اخيررررررررررا استلمت لوجان 2013 كاملة اتوماتيك بركاتك يارمضااان

**matinja** · 25-07-2012 12:04 PM

سلام عليكم يا لوجانويه كل سنة وانتوا كلكوا طيبين وبخير انا اول مرة أكتب موضوع هنا بس انا بقالي كتير أوي بشوف كل الموضيع الي على المنتدى احب في الاول اشكر كل الناس الي هنا الي كان ليهم اثر كبير في اني والحمد لله استقر على رينو لوجان

ثانيا انا بفضل الله والحمد لله استلمت امبارح عربيتي رينو لوجان 2013 كاملة اتوماتيك استلمتها من معرض اسمه four brothers ده موجود في مدينة نصر في عباس العقاد الشهادة لله ناس محترمة جدا وملتزمة بكلمتها وكمان المندوب الي كان معايا من الاول راجل قمه في الاحترام والالتزام هوه اسمه احمد عصمت طبعا انا لسه مستلمتش ورقها والمفروض يوم السبت ان شاء الله اروح ارخص

العربية بسم الله مشاء الله رائعه عاليه عن الارض ودي اهم ميزة فيها من وجهة نظري خصوصا اني كان معايا لانوس وان كانت معذباني من الموضوع ده مريحه في سواقتها وواسعة جداااااااااا وشنطتها كبيراااااااااااااااا انا طبعا لسه خايف شويه وانا سايقها جديدة بقى وخايف انها تتخدش او حاجه ولسه كمان متعودتش عليها لاني مسقتهاش اكتر من 50 كيلو بالكتير اوي يعني من المعرض للبيت امبارح بالليل ومن البيت للشغل انهاردة الصبح بس شويه شويه هتعود على ابعدها

انا ان شاء الله ناوي اعملكم تقرير مفصل عن كل حاجه وعن اداء العربية وموترها وسحبها وكده بس انا هستنى لما اكمل بيها 1000 كيلو عشان اكون خلصت التليين واكون كمان كونت انطباع منطقى عن العربية عموما متقلقوش بحكم طبيعة شغلي فا الألف كيلو دول مش هياخدو مني اكتر من اسبوعين بالكتير أوي انا حبيت بس أقولك اني اخيرا انضميت لنادي اللوجانوية وبكرر شكري لكل الناس الي انا استفدت منها

اه حاجه اخيرة اللوجان الـ2013 الاتوماتيك خلاص نزلت وموجوده عند المعرض الي انا جبت منه استلام فوريييييي ممكن تكون في المعارض التانية بيدو بأسبقية الحجز بس من مكان ماانا جبت استلام فوريييييي
بكرر شكري تاني وانا جاهز لاي اسئله لو حد يحب يسأل عن حاجه

اخوكم محمد الشيخ

**JAM** · 25-07-2012 02:20 PM

ربنا يباركلك فيها ويكفيك شرها
ومستنيين التقرير المتين وأهم الإختلافات بينها وبين اللوجان اللى قبلها

**a_nbm** · 25-07-2012 02:45 PM

مبرووووووووووك

**ahmed_m_ashraf** · 25-07-2012 03:57 PM

ألف مبروك ياباشا ورمضان كريم والله أكرم :)

سؤال بس، الكاسيت عند حضرتك زي ده ولا مختلف؟

**matinja** · 25-07-2012 04:31 PM

المشاركة الأصلية كتبت بواسطة ahmed_m_ashraf

ألف مبروك ياباشا ورمضان كريم والله أكرم :)

سؤال بس، الكاسيت عند حضرتك زي ده ولا مختلف؟

الله يبارك فيكم جميعا وعقبال الي مدخلش النادي ده يدخله بقلب جامد
الكاست هوه هوه ياباشا مفيهوش بلوتوث ولا فيه usb ممكن يكون في الدفعات الي جايه فيه الكلام ده لان دي اول دفعة تنزل في 2013