انعم وبيعمل عزل عن نقر ومطبات الطريق احسن

المشكلة اني عندي الغضروف ونعومة العفشة شئ اساسي ليا في العربية

**fighter128** · 20-07-2012 05:34 AM

انا نسيت اقلك الفين مبروك وربنا يباركلك فيها

**ibn_seena** · 20-07-2012 05:56 AM

مليون مبروك يا باشا

**bassemali** · 20-07-2012 08:49 AM

الف مبروك يااريس ... وعقبال البي إم

**newtouchraf** · 20-07-2012 08:57 AM

الف مبروك وربنا يعطيك خيرها ويكفيك شرها

الموضوع: باركولى جبت شارك 2012 (عيوب البومة)

LinkBack

أدوات الموضوع

عرض

-

-

المواضيع المتشابهه

عيوب بيجو 408 و هى احسن ولا لانسر شارك 2012 هاى لاين؟؟

النترا 2012 ولا شارك 2012 ولا بومه 2012

عيوب بيجو 408 و هى احسن ولا لانسر شارك 2012 هاى لاين؟؟

عيوب فيلوستر 2012 تجربه شخصيه veloster problems 2012

باركولى يا جماعة استلمت شارك 2009

الكلمات الدلالية لهذا الموضوع

المفضلات

المفضلات

ضوابط المشاركة