هام جدا نرجو المساعدة فيات سيينا

**marwan2368** · 20-07-2012 03:37 PM

السلام عليكم وكل عام وانتم بخير
العربية فيها حاجة غريبة مشاكل بسيطة تتحول لمشاكل ضخمة والميزانية هتخرب
العربية عجباني جدا ومبسوط منها بس مشكلتها ان بجد مش لاقي حد فاهم فيها الكل يفتي ويخربوا بيتي مصنعيات والمشكلة البسيطة تتحول لكارثة

اولا ::: تيش الفتيس :: لقيت الغيارات مش بتيجي ورا وقدام مكيانيكي ركب سلكة وقالي تيش فتيس وقعت في واحد الله يسامحه في ميدان الدقي اسمه عماد (هتلاقي اسمه على يافظة المحل اوعي تتعامل معاه)
عملي البحر طحينة وقالي التيش غالي اكثر من 500 جنية انا لسه مصلح الموضوع ده لواحد من يومين باجيب تيش بيجو 305 وبخرط واعدل واظبط واوفر ويبقي احسن من لاصلي ..... 6 ساعات يا مؤمن جنبه هو و3 صنيعية بيخترعوا في العربية والنتيجة (80 تيش و60 خراط ومصنعيته 200 جنية يعني 340 جنيه) يا ريتني كنت جبت التيش جديد احسن على الاقل او 6 ساعات ورمت على القهاوي والمفأجأه :::::::::: طلع لا جاب ولا خرط (حسب ميكانيكي اخر) ده فك التيش ولحم ور كب وبس (وحسبي الله ونعم الوكيل )الفتيس تقيل بس ماشي والعصايا فيها بوش والاول بيعض مش عارف اعمل ايه .................
ثانيا الباور::

خرطوم الضغط بيسرب زيت عايز خرطوم باور زيت الباور احطه ينزل كله خفت الطرمبة تتحرق وياريتها اتحرقت ......... دورت على ميكانيكي يفك الخرطوم عشان اكبسه لأن سألت عليه عند يوسف طلع جديد ب 450 جنيه (خرطوم الفيرنا ب 25) منهم لله بتوع استيراد الفيات .... خدني حظي الرائع لورشة باور بس في القومية العربية .... وكأنهم مسكوا حرامي ... ده احنا هنظبطك وفعلا ..... الخرطوم هنظبطلك واحد استيراد فك .... علبة الدركسيون محتاجة جلب واصلاح .... فك ..... طرمبة الباور ديه بتاعة الدايو هنقص فيها قص ....... وساعة تجر ساعة ..... والمحصلة 500 مصنعية والله العظيم .... ركب قفل شغل .... صوت الزنة لسه موجوده .... اه يا باشا احنا عملنا اللي علينا الطرمبة عايزة تتغير وصوتي علي وصوتهم علي وشغلانه .... خفف السير بتاع الباور شوية والدركسيون تقل بحجة انها تستحمل معايا اسبوع لحد ما ربنا يكرم بفلوس واغير الطرمبة الله هتعمل 350 جنيه غير ال 500 حسب كلامهم ..... روحت وانا حاسس ان العربية موصوفه ليه عشان يتنصب عليه ..... وصلت البيت .... اكتشفت الباور مش شغال اساسا والدركسيون بقي حجر وانا دلوقتي بكتب ليكم وهتجنن مش عارف اعمل ايه

**weezza** · 21-07-2012 04:30 PM

حسبي الله ونعم الوكيل في الصنيعيه اللي تقبل على نفسها الفلوس دي والشغل دا
بس انا اي حد بيقولي فيات سيينا فمن تجربتي معاها وهي لسا معايا حتى الان غصب عني
الا اني بقول للي ناوي يشتريها ان الكوري ارخص واوفر في الوقت والجهد والفلوس وفي حاجات قريبه جدا في السعر وكمان ممكن تجيبها كوري اتوماتيك ودا لان مفيش سيينا اتوماتيك ونصيحه مع اول فرصه بيع استعوض ربنا في اللي اتصرف عليها وبيع

**misoalex** · 22-07-2012 05:47 AM

طب يا باشا انت من الاول مروحتش للمكانيكى بتاع الفيات اللى جنب الكيلانى ؟؟؟؟؟
الناس هنا بتشكر فيه

ثانيا ما رقم وعنوان الشيخ بتاع قطع الغيار الاستيراد مكتوب فى الموضوع اللى انت عامله مروحتش ليه ليه اخدت منه خرطوم الباور وطرمبه الباور وانت شوفت الاسعار بتاعته معقوله جدا

يعنى انتو عندكم الناس اللى متخصصه وبتوع قطع الغيار ومش بتتعاملو معاهم امال انا اقول ايه اللى هنا فى اسكندريه بكلم نفسى ولدرجه انى بفكر لما اعوز حاجه اجى اخودها من عندكم فى القاهره

غلطتك انك مسألتناش من الاول فى الرابطه او فى موضوع هنا وكان الناس افادتك فى المشاكل اللى عندك وتصلحها فين
عموما متزعلش نفسك كلنا بيحصل معانا كده والله العظيم حتى لو فاهم كل حاجه والصنايعى عاوز يقلبك وينصب عليك حينصب عليك تقوللى بقا راكب سيات ولا 128 ولا حتى مرسيدس كله زى بعضه انا اتنصب عليا كتيييييييييير من ايام السيات :) والمثل بيقول يمموت المعلم ولسه بيتعلم

انت محتاج صنايعى شاطر وامين مش اكتر ولا اقل

**DONYO** · 24-07-2012 11:42 AM

الحال من بعضة والله ، دة يمكن الـ 1600 اصعب شوية والاشتغالات جامدة جدا وللركب.
دة اتفهة حاجة فيها مثلا جوان الشكمان رحت اغيرة الميكانيك عملي حوار ولازم تفك عند بتاع شكمانات ولو الجوايط مكسرة لازم المنافو يتفك والفرن يتفك ويتخرط جوايط وحوارات نصب والله لحد ما رحت لواحد بتاع شكمانات عنده ضمير شويه وراح فاكك بالراحة ومغير الجوان وكان الله بالسر عليم.
هو صحيح طلع عين اهلي وحط شعلة اللحام في حوض العربية علشان يسخن مسمار وانا بقيت قلبي في ركبي وماسكلة قزازة ميه احسن يولع في اي كابلات او خراطيم .......لكن ربنا ستر.
هي دي السيينا ربنا يقدرنا على مصاريفها او يريحنا منها ونبيع.