الموضوع: سؤال مهم

المشاركة الأصلية كتبت بواسطة halawa10001

هل ممكن تجيب عجلة بالكهرباء او موتوسيكل كهرباء وتكون هي وسيلة مواصلات بديلة عن السيارة؟
انا عندي عربية فيرنا وساكن في مدينة الشيخ زايد وعندي محل في العتبة وكنت بأعني كل يوم من الزحمة في المحور وكوبري 15 مايو وميدان لبنان
مرة وانا مسافر الصين اشتريت عجلة بها موتور كهرباء وممكن طي العجلة 3 قطع ووضعها في الشنطة
وكنت متردد اتحرك بيها في الشارع
بس مرة ركنت العربية في ميدان سفنكس وطلعت العجلة من شنطة العربية ومشيت بيها لغاية العتبة للمحل وحطيتها على الشحن علشان اعرف ارجع بيها تاني
ناهيك عن بعض التعليقات وبعض الاستفسارات من الناس بس احب اقول لكم ان المسافة دي كنت باخدها في حوالي ساعة او اكتر في الزحمة اخدتها بالعجلة في حوالي 20 دقيقة وبكل سهولة
ياريت اعرف رأيكم لو ان الناس بدأت استبدال العربيات بالعجل ده
مش هيوفر البنزين والوقت ويقلل الزحمة
مع العلم ان العجل ده هو وسيلة المواصلات الرئيسية في الصين للكبار والصغار

فكره جميله ولو كل واحد عمل زي حضرتك اعتقد ان نسبه العربيات في الشوارع هتقل مش اقل من النصف

لما رئيس فرنسا بيروح شغله بالعجله

بس احنا لسه قدامنا كتير عقبال ما نبقى شعوب متحضره وبتفهم

الفكرة روعة طبعا ومحتاجين بس ننشر الثقافة دي ومعتقدش حد هيمانع
بس الموضوع ده ينفع في وقت الصبح وانت رايح الشغل
منها توصل اسرع وتخف من زحمة المواصلات
لكن مشاوير وانت معاك عائلتك مثلا او مشوار بعيد سفر اعتقد مستحيل طبعا الاستغناء عن العربية
وفي ناس اللي غاوية منظرة هتمانع طبعا في كل الاحوال

أحلى كلام