أيه أحسن شريحه موبيل لجى بى أس تراكر ؟

**M_Marwan** · 31-07-2012 04:25 PM

سلام عليكم يا شباب

عاوز أشترى شريحه موبيل لجى بى أس تراكر أيه أفضل نظام ؟

أجيبها فاتوره ولا كرت ؟؟ أنا خايف من موضوع الكروت ده ممكن انسى أشحنها وكده

انا محتاج منها رسائل وتقريبا دخول على النت برده

الف شكر

**Sir_Mohd_Sabra** · 31-07-2012 06:03 PM

فودافون وانت مغمض طبعا

**Ahmed_selmy** · 31-07-2012 06:18 PM

موبنيل علشان التغطيه اوسع

**Land_Cruiser** · 31-07-2012 06:20 PM

لو حضرتك تقصد بأحسن شريحه الاحسن فى التغطيه فالموضوع ده نسبى و يعتمد على جوده التغطيه فى المناطق اللى حضرتك بتتواجد فيها و ده سهل تعرفه يعنى ببساطه شوف الموبايل بيبقى لاقط كام شرطه فى الاماكن اللى تتواجد فيها و لو الشبكه بتاعه الموبايل بتاعتك كويسه هات الشريحه زيها اما لو بتتكلم عن الارخص فالاهم من السعر هو التغطيه اكيد لان التتبع هيبقى زى قلته لو المكان اللى فيه العربيه مفيهوش شبكه و بالذات الاماكن اللى بتركن فيها باستمرار اما فى حاله لو لاقدر الله العربيه اتسرقت محدش يقدر يعرف تفكير السارق و لذلك ده مش هيأثر كتير على قرارك. بالنسبه لحكايه كارت او اشتراك الافضل تخليه اشتراك و يكون اقل قيمه لانك هتحتاجه فقط فى إرسال رسائل و ده لا يحتاج رصيد كبير يعنى اعمل اشتراك شهرى قليل و ادفع مده مقدمه علشان ما تنساش تدفع الاشتراك و بكده تقلل احتمال النسيان و ما تنساش تطلب من الشركه اللى هتستقر عليها انها توقف اى نوع من الرسائل الدعائيه سواء منها او من غيرها

**tutankhamoun** · 31-07-2012 06:21 PM

لو بتتكلم عن التغطية
يبقى ما تقدرش تحكم نهائي .
لأن جي بي أس تراكر .........يعني متحرك يعني أماكن مختلفة .

هاتلاقي كل شركة قوية في حتة وأضعف في مكان تاني

مفيش شركة في التلاتة عندها تغطية 100 % في كل مصر .

أنا عندي مثلا ...... شبكة موبينيل ........ صفر .......... بمعنى أن الشبكة بتفصل تماما .
و على العكس فودافون و أتصالات ممتازين .

و فيه أماكن بروح فيها بتكون التغطية أضعف .

و لو بتتكلم عن خطط الأسعار .
أعتقد كلهم زي بعض أو قريبين قوي من بعض .
أنا بفضل فودافون و أتصالات .