مهم جدااااَ.. اللوجان المانيوال واللوجان الأتوماتيك2013

**jackson_75** · 23-07-2012 02:55 AM

السلأم عليكم ورحمة الله وبركاته
أنا كنت بحاول أنى اجيب عربية زيرو فى حدود 70 إلى 80 ألف ولما أستقريت على اللوجان فؤجئت أن الموتور ذو الفتيس الأتوماتيك هو الوحيد اللى بينزل ب 16 صباب وأتنين كامة بقوة 110 حصان ,, ولكن الفتيس المانيوال بيكون موتوره 8 صباب وكامة واحدة بقوة 90 حصان , الأتنين مانيوال وأتوماتيك موتور ميجان1 k4m .. ده غير أن فى كلأم بأن الأتوماتيك 2013 هأينزل فيها بلوتوث ومخرج usb ولكن ده هيبقى مع الدفعة اللى هى أستلأم أغسطس .

عاوز أعرف من حضراتكم
- هو موضوع الصبابات ده هيأثر مع السحب والشد ؟!!
- هل موضع ال 8صباب ده هأيثأر على العربية مع التكيف ويخليها تقيلة فى طلعتها ؟
- طب معلش سؤال كمان .. هو الأتوماتيك أستهلأكه بعد التلين عامل أزاى يعنى كويس كده زي العربيات اليابانى ولأ غول بنزين وفتيس لسة مش متجرب وأحسن أنى أريح دماغى وأخلينى فى المضمون والمتجرب مع المانيوال .. بس بصراحة موضوع ال8 صباب فى المانيوال ده خنقنى أوى وحاسس أن العربية هتضايقنى أوى فى الطلعة وسط الزحمة ؟ ولأ أيه رأيكم مش فارقة كتير ؟!!

**aalrashad** · 23-07-2012 03:03 AM

والله انا فى نفس حيرتك

**jackson_75** · 23-07-2012 03:09 AM

المشاركة الأصلية كتبت بواسطة aalrashad

والله انا فى نفس حيرتك

ربنا يرزقنا بواحد متخصص وذو خبرة يطلعنا من الحيرة دي

**كوباية شاى** · 23-07-2012 05:39 PM

النقطة اللى اقدر افيد فيها هى ان استهلاك البنزين للاوتو 10 لتر لكل 100 كيلو جوة البلد و بالتكييف باستمرار و بيتحسن تدريجيا ببطئ

الطلعة ضعيفة نسبيا بس فى لو تقلت رجلك شوية على البنزين و انت طالع هتطلع بسرعة زى اى عربية

و السحب كان ضعيف اول ما استلمت و بيتحسن بسرعة جدا بعد اول 1000 كيلو

**jackson_75** · 24-07-2012 03:30 AM

المشاركة الأصلية كتبت بواسطة كوباية شاى

النقطة اللى اقدر افيد فيها هى ان استهلاك البنزين للاوتو 10 لتر لكل 100 كيلو جوة البلد و بالتكييف باستمرار و بيتحسن تدريجيا ببطئ

الطلعة ضعيفة نسبيا بس فى لو تقلت رجلك شوية على البنزين و انت طالع هتطلع بسرعة زى اى عربية

و السحب كان ضعيف اول ما استلمت و بيتحسن بسرعة جدا بعد اول 1000 كيلو

ألف شكر يا فندم على الرد وأضافة المعلومة وربنا يمتعك يارب بالعربية ويديك خيرها ويكفيك شرها

**Johnny82** · 24-07-2012 02:18 PM

اللوجان المانيوال معايا اتقلبت لتحسن رهيب بعد اول 3000 كيلو فغالبا مواتير الرينو بتتلين اول 3000 كيلو

**Elmokadim** · 24-07-2012 02:59 PM

انا معايا الاوتو 2012 ومفيش اي مشاكل واستهلاك البنزين والسحب اتحسنو جدا وهي حاليا عاملة 4700 كيلو
إستهلاك البنزين 10لتر لكل 100 كيلو داخل البلد
7.7 لتر علي الطرق السريعة

**timaaa84** · 25-07-2012 11:15 AM

بص يا برنس، انا معايا لوجان مانوال , و الوالد معاه فورد فوكاس، طبعا لما بركب الفوكاس فرق شاسع، بس انت بتكلم فى ضعف السعر تقريبا، من الاخر شوف انت عاوز ايه من العربية، عايز حاجة تسترك و تقضى بيها مشاويرك، عالية عن الارض، واسعة، امان معقول فى حالة الحوادث لا قدر الله، و بسبعين الف ، يبقى خليك فى اللوجان، بس للعلم اللوجان المانوال مش بتاعت فرك و شد و سحب، بس بالنسبالى هى عربية 100 100، و شكرا...

**singlemedo** · 25-07-2012 12:58 PM

مبروك مقدما.. انا معايا مانيوال 2012 العربية عجوزة شوية فى الاول و التانى و بتزعق لما تقرص عليها لكن بعد كده معقولة جدا.. بالنسبة ليا الطلعة مش بتفرق اوى مش بستعجل عليه عشان بحب احس بنعومة وسلاسة العربية..لكن لو مهمة بانسب ليك خليك فى ال 16 صباب اكيد هاتكو اخف..

**jackson_75** · 26-07-2012 12:21 AM

ألف شكر لحضراتكم جميعا ولمشاركتم , وأنا بالفعل أستخرت ربنا ورسيت على المانيوال لأنى بصراحة بحب جداً سواقة المانيوال وبستمتع بيها ولأن كمان أكتشفت أن الفرق فى الصبابات ده مطلوب عشان الفتيس الأتوماتيك فقط , لكن بالنسبة للمانيوال فاللى بيعوض نقص الصبابات فيه والسحب هو تحكم الشخص اللى سايق فى النقلأت ,, فبالتالى الفرق بين الأتنين سواء مانيوال أو اتوماتيك مش هايكون كبير فى الشد والذى منه , لكن أكيد فرق السعر هو اللى كبير وهو اللى هيخللي الواحد يفكر فى الفرق ده ويركز على المانيوال .. انا شاكر لحضراتكم جدا وكل عام وانتم بخير ورمضان كريم