اسم اللنبي حرصهم وصينهم الاطفال المصريين الابرياء حاجه تهبل وربنا
بعد لما العربيه خلصت وركبو الفوانيس والشبطه والاكصدام النهارده والعربيه وصلت لحد البيت وباقي الدهان هعمله بكرا وقولت الحمد لله قولت اطلع مع صحابي اشيش ونعلب ضمنه وبلايستشن وافرح عن نفسي شوية بدل الغم الي انا فيه
وعادي جدا بس سبت العربيه تحت البيت قولت بلاش بدل ما اركنك وتتخبطي خليكي هنا احسن
رجعت بصيت علي العربيه بنظره عابره وانها مكنها متحركتش ومحدش خبطها قولت الحمد لله
وكنت مبتسم جدا جدا
طلعت اتسحرت واتكلمت مع الوالد شوية بخصوص العربيه قالي نبعها واجبلك حاجه جديده كوري وكان بالتحديد الاختيار فيرنا
قولت كوري كوري مش احسن من صندوق الجزم دا
طبعا نازل بعد لما اتسحرت ادخل العربيه المدخل خليها تنام زمان الموتور مصدع من كتر الخبط ودقدقت السمكري
نزلت وكانت الدنيا ضلمه ودخلتها المدخل وانا بقفلها شوفت فاجعه
طفل ما اطفال مصر الابرياء كان بيفرق صورايخ وبمب علي الكبوت مع ان في اكتر من 6 عربيات ركنين في نفس الشارع
والعربيه لونها ابيض والصواريخ والبمب عامل علامه سودا علي الكبوت حاجه كدا حلوه يعني نقدر نقول فرقع بتاع 20 صورخ او مجموعه من الي هي بتكون مربوطه في بعضها وبتفرقع ورا بعض
حاجه تخليك تفرح لقيت حاجه عمله زي سلسله
واد مفخره الله الوكيل حاجه زي الفل واللهي مش عارف اعمل ايه اركنها علي السرير الي جمبي ولي اعمل فيها ايه ؟؟؟؟
تتشال ازاي العلامه السودا دي حولت اشلها بالفوطه كدا مفيش فايده
الرحمه يا رب
المفضلات