Focus 2007 أم LancerEx 2008

**Ahmedology** · 22-07-2012 03:43 PM

الأعضاء الكرام.. السلام عليكم..
من وجهة نظركم.. أيهما أفضل من ناحية الاعتمادية.. ومصاريف التشغيل running cost.. والمتانة durability.. وإعادة البيع بعد 3 أو 4 سنين.. ميتسوبيشي لانسر إكس (شارك) 2008.. أم فورد فوكس 2007 ؟!
وإذا كان هناك سيارة أخري فى حدود 85000 جنيه وتتوافر فيها مواصفات الاعتمادية والمتانة ومصاريف التشغيل ممكن تقولولي عليها من فضلكم..
مع الأخذ فى الإعتبار إن حاجة زي السحب والجري والحاجات دي مش فى نطاق متطلباتي فى العربية اطلاقاً :)
شكراً جزيلاً.. ورمضان كريم..

**M.Alaa92** · 22-07-2012 06:13 PM

ممكن تفكر ف اوكتافيا مثلا او صنى الشكل القديم تجيبها كسر او تدفعهم مقدم ف صنى اوتو زيرو و ممكن سيفيك و ميجاان كماان .

بس لو من اللى حضرتك كاتبو يبقى تنزل بنفسك تشووف اسعاار قطع الغيار الاصلية و الفرق م بينهم اد اية و تقدر عليها ولا لأ و اتكل ع الله و متنسااش الاستخاارة

**S O P H O S** · 22-07-2012 07:03 PM

لانسر ...

**yyy** · 22-07-2012 07:18 PM

lancer ex

**Ahmedology** · 31-07-2012 01:02 PM

شكراً لكم جميعاً على النصيحة.. أنا فعلا مستقر حاليا على لانسر إكس :)

**Dawns_Mist** · 01-08-2012 09:09 PM

إحنا لو قارنا عربية بعربية الفورد هتعدي شوية من الشارك .. عربية فعلا ممتازة الفوكس .. و أنا وقعت في نفس حيرتك دي بين فوكس 2006 و بومة .... و في النهاية اختارت البومة ...
ليه الانسر هتكون بالنسبة ليك أفضل ..
سعر إعادة البيع مش هيقع منك ، و كمان رجليها سريعة في البيع
قطع غيار متوفرة و مناسبة و برضه اعتمادية بدون أعطال و أي ميكانيكي بيفهم فيها
مدام عايز حاجة تريحك وب تفكر في البيع كمان فترة قريبة يبقى لانسر من رأيي .. و دي من أحسن العربيات في المستعمل في الفئة دي .. سعرها على فكره بالنسبة للكورولا مثلا رخيص جدا ، و أنا في رأيي هي أفضل من الكورولا بكتير ..

و للعلم .. قدامي شارك 2011 هاف سبور خليجي فبريكة .. لكن المشكلة بس صاحبها خبطها لسه قريب خبطه في الفانوس القدام يمين مع الرفرف ... فده ممكن يريح معاك في السعر و بدل ماتتجيب موديل 2008 تجيب 2011 خليجي .