احذر القادمون من الخلف

**AbO MosTaFa** · 24-07-2012 11:50 PM

السلام عليكم ورحمه الله وبركاته

كل عام وانتم بخير

الاسبوع الي فات صاحبي كان راجع من المستشفي علي طريق ابو كبير وطبعا زي كل الطرق المصرية مليان مطبات بدون اي لازمة او اي تخطيط

المهم الراجل هدي قبل المطب وده طبعا عادي
وطلع المطب :)

راح واحد جاي من وراه بعربية نقل مش تفهم بقي شارب ايه جاي بسرعة لاتقل عن 80 وراح خابط فيه :(

طبعا العربية طارت وخبطت في شجرة وخدت الشجرة ونزلت في الترعة

ربنا كريم الحمد لله الاير باج خففت الخبطة شوية والحمد لله قدر يفتح الباب ويطلع من العربية

والحمد لله جت سليمة وطلع من الحادثة دي سليم لان الطريق ده رايح جاي مافيش جزيرة في النص

وحسبي الله في كل سواقين النقل المتهورين بجد لازم كلنا ناخد بالنا من الموضوع ده علي الطريق قبل ما تركب المطب لازم تبص وراك وتشغل الانتظار وتحاول تبعد عن اي نقل وراك لانهم بجد مساطيل انا حصلي نفس الموقف ده من شهر بس الحمد لله جت سليمة لاني كسرت كل الدركسيون شمال بره الطريق والبيه الي سايق النقل لبس المطب

وياريته اعتذر اوي اي حاجة ده دنه مستني لحد ما انا طلعت علي الطريق ولقيت ضحكة غبية لاتدل الا علي شخص غير طبيعي ياعني اقل حاجة في موقف زي ده انك تعتذر ولو باشارة لكن حسبي الله ونعم الوكيل

وربنا يستر طريقنا

**hugan** · 25-07-2012 12:08 AM

سواقين النقل والميكروباص عايزين يتعدموا في ميدان عام بجاز وسخ
هما وعربياتهم
قله ادب واستهتار بكل حاجه
ويوم ماتتكلم يطلع لك حته سلاح حلوه كده
واللي عندك اعمله

**MohammedAladel** · 25-07-2012 12:25 AM

مفيش كلام يوصف غيظى

**AbO MosTaFa** · 25-07-2012 01:18 AM

المشاركة الأصلية كتبت بواسطة hugan

سواقين النقل والميكروباص عايزين يتعدموا في ميدان عام بجاز وسخ
هما وعربياتهم
قله ادب واستهتار بكل حاجه
ويوم ماتتكلم يطلع لك حته سلاح حلوه كده
واللي عندك اعمله

وسواقين التاكسيات برضه اغلبهم حاجة تقرف كسر اشارة ويعدي من يمينك من غير اي اشارة وياويلك لو فتحت بقك

**graffittiii** · 25-07-2012 04:06 AM

المشاركة الأصلية كتبت بواسطة mmen3m

لازم كلنا ناخد بالنا من الموضوع ده علي الطريق قبل ما تركب المطب لازم تبص وراك وتشغل الانتظار
وربنا يستر طريقنا

**BUNSH** · 25-07-2012 04:06 AM

المشاركة الأصلية كتبت بواسطة hugan

سواقين النقل والميكروباص عايزين يتعدموا في ميدان عام بجاز وسخ
هما وعربياتهم
قله ادب واستهتار بكل حاجه
ويوم ماتتكلم يطلع لك حته سلاح حلوه كده
واللي عندك اعمله

+9999
بالاضافة بعد دة كلواا يتعلقوااا من &^%$#@ علشان يكونوا عبرة لغيرهم !
دائماا واحد بيقول احذر غباوة الاخرين :'(
ربنا يرحمنا برحمتة الواسعة..

أنا عن نفسى كرهت كل الطرق ومبقتش امشــــــــــى من طريق معاهدة 36 لأنة كل مطبــــــــــات بين كل مطب ومطب مطب !! وبأخدها صحراوي :)
وربنا يستر طريقنا جميــــعا ..