الموضوع: تغيير سربنتينة التكييف في الضمان

انا عامل صيانة ال 10 في المقطم وال 20 وال 30 في الميكانيكيون العرب
في صيانة ال 35 في الميكانيكيون من اسبوع قلتله اكشفلي على التكييف مش بيسقع كويس
كشف وقاللي السربنتينة مخرومة... انت عامل ال 10 فين قلتله في المقطم قاللي هاتلي الوصل
جبته واديتهوله قاللي هانغيرها في الضمان بس تيجي يوم من بدري
رجعت السويس وسافرت الاسبوع اللي بعده... يقوللي ايه ؟
هاتقعد العربية يومين عندنا عشان هانفك السربنتينة ونصورها ونبعتها للعبور وهو يقولوا اذا كانت تتغير ضمان ولا لا
قلتله ليه ؟
قاللي ممكن تكون انت خابطها ومظبط العربية وسبت السربنتينة وجاي تعملها في التوكيل !!!
قلتله طب والمطلوب ؟ انا مقدرش اسيب العربية يومين... يومين يعني اسبوع على ماعرف اجي تاني اخدها !!!
قاللي خلاص روح بيها العبور وهم يعملوها هناك...
فقررت اروح العبور...
المهم مواعيد العبور ايه في رمضان ؟
ويا ترى بيغيروا حاجات ضمان في رمضان وأيام إيه ؟؟؟

وياترى هايغيروهالي ولا هايتلككوا بأي حاجة ؟؟؟
علما بأن العربية معايا من أكتوبر 2009 (مو 2010) وعاملة 35.000
يعني مركونة أكتر ما بتمشي... فمابالكوا بإنها تعمل حادثة ؟؟!!!
وهل ممكن تكون اتخبطت وانا مش دريان وخرمت السربنتينة ؟؟؟ وايه الأماكن اللي ممكن تتخبط فيها تخرم السربنتينة ؟؟
علما بأن البودي من بره سليم تماما (الا طبعا الرفارف المطبقة وهي مركونة (علامة أي لوجان المميزة :(

ولو رفضوا (عشان انا بطبعي متشائم) ممكن اعملها فين واجيبها مين ؟ عشان هو قاللي برة الضمان هاتتكلف 2300 !!!

فرع العبور محترم جدا فى تعاملاته عن تجربه انا كل صيانات العربيه من اول ما اشترتها فى العبور و لو لك حق فى تغيير السربنتينه مش هيتأخروا لحظه عن تغييرها غيروا لى كلاكس العربيه فى الضمان من غير ما اطلب و اكثر من واحد اعرفه حصل معاهم مشاكل مختلفه فى عربياتهم و الضمان غطاهم من غير اى مشاكل نصيحه خلى كل تعاملاتك مع فرع العبور اكثر من ممتاز