أول مرة أحس أننا بعيط من قلبى بجد

**MaNoLa** · 24-07-2012 05:02 AM

حصلى موقف أزبل من الزبالة نفسها
أنا دايما متعودة أركن فى جراج سواء عندنا أو لو رايحة عند صحابى
بس أكيد فيه ناس كتير من صحابى معندهمش جراج
طبعا بركن العربيه فى الشارع و بعد كدة بمشى
و عشان المرة دى ركنتها فى الشارع لقيت صدمة
أنا رايحة و فى أتجاهى للعربية
و مرة واحدة لقيت حاجة نازلة من فووووق لمحتها بطرف عينى كدة وفجأة صوت أنفجار
أنا وقفت مكانى و بصيت جامد أوى للعربيه
لقيت الأزاز إلى أدام كله متكسر و الكبوت دخل لجوة بشكل مفزع
طبعا ببص فوق لقيتها عمارة طويلة جدا جدا جدا و مفيش أى بنى أدم فى بلكونة
و كان أحساسى أنى لأول مرة أعيط من قلبى و حسيت بجد أننا مقهورة
طبعا الناس هتسألنى أية إلى نزل فوق العربيه هقولكم كيس زبالة

**kar!m** · 24-07-2012 05:09 AM

لا حول ولا قوة الا بالله.

أنا مقدر شعورك طبعا .. ربنا يكون في عونك .. هنقول ايه بس .. بدون مبالغة .. لو في حد بيفكر قبل ما يعمل الحاجه .. الحاجه دي ممكن تضايق أو تسبب أذى لحد تاني ولا لأ .. كانت كل مشكلنا اتحلت.

لو فكرتي ان كان ممكن الكيس ده يقع عليكي انتي .. أو لو معاكي طفل ولا حاجه .. و كان وقع عليه .. و جاب له كسر في فقرة عنقية ولا حاجه .. فالحمد لله انها جت في العربية.

و بسيطة ان شاء الله .. الازاز و الكبود يتغيروا.

و ربنا سبحانه و تعالى بيقدر حاجه عشان يفاديكي بيها من حاجه أكبر .. ممكن لو كنتي مشيتي بيها كنتي عملتي حادثه و انتي جوّاها .. فالحمد لله انها جت في العربية و انتي بره.