شوية نصابين

**AhMeD MeTwAlY** · 27-07-2012 02:10 AM

الشعب المصري دا بيعمل مفتح علي الغلبان

ونصب بالعبيط
النهارده كان عندي كوتش كل ما ازوده بينام في عربيت الحاج المهم قالي روح شوف فيه ايه
في واحد نصاب بتاع كوتش انا عارف انه نصاب بس بحب اروحله حب يعمل مفتح عليه زليته شهر ونص في جنوط سبور جبت منه اتنين وسبت ليه اتنين علي اساس ان هفرج ولدي عليهم وسبتهم في المخزن شهر ونص لحد لما عيط لولدي
المهم روحت النهارده لقيته ماسك ازازه في ايده لونها ابيض وواحد فلاح معاه موتسيكل وبيحط من الازازه دي في الكوتش ويقوله دي بتلحم الخروم لوحدها انا ابصله واضحك
المهم قال للراجل امسك الفرده واقعد رج فيها عشان الماده تنتشر في الفرده
الازازه حجمها 1000ML
مكتوب عليها
orignal quality
tire sealant
BMW ORLD
Driving a good mood
derived from the tirs health
bm world ent.co.ltd
anti-rust
made in p.r.c
الازازه دي بكام بقئ 30 جنيه تحطها في اي فردة كوتش تلحم الخرم لوحدها (لسحر ولي شعوزه)
المهم بيقولي احطهالك تلحم اي خرم في الفرده يا بحميد قولتله انت مبتحرمش

المره دي هلم المحل كله وامشي
فضل يبرطم بشوية كلام كدا
بقوله بتقول حاجه قالي تشرب شاي قولتله لا
طبعا الماده دي لبتلحم ولي بتخرم يمكن تكون بتبوظ الفرده كمان
لان لما حطيت الماده دي علي ايدي لقيتها عامله زي الغري بس علي خفيف اوي وفيها قطع من كوتش مفرومه عرفين الحرف بتاع الكوتش الطري الي بيكون موجود في الجنط حاجه شبيه ليه ومتقطعه حتت صغيره كانها مفرومه في خلاط

**ashraf1212** · 27-07-2012 02:44 AM

السلام عليكم ورحمة الله وبركاته
اللهم صل على محمد وعلى آله وصحبه أجمعين
أنا زمان أشتريت علبة أسبراى أيطالى ببلف بتنفخ الكاوتش وبتحط مادة لزجة صمغية للحام الكاوتش لمدة ساعات طويلة لحين ذهابك لأصلاح الكاوتش وخلع المسمار وكان هايل وبينفع وأنت مسافر يعنى لا توقف فى الشمس ولا تفضى الشنطة علشان تطلع ألأستبن والكوريك وفك صواميل ووقفة خطر وسط طريق سفر

**AhMeD MeTwAlY** · 27-07-2012 03:10 AM

المشاركة الأصلية كتبت بواسطة ashraf1212

السلام عليكم ورحمة الله وبركاته
اللهم صل على محمد وعلى آله وصحبه أجمعين
أنا زمان أشتريت علبة أسبراى أيطالى ببلف بتنفخ الكاوتش وبتحط مادة لزجة صمغية للحام الكاوتش لمدة ساعات طويلة لحين ذهابك لأصلاح الكاوتش وخلع المسمار وكان هايل وبينفع وأنت مسافر يعنى لا توقف فى الشمس ولا تفضى الشنطة علشان تطلع ألأستبن والكوريك وفك صواميل ووقفة خطر وسط طريق سفر

دي مش ليها علاقه بدي نهائي دي ماده لزجه بتتحط في الكوتش قبل ما يتلحم ومش بيفردها بفرشه دا بينفخ الكوتش وهي سيله داخل الكوتش وبعدين اقعد نطط في الكوتش لحد لما تمسك وطبعا دي اشتغاله

**KarimAbulEla** · 27-07-2012 03:59 AM

كان فيه منتج شبيه بالمادة ديه بيتباع فى المنتدى من فترة ، مادة تحطها داخل الكاوتش و تنفخه و بعدين لو اتخرمت العجلة و هى فى حالة السير ، الخرم بيتحلم من الداخل بسبب خروج المادة ديه من الخرم و تحولها لمادة صلبة لما بتتعرض للهواء ، و تصلح فى معظم حالات تلف الكاوتش بسبب الخروم و التشققات و خلافه .

**AhMeD MeTwAlY** · 27-07-2012 04:25 AM

المشاركة الأصلية كتبت بواسطة karimabulela

كان فيه منتج شبيه بالمادة ديه بيتباع فى المنتدى من فترة ، مادة تحطها داخل الكاوتش و تنفخه و بعدين لو اتخرمت العجلة و هى فى حالة السير ، الخرم بيتحلم من الداخل بسبب خروج المادة ديه من الخرم و تحولها لمادة صلبة لما بتتعرض للهواء ، و تصلح فى معظم حالات تلف الكاوتش بسبب الخروم و التشققات و خلافه .

معني كدا انها تفضل سايله داخل الكوتش لحد لما يحصل الخروم وبعد كدا تخرج وبكدا ممكن تسبب غربله في الكوتش وحصل مشاكل علي الماده دي
وبعد كدا ظهر اعلان في المنتدي تحت شعار سلح كوتشك وفعلا الموضوع نجح مع ناس كتيره وفي حاله واحده منحجش معاها وحصل عليه مشاكل في المنتدي هنا وتم حل المشكله من خلال مستر كريم
وكانت الماده دي بيتم لزقها في الكوتش وليست سائله بسبب الغربله الي كانت حصلت

**ashraf1212** · 27-07-2012 04:52 AM

أنا شايف ألأسبراى ألأيطالى أحسن حل وبتحتاجة فى الظروف الطارئة فقط وبيفرق معاك كتير وسمعت برضة عن المادة ألأمريكية السائلة بس مارتحتش لفكرتة وأدية طلع سىء

**AhMeD MeTwAlY** · 27-07-2012 04:56 AM

المشاركة الأصلية كتبت بواسطة ashraf1212

أنا شايف ألأسبراى ألأيطالى أحسن حل وبتحتاجة فى الظروف الطارئة فقط وبيفرق معاك كتير وسمعت برضة عن المادة ألأمريكية السائلة بس مارتحتش لفكرتة وأدية طلع سىء

انا مبجربش الحجات دي نهائي انا بعتمد علي الكوتش الي معايا مدام بشتري انواع محترمه وبغير في المواعيد المحدده لبستخد اسبراي ولي اي حاجه وبعدين انا كوريكي معايا ملفي معايا مثلثي معايا فك وركب ونزل وشد تاني علي الصواميل وكأن مفيش حاجه حلصت