الموضوع: حد معاه فيرنا 1600 اوتوماتيك ؟ برجاء المساعدة

بص يا سيدي انا هقولك علي معلومه ممكن تفيدك في الموضوع ده.

موتور الفيرنا ال 1600 هو هو موتور الماتريكس والجيتس يعني اكيد الفتيس الاوتو ماتيك هيبقي نفس الفتيس ومظنش ان فيه حد اشتكي من فتيس الجيتس او الماتريكس الاتوماتيك قبل كده واعتقد ان الماتريكس عربيه كويسه وعليها اقبال في البيع والشراء.

لعلي اكون افادتك وربنا يوفقك للاختيار السليم وعموما هي الفيرنا عربيه كويسه وقطع غيارها متوفره ورخيصه وبعدين ديه تعتبر لسه زيرو 2010

كريم باشا :) ;)
فتيس الفيرنا الاوتو هو نفسه بتاع الماتريكس والجيتز و الالنترا الشيب القديم
وهو فتيس محترم وكويس جدا ، اهم حاجة يكشف على العربية كويس قبل ما يخلص فيها وياريت في التوكيل وصدقنى مش خسارة 250 جنيه ، احسن بكتير من انك تلبس العربية ويكون فيها حاجة جامدة لا قدر الله ، الكشف بيشمل كل مسمار في العربية وحالة كل جزء فيها من حيث الشاسيه والبودى بالكامل والموتور والفتيس والات الجر والعفشة والتكييف والكهربا + تجربة قيادة من الفنى

لو العربيه سليمه من كل النواحى توكل على الله وما تقلقش من الاوتوماتيك فى الفيرنا خالص

نفس الشيء هنا انا امتلكت 3 عربيات فيرنا اتوماتيك 2007 و 2010 و 2012 والحمد لله مفيهاش مشاكل في الفتيس, واللي يخليك مطمن اكتر انشاء الله ان الفتيس كله استيراد بيعمل من 1200 ل 1500 جنية لو حالته كالزيرو, بس اهم شيء انك تكشف اول علي العربية كويس وبالتوفيق انشاء الله

لو نفس البارت نمبر بتاع الماتريكس يبقى زي الفل

المشاركة الأصلية كتبت بواسطة amrelsaqqa

كريم باشا :) ;)
فتيس الفيرنا الاوتو هو نفسه بتاع الماتريكس والجيتز و الالنترا الشيب القديم
وهو فتيس محترم وكويس جدا ، اهم حاجة يكشف على العربية كويس قبل ما يخلص فيها وياريت في التوكيل وصدقنى مش خسارة 250 جنيه ، احسن بكتير من انك تلبس العربية ويكون فيها حاجة جامدة لا قدر الله ، الكشف بيشمل كل مسمار في العربية وحالة كل جزء فيها من حيث الشاسيه والبودى بالكامل والموتور والفتيس والات الجر والعفشة والتكييف والكهربا + تجربة قيادة من الفنى

عمرو باشا

ايه الصدف دي ههههههه

فعلا انا قولتله مش هنخلص في العربية غير لما نكشف عليها في التوكيل و العربية طلعت 2011 مش 2010

انت هتجيب فيرنا يا عمرو خلاص ؟ علي فكره انا سألت كذا ميكانيكي قالولي اعطال الفيرنا اقل من اعطال الانوس بس الاتنين تقريبا زي بعض في المجمل

ابقي طمني