الموضوع: سؤال بخصوص مصدر العربيات الخليجى...

مصدر السيارات الخليجي تجار وموزعين ومستوردين، ودخل في السوق ده كمان أصحاب مبالغ راحو يشغلوها عند تجار واستوردوا عربيات من الخليج بكميات مهولة بتنزل ميناء السويس أو سفاجا، وبيتدفع جمركها وتخرج بإفراجات جمركية، وبتتباع في المعارض زيرو وزي الفل، وطبعا الوكلاء هنا في مصر جالهم السكر والضغط بسبب الموضوع ده، عشان سوقهم كده هيوقف ويتكشفوا!!!!!!!! عشان لو هتقارن المواصفة المصري بالمواصفة الخليجي من نفس النوع بتكون النتيجة إن المواصفة المصري بتاخد استمارة 6 في كل الأحوال. بس التوكيلات اللي هنا بتقعد تخوف الناس على الفاضي من الخليجي على إنه معاهوش ضمان، يا فرحتي بالضمااااااااااااااااااان اللي بناخده من الوكيل المصري بيكون زي قلته. وطبعا بيحسسونا إن العربية الخليجي متقفلة في ورشة خراطة وإن أعطالها كتير وده كله كدب في كدب وخرافات وأساطير الأولين كمان، لأن الشركات المصنعة طبعا تعمل حساب للوكيل الخليجي أكتر من المصري مرتين تلاتة كمان، وبصفة عامة المصانع دي بتنتج حسب رغبات العميل بس بتحافظ على اسمها وخطوط الجودة عندها والمقاييس الملتزمة بيها، لأني مجرب القصة دي وأعرف مستورد كان بيستورد اللانسر 1600 الخليجي والجيتا والفانتازيا وكنت بشوف مخزنه والعربيات نازلة من التريللا طازة وبشوف جداول الإفراجات والمواصفات وشهادات المنشأ. إنسى المواصفة المصري لما الوكيل يروح للشركة المنتجة ويشيل منها كل حاجة عشان يدفع أقل جمرك ويعمل أعلى هامش ربح وده على حسابك وحسابي، بيشيل إيه؟؟؟؟؟ بداية من abs ووسائد الهواء ومثبت السرعة وبخاخات وجنوط أصلي ودياولو، وبالتالي بنركب إحنا عربيات 2012 زي ما العالم كان بيركبها سنة 99، ومش هقول أسامي ولا موديلات بس حضرتك شوف عربية من الوكيل المحلي ميكونش فيها abs ولا وسائد هواء ولا فتحة سقف وممكن تكون نازلة من غير فوج لايت ويكون فيها راديو سي دي ما يعملش 400ج.م وقصادها أختها خليجي نازلة بكل الكماليات دي وتكييف أقوى وكماليات زيادة، والسعر هو هو مش أغلى، وكمان العربيات اللي بتتجمع هنا بيحوطو فيها بطاريات أقل من الأمبير الموصف لها وكاوتش على قده والديلي ناس اشترت زيرو محلي وغيرت بطاريته بعد 3 و 4 شهور، وفي عربية تجميع محلى 2000cc بيحوطو فيها بطارية 55 أمبير تركي تترمي بعد 6 شهور بحد أقصى وهي ماتنزلش غير 70 أمبير، وبالمثال يتضح المقال:
كان صديقي بيستورد سنة 2007- 2008 ميتسوبيشي لانسر 1600 كلاسيك على ما أذكر تقريبا 10000 دولار لغاية الميناء، وبيدفع جمارك من 50000- 55000ج.م والتغير ده حسب الفئة والمواصفات اللي نازلة فيها يعني جمرك السوبر أكشن غير الكلاسيك ونفس الموتور بالإضافة لسعر الدولار للجنيه.... ده غير مصاريف متنوعة تانية، العربية تقف علية 110000ج.م تقريبا وبتتياع 118-120، عارف الوكيل بيبعها بكام ساعتها؟؟
وصلت 126 ألف ج.م الأكشن 2007 مش صح؟؟؟؟؟
أقولك قنبلة تانية؟؟؟ موتور الوكيل المصري 109 حصان والخليجي 122 حصان وارجع للجداول والكتالوجات وقارن بنفسك، آسف للإطالة