مشورة يا فياتاوية

**hamada2u2000** · 27-07-2012 09:34 PM

انا معايا هيونداى جيتز ومش مزعلانى بس جالى من يومين واحد عايز يشترى بس قولتله اصبر لما الاقى حاجه تانيه اركبها
المهم واحد صاحبى عنده فيات جراند بونتو 2008 لونها لبنى حالتها جيده بس هوه بيقوللى ان فيها مشكله بتحصل مره مثلا كل سنة او 6 شهور العربيه ماشيه كويس تروح مبطله وتنور لمبه التشيك بس لما يشيل المفتاح ويدورها تانى ترجع كل حاجه لحالتها
انا عايز اعرف رايكوا فى العربيه عموما وفى دى خصوصا وايه الحل لللمشكله دى وياريت كمان تساوى كام هيا ما فيش فيها الا مرمات بسيطة جدااااااااااا
ياريت المشورة وسرعه الرد ضرورى لان العربيه عجبانى بس العيب ده انا مقلق منه قوى

**khalid_adel** · 28-07-2012 12:23 AM

لازم تكشف عليها في التوكيل في كل الحالات
وهو صاحبك ده مرحش يشيك عليها هناك ليه ؟؟
بس شكلها حاجه بسيطه كانت مسجلة ايرور وحيروح مع اول ريسيت ان شاء الله

**hamada2u2000** · 28-07-2012 08:06 PM

up up up

**khalid_adel** · 28-07-2012 08:15 PM

للاسف مش قادر افيدك في موضوع التسعير
بس يعني الموضوع طلع حاجه بسيطه واتحل الحمد لله ؟

**nouranwar** · 29-07-2012 03:53 AM

لو الجيتز مريحاك بلاش تبيعها و تعمل زيي كان معايا ماتريكس تحفة و لما بعتها ندمت علي حالتها علشان كل اللي اشتريته من بعديها زعلني في حاجات كتير
من النهاية لو عايز تبيع عربيتك و حالتها ممتازة متشتريش غير زيرو علشان كل المستعمل بيبقي فيه عيوب الا اذا كانت تحت نظرك علطول و عارف تاريخ اعطالها
شكل الجراند احسن من الجيتز ده رأيي لكن الاهم حااالة العربية علشان متزهقش منها بسبب حالتها
و بالتوفيق في الاختيار ان شاء الله

**ahmedsiyam** · 01-08-2012 03:02 PM

هيونداى :
ركوبة اقتصادية - قطع غيار متوفرة - توكيل كويس جدا - سعر اعادة بيع معقول
فيات :
قطع غيار غالية - ماعرفش متوفرة و لا لأ - توكيل سمعته سيئة - ركوبة نظيفة اوى و احلى من الهيونداى بمراحل فى كل حاجة

لكن الحاجة الجوهرية اللى هاتحس بيها انك ركبت عربية بطيئة جدا مقارنة بعربيتك الجيتز