الموضوع: اتسرقت في بنزينة موبيل

السلام عليكم ورحمة الله

نظراً لقلة الضمير المتوغلة الايام دي فمحدش هيستغرب من اللي هقوله
بل اصبح شئ عادي
كنت في بنزينة موبيل اللي على جسر السويس قبل شارع احمد عصمت
اول ما دخلت التانك عندي على اليمين وقالي اقف على الشمال فاستغربت
المهم قعد يدخلني ادام عشان التانك يوصل واصبحت مش شايف العداد نهائي
قولتله فول 15 لتر دقيقتين وقالي خالص ادفع 28 جنيه دفعت
والعادي بتاعي اني ببص بنفسي على الكاونتر بتاع البنزينة مش بصيت
ومشيت والعادي بتاعي ان بعد ما بمشي ببص على العداد عندي للتأكد
لكن ملحقتش ليه بقى لان واحد تاني واقف في البنزينة بصفة رسمية وسط العمال هناك
انه تبع شركة موبيل وان الشركة بتوزع جوايز على عملاء موبيل كاحتفال سنوي
وانك بتخريش وتستلم جايزتك تاني يوم ولو مش طلعلك حاجه بتكسب 50 لتر بنزين
لحد هنا الدنيا جميلة وانت طالع كسبان كسبان وفرصة لا تعوض
لكن في النهاية بيقولي في تأمين 100 جنيه عشان لو طلعلتك جايزة ومروحتش استلمتها
هتروح عليك
هنا بقى صعب علي جدا الوقت اللي ضيعته مع البني ادم ده
وبصتله وبصيت للكوبون المعفن اللي كان بايده وقولتله ايه الضامن لا عليه ختم ولا عليه اي حاجه اصلا
ورفضت طبعا والتصرف الخطأ اني رفضت بذوق واحترام ومع استدراك الامر المفروض الشخص ده حرامي ويتم التعامل معاه على اساس كده
والغريبة كان بيقولي ان الضامن هو صاحب البنزينة :)
صاحب بنزينة موبيل هايجي يضمن الصايع النصاب ده كذبة هبلة
طبعا من الكلام ده كله انتوا نسيتم الموضوع الاساسي وهو موضوع البنزين والعداد
وهو ده اللي حصل معايا مشيت ومش بصيت على عداد البنزين لان الكلام ده استمر لربع ساعة
لكن اكتشفت بعد ما بعدت من البنزينة بالسرقة اللي حصلت
انه فولي 7 لتر فقط ومش 15 والله اعلم اذا كان بنزين كويس او لا
اتغظت جدا وحسيت بقهر مش من السرقة من البني الادم اللي بيقبل على نفسه الحرام
وكان نفسي ارجع في ساعتها وامسك فيهم وعارف اني مش هاخد البنزين لاني كنت مشيت واصبح مفيش اثبات بس كنت ضربتهم حتى
لكن للاسف كنت مستعجل جدا جدا في اليوم ده
اغرب ما في الموضوع ان النزينة موبيل وبعد الاستفسار اتضح ان البنزينة مشهورة بالنصب والسرقة
وان محدش بقى يروحلها
طب ليه مفيش عقاب ليه محدش اتحرك وبلغ
دلوقت الموضوع الغرض منه التحذير من البنزينة خاصة ومن موضوع السرقة عامة
والغرض منه ايضا اقتراحاتكم ايه الاجراء اللي ممكن يتم للتبليغ عنهم
انا مستعد اروح اعمل محضر لو ده قانوني مستعد اتصل بالشركة ابلغها
هل في جهة مسئولة لاستقبال تلك الشكاوي والتحقيق بها ياريت حد يفيدنا
اسف جدا على الاطالة!!