حماية واجهة السيارة أثناء السفر

**Evo** · 29-07-2012 05:15 PM

في السفر وخصوصا على السرعات العالية في الطرق الصحراوية الرمل بيبقى عامل زي المدافع على الكبوت والاكصدام الامامي وطبعا الفوانيس الامامية
وخصوصا بقى لو الطريق عليه تريلات محملة رمل أو زلط الصغير ده
ومع الصيف و زيادة درجة الحرارة البويه بتروح في شربة مية وتلاقي نقر و لمعة البويه تروح شوية بشوية

في الاول مكنتش بحط في دماغي لكن دلوقتي الموضوع بدأ يشغلني خصوصا إن اتقالي إن ملوش حل إلا الرش وطبعا ده مستحيل

قلت أعمل الفيلم العازل لكن هيكون النص الامامي بيلمع لمعه زجاجيه بسبب الفيلم والنص الخلفي عادي بايخة دي

في ناس اقترحوا التشحيم اللي الخليجيين بيعملوه على مقدمة سياراتهم في سفرياتهم بس أعرف منين التشحيم ده بيتجاب أو بيتعمل فين في مصر ؟

القناع كل الناس قالوا بلاش ممل في تركيبه وشيله بالاضافه إنه مع السرعة العالية بيعمل احتكاك مع الفوانيس ويسيب اثر على البويه

في ناس بقى اقترحت فازلين البشرة حد عند خلفية عن الموضوع ده ؟

و ناس تانية اقترحت الفيري مع عدم تكراره كتير لانه بيضيع لمعة البوية مع كتر الإستخدام !!

أنا شفت عربية واحد معرفه 330 موديل 2011 العربية من قدام ضايعه الفوانيس مطفية تماما ونقر كتير جدا في مقدمه الكبوت وفي الاكصدام وطبعا كل ده بسبب الرمل الlلعين في السفر على الصحراوي .

فياريت اللي عنده حل عملي يقول عليه

**walidadel81** · 29-07-2012 07:11 PM

هو الموضوع مش ملحوظ اوي زي ماحضرتك بتقول اوي عن تجربه ليه العربيه معاي اعد حوالي تلت سنين سافرت بيها كتير جدااا بحكم شغلي تقريبا عملت بيها بالتلت سنين بحدود 150 الف كيلو وكل اللي حصل اني رشيت الاكسدام بس قبل ما ابعها

**exact** · 29-07-2012 07:18 PM

لو مشوارك كبير اللي بيتحط على وش العربية فالخليج ده بيسموه تغبيره وهو عباره عن محلول من مادة مشابهة لمعجون السنان اما تخففه في ميه كتير وبيترش عالعربية وهي باردة والصاج بارد تماما فيسيب طبقة جيرية عالعربية تحميها

فجرب كده مره حتة معجون سنان في شوية ميه ضغيرين وادهنه عالعربية (من غير دعك)

اما بتخلص مشوارك بتغسله بخرطوم ميه عادي وبدون دعك (وركز قوي على بدون دعك دي) لحد اما يروح خالص وبعدين تغسل العربية عادي

**khalid_adel** · 29-07-2012 07:34 PM

موديل 2011 والعربيه فوانيسها مطفيه والكابوت منقر
ليييييه بيمشي في سباقات راللي
انا اربع سنين وهي فتره معينه كنت بسافر مرتين في الشهر وغير اني كنت بخش في رمله وصحرا بجد والعربيه كان لونها اسود وعادي محستش اوي باللي بتقول عليه ده
اعتقد الموضوع في مبالغه شويه او ان حاجه غير طبيعيه حصلت للعربيه وفي الحالتين احنا بنجيب عربيات عشان نستخدمها في الشارع مش حنحطلها شمسية على راسها وهي ماشيه يعني :)

**khalid_adel** · 30-07-2012 02:03 AM

علي فكره اللي كنت بتكلم عليها دي مكنتش بسافر غير وانا مثبت 200 او 180 ويوم ما كنت ببقى ماشي محترم وبراحة كنت بمشي 160
يااااااااه متفكرنيش بقى ايام الدلع كنت كل سفريه ببقى شايل ال 150 بتوع الرادار في طفاية السجاير دلوقتي بقي خلاص والحمد لله ربنا هدنا وهدانا :)

**Evo** · 30-07-2012 01:45 PM

المشاركة الأصلية كتبت بواسطة exact

لو مشوارك كبير اللي بيتحط على وش العربية فالخليج ده بيسموه تغبيره وهو عباره عن محلول من مادة مشابهة لمعجون السنان اما تخففه في ميه كتير وبيترش عالعربية وهي باردة والصاج بارد تماما فيسيب طبقة جيرية عالعربية تحميها

فجرب كده مره حتة معجون سنان في شوية ميه ضغيرين وادهنه عالعربية (من غير دعك)

اما بتخلص مشوارك بتغسله بخرطوم ميه عادي وبدون دعك (وركز قوي على بدون دعك دي) لحد اما يروح خالص وبعدين تغسل العربية عادي

طيب معجون الأسنان مش هيكون ليه اثر عكسي على لون البويه مش هيخليها تطفي يعني لانه مادة كيماوية للتنظيف زي الفيري بالضبط ؟

**Evo** · 30-07-2012 01:47 PM

المشاركة الأصلية كتبت بواسطة semi

اعتقد انك لو مش عديت ال90 مش هتحس بالحاجات دي
لكن لما بتمشي على سرعات عالية انت اللي بتبقى الرصاصة مش ذرة الرمل او الزلط الصغير

ماهو أنا إزاي أكون مسافر طريق 600 كم زي شرم مثلا وأمشي على 90 أنا كده هوصل في يومين مع الإستراحات ده غير الملل الفظيع بقى على السرعة البطيئة

**ahmedeihab** · 30-07-2012 01:59 PM

اعتقد ان احسن حل هو الفازلين على الاكصدام و الكبوت و الرفارف و العتب ورا الكاوتش

و ده بيعمل زى طبقه الشحم اللى بتتعمل فى الخليج

و الكلام ده ممكن علبتين و العلبه ب 3 جنيه يعنى 6 جنيه ال 2

و بكده يبقى الواحد عمل طبقه عازله بين السطح الملامس للاتربه و الكلام ده

و تبقى البويه بتاعتك فى التمام

و ملوش اى اثار جانبيه

^_^

الموضوع: حماية واجهة السيارة أثناء السفر

LinkBack

أدوات الموضوع

عرض

-

-

-

-

-

المواضيع المتشابهه

غطاء السيارة ...حماية ام ضرر

حماية كاسيت السيارة!!!

سبراي حماية جسم السيارة في السفر (عاجل)

استفسار عن ضغط الإطارات أثناء السفر

السرعة المثالية لتوفير الوقود أثناء السفر ( جين تو)

الكلمات الدلالية لهذا الموضوع

المفضلات

المفضلات

ضوابط المشاركة